samudrik shastra ke siddhanton ke adhar par sukshm rup se adhyayan kar bhavishya bataya jata hai. manyatanusar jatak ke donon hathon ki rekhaen alg-alag hoti hain kyonki bayen hath ki rekha vyakti ke purva janm aur dayen hath ki rekhaen is janm ki hoti hain jo vartaman karmon ke anusar atah banti-bigrti rahti hai. is donon hi hathon ka saman rup se adhyayan karne par jor diya jata hai. hast rekha shastra men jo vyakti jis hath se karm karta hai uske usi hath ko adhik mahatva dena chahie. kisi vyakti ka bhavishya kathan karte samay uski hatheli men vidyaman vibhinn rekhaon, chihnon, kraes, shankh, chakra, akritiyon, yavon adi ka dhairya evan ganbhirta purvak vichar kiya jana chahie. iske lie jin mukhya aur mahatvapurn tathyon ka vishleshan avashyak hota hai uska vishleshan nimn hai: - hath ki banavat - hath ke prakar- jaise darshanik, adarshavadi, kalapurn (kalakar) hath, chamsakar hath, vyavsayik hath, samkon, vargakar hath, sam, visham, nimn koti ke hath, kathor, komal hath. - hath ki anguliyon v inke pairon men sthit chihn, shankh, chakra adi. 4. hath men vibhinn akritiyon jaise - nakshatra, surya, chandra, kamal, ashva, dhvaja, min, trishul, rath, parvat adi ki sthiti. - hath men vidyaman vibhinn chihnon jaise-kon, kraes, trishul, samkon, jal, dvip adi ki sthiti. - hatheli ki pramukh sahayak aur gaun rekhaon ki sukshm sthiti. - anguliyon ke poron men sthit ari aur khari rekhaon ki sthiti. - hath men sthit grahon ki sthiti. hath men vidyaman mahatvapurn yog. shodhon se siddh ho chuka hai ki hatheliyon ki rekhaon men kuch rahasya chipe rahte hain. ye rekhaen manushya ki antrik sthiti aur bhavishya men ghatit hone vali ghatnaon ki sachitra vidhi hoti hai, jinhen parhakar jatak se sanbandhit bahut si baton ka pata lagaya ja sakta hai. falakathan kisi ek rekha, chihn ya akriti matra ko dekhakar hi nahin, balki hath men vidyaman sabhi rekhaon, chihnon, akritiyon adi ko dekhakar karna chahie. hathon ke prakar ke anusar jatak ka falkthn
1. jinka hath komal hota hai ve thore se kasht mane vyakul ho jate hain aur jara si khushi milne par fule nahin samate. aise jatak aram-talab, dhanvan, chanchal man, madhur bhashi, kabhi milnsar v kabhi durav rakhne vale hote hain.
2. kathor ya sakht hath vale duradarshi, mehnti, sahspurn kadam uthane vale, pakke mitron vale v lagnshil hote hain, aise log purn parmarthi hote hain.
3. samkonik ya chaikor hath sarvottam mana gaya hai. jinke hath is prakar ke hote hain, ve dayalu, svachchatapremi, satyanishth, sachcharitra aur svarthi hone ke sath adhir, vir v ganbhir bhi hote hain.
4. chamsakar hath vale log adarshavadi, karyakushal aur khyatilabdh hote hain kintu ve logon ko labh nahin pahuncha pate aur unhen bhi logon se apne karya men sahayta nahin mil pati.
5. chamsakar hath unhen kahte hain jo kalai, nukili, patli, niche halki aur upar bhari anguliyon vala mulayam, chikna v lanba hath adarshavadi hath kahlata hai. ye sapnon ki duniya men khoye rahne vale hote hain.
6. darshanik hath valon ki vivek shakti sadharan logon ki tulna men bahut unchi hoti hai. ismen bhi jinki anguliyan drirh ya kasi hui ho, vah apni rachnatmakata se logon ko prabhavit karta hai. aise logon ki man ki thah lagana kathin hota hai. lanba, gathila parantu bich men kuch jhuka hua hath jinki anguliyon ke jor ubhre hue aur nakhun lanbe hon, darshanik hath kahlata hai.
