grah vyakti ke ird gird ek abha mandal viksit karte hain. har grah ka ek vishesh prabhav kshetra hai aur har rashi/bhav men uski vishesh bhumika hoti hai. har atma men daiviya ansh hai, jo apne men janmon ka itihas samete hai. atma, is sansar men buddhi evan anubhav ke vikas ke lie, tarh-tarah ke prayog karti hai aur in prayogon ke lie use bhautik sansar se jurna hota hai. jyotish mat se brahmand 2 bhagon men banta hai: bahya brahmand grah hain aur antrik brahmand rashiyan hain. yadi mangal ka vishleshan karen, to bahya jagat men mangal un samast chijon ka pratinidhitva karta hai, jo shakti ki parichayak hain, jaise sipahi, shalya chikitsak, aujar, loha, murda ghar, khel kriyaen adi.
antrik jagat men mangal sahas, shaurya, atmanirbharata, atmasamman, ichchaen (sansarik) krodh, buddhi (tark shakti) chaturya adi ko darshata hai. sharirik taur par mangal bahya sir, nak, prajnnang, gael blaidar, rakt adi ka pratinidhitva karta hai. mangal urjatmak karyon se sanbandhit hai aur urja vyakti ke jivan men 2 prakar ke karyon ke lie avashyak hai. yah prajanan shakti ko darshata hai, tarkik buddhi aur gyan nirdharit karta hai, jo vyakti ke karyon ko dishanvit kar ke use achcha sthan pane ko prerit karte hain. mangal vyakti ki urja ko kaise sanchalit karta hai, ise samjhne ka prayas karte hain.
sadharan rashi men mangal mesh rashi ka pratinidhitva karta hai, jo prakritik urja se otaprot hai. kal purush ki kundli men pahla sthan mesh rashi hai aur isi lie mesh purush shakti ka parichayak hai tatha saptam sthan tula rashi prakriti hai. islie pratyek kundli men mangal purush shakti ko darshata hai aur saptam prakriti ko. kal purush ki kundli men tula rashi muladhar chakra ka sthan hai, jo kundlini shakti ko jagrit karne ke lie prayukt hota hai. vrishchik tula se dusri rashi hone se vyakti men jama ki gayi kundlini shakti ko batati hai, jo atmotthan ke karmakand men sahayak hai. kundlini shakti rirh ki haddi men suptavastha mane rahti hai, jise manas shakti aur kam shakti (mesh aur vrishchik rashi) donon ke sanyukt upyog se jagrit kiya ja sakta hai. yahan yah kahna avashyak hai ki mesh aur vrishchik donon rashiyon ka svami mangal hai.
vedon men mangal ko ‘angark’ kaha gaya hai. yah rajoguni hai aur karm, shakti tatha bal ka srot hai. jatak parijat ke anusar mangal pulling hai aur jivan shakti se bharpur hai. sarvarth chintamni men mangal ko kaha gaya hai ‘bhaumah pratapi ratikeliltiah’. kali das ne uttar kalamrit men bhi mangal ke bare men kaha haiah ‘kamakrodhpravad grih sainyeshah shataghni kujah. arthat mangal sainya bal, hinsa ko darshata hai aur kam kriraon men bhi mangal ki bhumika asvikarya nahin hai. mangal agni ka parichayak hai aur ek vyakti ko jivan men 3 prakar ki agni ka samna karna hota hai-jathragni, krodhagni, kamagni. tinon prakar ki vyaktigat avashyaktaon ko purn karne men mangal hi sahayak hota hai.
mangal ka dusra aham paksh hai man ki shakti, arthat mangal tark aur buddhi ka dyotak bhi hai. mangal ki purn bhumika kal purush ki kundli se samjhne ka prayas karen. kal purush ki kundli men mangal pratham sthanadhipti hai. vah dasham sthan (makar rashi) men uchchasth hai. dasham sthan vyakti vishesh ke vyavsay, karyakshetra, pad ko darshata hai. kal purush ki kundli men mangal dasham sthan (makar rashi) men baith kar chaturth sthan men baithe uchchasth guru ki drishti men rahta hai. guru kal purush ki kundli men navmadhipti hai, jo dharm bhav hai aur dvadshadhipti hai, jo moksh bhav bhi hai.
