pranashakti ko ek prakar ki sajiv vidyut shakti kaha ja sakta hai jo samast sansar men vayu, akash, garmi evan ithr-plajma ki tarah samayi hui hai. yah tatva jis prani men jitna adhik hota hai, vah utna hi sfurtivan, tejasvi, sahsi dikhai parta hai. vastutah pranashakti ek bahumulya vibhuti hai. yadi ise sanrakshit karne ka marm samjha ja sake to svayan ko riddhi-siddhi sanpann atindriya samathryon ka svami banaya ja sakta hai. videshon men pran chikitsa pranali ka bahut safltapurvak prayog ho raha hai. pran tatva ko sab mansik chikitsak svikar karte hain aur usko mental hiling, krishchiyan-sains, nyu thaet, mesmerijm, hipnotijm, ilektrik- baeylaeji, saiko enelesis, saikothrepi adi namon se pukarte hain.
pran chikitsa ki visheshta: sthul sharir ki bhanti ek sukshm sharir bhi manushya ka hota hai. vah ankhon se dekha nahin jata fir bhi usmen sharir ke gun hote hain. uski shakti sthul sharir ki apeksha kai guni adhik barhi hoti hai. sach to yah hai ki sthul sharir ka bal sukshm sharir se hi prapt hota hai. bimariyan sthul sharir se niche utar kar sukshm sharir se hi prapt hoti hain. bimariyan sthul sharir se niche utar kar sukshm sharir par bhi apna kabja jamane lagti hain to vah kasht sadhya ya asadhya ho jati hai. kai janmon tak aur kai pirhiyon tak picha n chorne vali kanthamala, updansh, kushth, kshay adi purani parne par sukshm sharir men ghus jati hai, vaidya, daektaron ki davaiyan sthul hoti hain, unka prabhav sthul sharir tak hi hota hai.
atah chikitsak ne bebas hokar rog ko asadhya kahakar picha chura lete hain. kuch rog ek pran se dusre pran men ghusakar vikrit ho jane ke karan hote hain- bhutonmad, sarpa-bichchu ka katna aise hi rog hain. man, buddhi aur antahkaran ke vikaron se mirgi, yoshap smar, snayu tantuon ki nirbalata, pagalapan, nirasha, buddhihinta, krodh, chinta, anidra, udasinta, bhram, buri adten adi rog hote hain. mithya dharna se bhi kai pranghatak kasht uth khare hote hain. in sab rogon ki jar sukshm sharir tak pahunch jati hain, ‘pran chikitsa’ aise hi rogane ki amogh aushdhi hai. sukshm sharir men ‘pran shakti’ ko pravesh