7. mamuli lanbai, chairai vala hath, jismen ungliyon ka upri hissa patla aur nichla mota ho, kalakar ya vyavsayik hath kahlata hai. aise hath vale log dusron ki baton men athva bhulave men shighra hi a jate hain. kisi aise hath men yadi anguliyan bari ya sakht hane to vyakti kalatmak karyon men mahir hota hai aur vyaparik karobar se dhan kamata hai. vyapari, gayak, murtikar, chitrakar adi kalakar is shreni men ate hain. ismen bhi jinki anguliyan patli parantu pili ainthan vali ho vah ishryalu, dhani tatha prapanchi hota hai. yadi aisa hath jyada komal ho to vyakti laprvah hota hai.
8. bedaul hath nishkapat mana gaya hai. yah jarurat se jyada chota, mota, bhari evan bhara hota hai. angutha akar mane bahut chota hota hai. aisa jatak kabhi shreshth nahin hota hai. ye keval bhojan, kapra, makan tak hi simit hote hain, inka duniyadari se koi lena-dena nahin hota hai.
9. mishrit hath valon ki koi shreni nahin hoti hai. is hath ki anguliyon ke lakshan vibhinn tatha mishrit hote hain. koi anguli chamsakar hoti hai to koi vargakar, koi darshanik to koi nukili.
hatheliyon ka vishleshn
1. lagatar mehnti logon ki hatheliyan bari hoti hain. ye utsahi aur kartavyaprayan hote hain, parantu choti hatheliyon vale log lagan se kam nahin karte hain.
2. chairi hatheli vale udar, bhale adi gunon vale, achche hote hain.
3. sukhi, patli, kari hatheli vale utsahvihin v kayar hote hain.
4. bhari hatheli vale kambhogi hote hain.
5. lanbi, chairi, gol hatheli vale log parishrami hoti hain. ye mithyavadi bhi hote hain.
6. komal v lanbi hatheli vale jatak talmtol karne vale, aram-matalab, kamchor v pramadi hote hain.
7. jin hatheli ke madhya bhag men gaddha hota hai ve svajnon ki sahanubhuti se vanchit hote hain, is gaddhe ki gahrai itni hoti hai ki iske viprit hath ke anguthe ka upri por sama jata hai. aise log grih klesh se pirit hote hain. angutha
1. komal v jhuka angutha jatak ki chanchal manodsha ka parichayak hai. aise log dusron ki baton men shighra a jate hain.
2. lanba, sidha v sudrirh angutha svachchandata aur nirankushta ka pratik hai. ye jatak vicharon ke pakke hote hain.
3. anguthe ko nimn 3 bhagon men bant sakte hain: pratham arthat nakhun ki or kala por ichcha shakti, dvitiya ya madhya ka por vichar shakti, tritiya ya niche ka por- prem shakti ka sanket deta hai. is tarah pura angutha ichcha, vichar v prem tinon shaktiyon ka falakathan karta hai. in poron ki kharab sthiti jatak ki kamjori ko darshati hai. tritiya yani prem shakti por sidha aur bhara hai v chal, kapat yani svarth se prem karne vala hota hai. madhya bhag, ubr-khabar ho to jatak ko kabhi khushi, kabhi dukh rahta hai. inki kisi se sachchi mitrata nahin hoti hai. lanbe v sam anguthe vale log buddhihin tatha adhik nukile anguthe vale jatak ubhre vicharon ke hote hain.
pramukh hastarekhaon dvara falkthn
1. jivn-rekha/ayu rekha/pitri rekha - yah rekha tarjani anguli aur anguthe ke madhya se shuru hokar shukra parvat ko gherte hue manibandh tak jati hai. isse jatak ki umra ka falakathan kiya jata hai. iska saf, spasht, lanba hona lanbi umra v achche svasthya v bhagya ka fal karti hai. is rekha ka chota hona alpayu ka dyotak hai. yadi jivan rekha n ho to jatak ki asvabhavik v asamyik mrityu hoti hai. yah rekha tuti-futi, ruk-ruk kar chale ya khandit ho to jatak bar-bar bimar hota hai ya durghatana hoti hai ya anhoni ghatna ghatti hai.