guru aur mangal ki apsi drishti is bat ki or sanket karti hai ki jivan ka lakshya sukarm aur dharm karya karna hai. dasham sthan (makar rashi) se mangal kal purush ke lagn mesh ko drisht karta hai, jo yah vyakt karta hai ki karm karne ke lie vyakti ko ichcha shakti aur urja shakti ki jarurat hoti hai. dasham bhav men uchchasth mangal (makar rashi se) kal purush ke pancham sthan ko drisht karta hai aur pancham sthan vidya, buddhi aur gyan ka hai. mangal ka pancham bhav, arthat sinh rashi ko drisht karna yah darshata hai ki pratyek karya ko achcha arth dene ke lie buddhi avashyak hai.
pancham bhav purva punya ka bhi bhav hai aur purva janm ke sanchit karm ki or sanket karta hai. yah bhi satya hai ki vyakti ke is janm ke karm uske purva karmon ka hi lekhajokha hai. mangal chunki lagnesh ho kar dasham bhav men uchch hota hai aur mangal ka sabhi avashyak aur shubh bhavon se sanbandh ise vishishtata pradan karta hai, islie manav jivan men vyakti ke karmon ki gunavatta mangal hi batata hai. yahi karan hai ki mangal ki sthiti aur bal par dhyan dena atyavashyak hai. iski achchi sthiti vyakti ko vishesh urja evan ichchashakti pradan karti hai, jo use jivan men kuch sarthak karne ko prerit karti hai.
yah rachnatmak urja vyakti vishesh ko milna nishchit ho jata hai, jab mangal kundli men mulbhut binduon lagn, lagnesh, chandra, chandresh ko prabhavit karta hai. jab mangal in uparyukt mulbhut binduon men se kisi ko prabhavit karta hai, to vyakti men ek vishesh urja sancharit hoti hai, jo use achche evan asadharan karyon ke lie prerit karti hai. is nishkarsh par pahuncha ja sakta hai ki shubh mangal vyakti ko satvik aur rachnatmak karyon ki or prerit karta hai, to dushprabhav men gaya mangal evan vakri mangal vyakti ko vyabhichari evan atyachari bana deta hai.
udahrn: maharani elijabeth dvitiya ki kundli men mangal lagn men uchch rashi mane hai. mangl-guru ki yuti hai. guru yadyapi makar rashi men nichasth hai, lekin mangal guru ka nich bhang kar ke use nich bhang rajyogkarak bana raha hai, kyonki mangal chandra aur lagn se kanedra men hai evan uchchasth hai. lagn men uchch ka mangal guru ke sath ati shubh hai, jisse maharani ke uchch gharane men janm ka praman milta hai. mangal is kundli men chaturthesh hai aur ekadshesh bhi hai, jo lagnesh shani ke sath rashi parivartan bhi kar raha hai. chandra mangal se drisht hai, jisse chandra-mangal yog bhi nirmit ho raha hai. yah kundli ko shubhatva pradan karta hai. mangal ka lagn, lagnesh aur chandra se sanbandh maharani elijabeth ko shakti, bal, pad evan uchch vichardhara deta hai. aisi achchi sthiti ka mangal maharani ke uchch pad aur paripurn jindgi ki or sanket karta hai.
yahan diye gaye sabhi udahrnon se yah nishchit kaha ja sakta hai ki vyakti vishesh ko jivan path par unnati karne ke lie mangal ki urja evan chalane ke bal ki atyadhik avashyakta hai. mangal ka bal, uski kundli men mulbhut bindu lagn, lagnesh, chandra, chandresh se sanbandh, athva dasham sthan se sanbandh, anya yogkari grahon se sanbandh vyakti ko jivan men uncha uthne ke lie avashyak urja evan shakti pradan karte hain, jiske falasvarup vyakti asadharan karya karne ki kshamata rakhta hai aur bali mangal vyakti vishesh ko apne karyakshetra men man-samman pane ko prerit karta hai.