2. mastishk rekha/matri rekha: yah hatheli ke madhya bhag men jivan rekha aur hriday rekha ke bich hoti hai. jatak ke buddhi ka paimana hoti hai aair vivek ka dyotak hai. dohri mastishk rekha vale jatak vilakshan buddhi-vivek vale hote hain. chandra, mangal ke parvaton ko gherti hui mastishk rekha tivra buddhi, spasht vakta, vichar aur nirbhikta ki parichayak hoti hai. yadi bahut si rekhaen mastishk rekha se nikal kar hriday rekha ki taraf jaye to jatak milnsar v lagnshil hota hai. yadi mastishk rekha janjir jaisi ho to jatak ka vyavhar kalah karne vala v lahrdar ho to arddhavikshipt sa vyavhar karne vala hota hai.
3. hriday ya antahkaran rekha: yah mastishk rekha ke upar v samanantar sthit hoti hai tatha budh parvat se aranbh hokar guru v shani parvat ke bich samapt hoti hai. satvik vichar vale logon ki yah rekha guru parvat ke nikat do shakhaon men bant jati hai. aisi rekha vale guru, purohit v vriddh logon ki seva karne vale hote hain. yah rekha anguliyon men jitni duri par hoti hai jatak utna hi adhik vafadar, safal, dayaluta, vinamrata, paropkar adi gunon vala hota hai. iske viprit tuti-futi rekha vale matlbi hote hain, janjirnuma rekha vale svarthi hote hain.
4. bhagya rekha/shni rekha: yah manibandh se sidhi nikalakar shani parvat par jati hai. yah jatak ke prarabdh ki nishani hoti hai. ye rekha yadi doshrhit ho to jatak bhagyashali hota hai. kam karm se sabkuch mil jata hai. iske hatheli mane nahin hone par bhagyavihin, dhan vihin hota hai.
5. surya rekha/yash rekha: yah anamika ke mul se praranbh hokar niche jati hai tatha jis parvat ko chuti hai uske bal men vriddhi karti hai. iska saf-suthra, lanba hona bhagyashali hone ka suchak hai. isse vidya, yash, man-samman, kirti prasiddhi ki jankari milti hai. svasthya rekha: yah budh parvat ke kshetra se tirchi hokar niklti hai. yah rekha tadurusti ko darshati hai. ek svasth vyakti ke hath men yah rekha dikhai nahin deti. yah kam logon ke hathon men payi jati hai. rog hone par yah gahri hoti hai.
7. vivah rekha: yah rekha budh parvat se nikalakar hriday rekha par jati hai. ek se adhik hone par prem ya shadi ke yog darshati hai. gahri rekha, jivan sathi se pragarh prem ko darshati hai. manibandh rekha: hatheli ke ant men kalai par lagabhag tin silvte dikhai deti hain, jinhen manibandh rekhaen kahte hain. inmen pratham rekha-dhan, dvitiya rekha- vidya v aur tritiya rekha svabhav, prem ko darshati hai. inse ‘ayu’ ka anuman bhi lagaya jata hai. pratyek rekha 30 varsh ki ayu ka prabhav darshati hai. tinon purn spasht rekhaen jatak ki umra 90 varsh ya isse adhik ko darshati hain. dain rekha hone par 75 varsh umra ka bhavishya kathan kiya jata hai. asht chihn vichar: hath mane kai prakar ke chihn paye jate hain. dag, gunan, jatak adi ashubh hote hain. ye jis rekha ko prabhavit karte hain uska ashubh bhavishya kathan karte hain. - kon, samkon, tribhuj, dvip adi shubh chihn mane jate hain. ye jis rekha ko prabhavit karte hain uska shubh bhavishya kathan karte hain. - hatheli v rekhaon par til hone par vyakti ke jivan mane shubh/ashubh fal prapt hote hain. is prakar hatheli ki vibhinn rekhaon, chihnon, parvon adi ka adhyayan karke kisi bhi jatak ke jivan ke vibhinn pahluon ka bhavishyakathan kar sakte hain. hatheli men sthit rashiyan, grah nakshatra, tithi, mahine
1. hatheli men sthit tarjani men rashiyan aur grah: angushth ke pas vali anguli ko ‘tarjani’ (indeks fingr) kahte hain. sabhi anguliyon men tin parva ya porbe hote hain. inhen upar se kramshah pratham, dvitiya, evan tritiya parva (porbe) kaha jata hai. tarjani ke pratham parva men ‘mesh’ rashi, dvitiya parva men ‘vrish rashi tatha tritiya parva men ‘mithun’ rashi ka nivas sthan hota hai. hath ki charon anguliyon ke barah parva barah rashiyon ko darshati hain. is anguli ke thik niche mul men brihaspati ya ‘guru’ parvat ka nivas hota hai. ise ‘guru’ ya ‘brihaspati’ ki anguli bhi kahte hain.
2. madhyama anguli men sthit rashiyan aur grah: tarjani ke pas vali sabse bari anguli ko ‘madhyama’ kahte hain. iske pratham parva men ‘makr’ rashi, dvitiya parva men ‘kunbh’ rashi tatha tritiya parva men ‘min’ rashi ka nivas sthan hota hai. ise shani ki anguli bhi kahte hain. iske thik niche mul men shani parvat ka nivas sthan hota ai. atah yah shani grah se sanbandh rakhti hai.
3. anamika men sthit rashiyan aur grah is anguli ka sthan madhyama evan kanishthika (sabse choti anguli) ke madhya hai. ise ‘surya ki anguli’ bhi kahte hain. iske pratham parva men ‘karka’ rashi, dvitiya men ‘sinh’ rashi tatha tritiya parva men kanya rashi ka nivas hota hai. iske mul men surya parvat sthit hai. atah yah surya grah se sanbandh rakhti hai.
4. kanishthika men sthit rashiyan aur grah: hath ki sabse choti anguli ko ‘kanishthika’ kahte hain. ise ‘litil fingr’ ya ‘fingar aef markari’ bhi kahte hain. iske thik niche mul men budh parvat ka sthan hota hai. atah yah budh grah se sanbandh rakhti hai. iske pratham parva men ‘tula rashi,’ dvitiya parva men vrishchik rashi tatha tritiya parva men ‘dhanu’ rashi ka sthan nirdharit hai. jahan se hriday rekha shuru hoti hai vahan ‘pratham mangl’ tatha mastak rekha ke shuru ke pas men ‘dvitiya mangl’ sthit rahte hain. hatheli ke bayin taraf budh parvat ke niche ‘chandra parvat’ tatha vahan ‘ketu’ tatha mastak rekha evan hriday rekha ke pas ‘rahu’ sthit hote hain.
5. hath men sthit nakshatra: pauranik shastron men hath men ‘atthais’ (27$1 abhijit) nakshatra ko bhi vidhivat sthapit kiya gaya hai. hast rekha visheshagya ko hath men pratyek nakshatra, grah, rashi ki sthiti ko dekhakar faladesh karna chahie.
hatheli ke bich men ashvini nakshatra sthapit karke anguliyon ke mul men kanishthika men kramshah ‘bharni, kritika (bich men) tatha rohini’ anguthe ki taraf ‘mrigshira, adrra evan punarvasu, manibandh ki taraf ‘pushya, ashlesha evan magha tatha karan men ‘purvafalguni’ uttarafalguni evan hast nakshatra sthapit kie jate hain. is tarah terah nakshatra hatheli men hi sthapit rahte hain. kanishthikadi panchon anguliyon (angushth sahit) ke tino parvon mane tin-tin nakshatra ko milakar ek abhijit nakshatra rahta hai. is tarah se chaidah evan ek abhijit nakshatra (kul-pandrah) hatheli ki anguliyon men sthapit rahte hain. ye nimn tarah se hain- kanishthika ke pratham parva se kramshah vishakha, svati evan chitra nakshatra, anamika ke pratham parva se kramshah mul, jyeshtha evan anuradha nakshatra, tarjani ke pratham parva se kramshah shatbhisha, dhanishtha evan shravan nakshatra, angushth ke pratham parva se kramshah revti, uttarabhadrapad evan purvabhadrapad nakshatra tatha madhyama ke tisre parva se purvasharha, dusre men uttarabhadrapad evan pratham parva men abhijit nakshatra rahta hai. is tarah se ye nakshatra hatheli men sthapit rahte hain. hath se prashn kundli ki bhanti prashnakarta ke prashn ka uttar diya ja sakta hai. iske lie hath men nakshatra chakra ki sthapna uproktanusar karni parti hai. tatpashchat jis nakshatra men hath ko dekha ja raha hai ise ashvini nakshatra ke sthan par rakhakar shesh nakshatron ko usi chakra se sthapit karte hain. prashnakatrta ke prashn ka uttar dene ke lie prashnakarta ke nam ka nakshatra jis sthan par ata hai us sthan ki rekhaon v nakshatron ke adhar par fal ki vivechna ki jati hai. yadi yah nakshatra hatheli ke madhya sthan, anguliyon ke tisre parva evan dakshin-pashchim disha men ata hai to karya hona sanbhav hota hai evan shesh sthanon par karya siddhi ka dyotak hai. uprokt hatheli men nakshatra chakra (unke svami grah) janmapatri men mahadshaon (grahon) ke chakra ke anusar hi hota hai- ketu, shukra, surya, chandra, mangal, rahu, guru, shani, budh.
6. hath ki anguliyon men sthit mahine anguliyon ke 12 parvon men 12 mahine sthit hote hain. tarjani ke pratham nakh vale parva men ‘marcha’ tithi se ‘aprail’ evan tritiya men ‘mai’ mah ka nivas sthan hota hai. isi prakar madhyama ke pratham men ‘disanbr’, dvitiya men ‘janvri’ evan tritiya men ‘farvri’ tatha anamika ke pratham parva men ‘jun’, dvitiya men ‘julai’ evan tritiya men agast tatha kanishthika ke pratham parva men ‘sitanbr’, dvitiya men ‘aktubr’ evan tritiya men ‘navanbr’ mah ka nivas sthan hota hai.
7. hath ki anguliyane men sthit tithi: kanishthika ke parvon men nanda tithiyan arthat pratipda, shashthi evan ekadshi (1, 6, 11) ka nivas hota hai. anamika men bhadra arthat dvitiya, saptami evan dvadshi (2, 7, 12), madhyama men jaya arthat tritiya, ashtami evan trayodshi (3, 8,13), tarjani men rikta arthat chaturthi, navmi evan chaturdashi (4, 9, 14) tatha angushth men purn arthat panchmi, dashmi evan amavasya ya purnima (5, 10, 15 ya 30) tithi ka nivas hota hai. krishn paksh ho to anguthe ke akhiri parva men amavasya athva shukla paksh hone par purnima hoti hai. uprokt ye tithiyan pratyek anguli men kramanusar pratham parva se hi sthapit hoti hain. hath men bhi janmakundli ke saman kisi ghatna ke lie nishchit samay ‘kal nirnaya’ ke anusar bataya ja sakta hai. iske antargat hastarekhavid ‘kiro’ kal nirnay ke lie saptavarshiya niyam ki sthapna karte hain.
vyavhar evan anubhav ke adhar par kiro dvara pratipadit saptavarshiya kal ganna hi satik hai. kiro apne saptavarshiya paimane ke antargat jivan rekha par samay akalan shubh parvat ke kendra bindu ko adhar banakar, kendra bindu se manibandh ki sarvapratham rekha tak ek rekha ankit karte hain. yah rekha jis jagah jivan rekha ko chuti hai. vah kal ganna ke anusar jigyasu ka jivan rekha par 63van varsh hai evan jis sthan par shani rekha ko sparsh karti hai vah jigyasu ka shani rekha par 21 van varsh ankit karti hai. kiro, shukra parvat ke kendra bindu se hatheli ke piche antim chor tak rekha ankit karne par jo sidhi rekha, jahan jivan rekha men sanyog kar rahi ho, vah jivan rekha par 49van varsh evan shani rekha par 28van varsh ankit karti hai. isi tarah, shukra parvat ke kendra bindu se kanishthika anguli ke bahri adhar par rekha ankit karne par jo sanyog jivan evan shani rekha par upasthit raha ho vah jivan rekha par shani rekha donon par 35van varsh darshate hain. shukra parvat kendra bindu se kanishthika evan anamika ke madhya adhar bindu par rekha khinchne par jivan rekha par banne vala sanyog chihn 28van varsh evan shani rekha par 42van varsh batati hai.
shukra parvat kendra bindu se anamika evan madhyama ke bich adhar bindu par rekha khinchne par jivan rekha par khinchi gayi rekha ka sanyog bindu 21 van varsh aur shani rekha par sanyog bindu 56van varsh tak banati hai. surya jivan rekha par 63ven varsh ke bad ke hisse ko panch barabar bhagon men bata jata hai. tatha pratyek men 7 varsh ka antar dekar jivan rekha par varsh ankit karte hain. ye kramshah 70, 77, 84, 91 evan 98 vane varsh ate hain. isi prakar shani rekha par 56ven varsh ke bad ke hisson ko bhi panch barabar ke hisson men bantakar kal ganna ki jati hai. ismen bhi pratyek men 7-7 varsh ka antar dekar shani rekha par varsh ankit karte hain. ye kramshah 63, 70, 77, 84 evan 91 varsh ate hain. atah uprokt ke adhar par hath men bhi janmakundli ke saman kisi ghatna ke lie nishchit samay bataya ja sakta hai. surya rekha dvara jatak ke janm mas ka nirdharn: lakshan janm tithi rashi
1. surya rekha ka thik surya parvat v surya kshetra se udbhav ho tatha hriday rekha ki or ja rahi ho. rekha purnatah nirdosh, spasht tatha moti ho. aise jatkon ke kanon par bare-bare bal bhi honge. 14 aprail se 14 mai mesh
2. surya rekha surya parvat se kuch hatakar ho tatha anya purak rekhaen bhi upasthit hon. rekha kuch vakra ho sath hi moti aur spasht bhi. 15 mai se 14 jun vrish
3. surya rekha tukron men fati-fati ho tatha surya kshetra par bani rekhaon ka jhukav budh kshetra ki or ho. 15 jun se 16 julai mithun
4. surya rekha ant men bahushakhi ho rahi ho. 17 julai se 16 agast karka
5. do rekhaen surya kshetra par paraspar samanantar ho aur ant men dvishakhi ho. 17 agast se 16 sitanbar sinh
6. surya rekha surya parvat se kanishtha ki or mur rahi ho aur budh se adhik prabhavit ho rahi ho. 17 sitanbar se 17 aktubar kanya
7. surya rekha kinchit tirchapan lie tukron men khandit aur chinna-bhinn avastha men ho. 14 aktubar se 15 navanbar tula
8. surya rekha surya sthal se utpann hokar kuch tirchepan ke sath nimn mangal ki or mur rahi ho ya isse sanbandhit kisi anya rekha ka jhukav nimn mangal ki or ho. 16 navanbar se 15 disanbar vrishchik
9. surya rekha yadi praranbh men hi dvishakhi ho tatha iski ek shakha brihaspati parvat ki or jhuk rahi ho. 16 disanbar se 13 janvri dhanu
10. surya rekha ki koi shakha age barhakar shani parvat par ja rahi ho. 14 janvri se 12 farvri makr
11. surya rekha ki koi sahayak rekha spasht ho aur shani parvat par ja rahi ho. is rekha ka spasht aur saral hona hi ise makar rashi se bhinn banata hai. 13 farvri se 14 march kunbh
12. surya rekha ki kai rekhaen hane aur in par guru kshetra ka prabhav dikh raha ho 15 march se 13 aprail min janmang ke dvara bhav tatha unka pratinidhitva karne vale hastavayav kundli ke bhav hatheli ke vibhinn avayav pratham bhav jivan rekha, angutha dvitiya bhav dhan rekha, surya rekha tritiya bhav kirti rekha, sahodar rekha chaturth bhav mastishk rekha, hriday rekha, matri rekha pancham bhav budh parvat, santan rekha, vidya rekha shashth bhav shatru rekha, shani parvat, svasthya rekha ari rekhaen saptam bhav vivah rekha, shukra parvat ashtam bhav ayu rekha, mangal kshetra navam bhav bhagya rekha, manibandh dasham bhav bhagya rekha, ughrva rekha, mangal ka maidan ekadash bhav guru parvat, shani parvat anya shubh chihn dvadash bhav adi rekhaen, chinta rekhaen, rahu-ketu ka kshetra