shubh yog, jaise panch mahapurush, gajkesri, vasumti adi hon, to kal sarp yog unhen arddhafalit karne ki koshish karta hai. yadi shubh yog kamjor hon, to unhen nishfal bhi karta hai. yadi koi shubh yog nahin ho aur kal sarp yog ho, to yah jyada bhayankar ho jata hai. uske kuprabhav dekhne ko milte hain, jaise durghatana, jel yatra, sudama jaisi nirdhanata adi. yadi kundli men ashubh yog ho tatha kal sarp yog bhi ho, to yah atyant vikral ban jata hai aur iske bhayankar dushparinam samne ate hain
jaise alpayu, sarpadansh, bhut-pret badha, samaj men ninda adi. rahu lagn men aur ketu saptam men: aisi sthiti men sharirik kasht, apayash, stri se anaban, sir men chot, vishpan, chalte-chalte jhagre adi hone ki sanbhavna rahti hai. gomed pahnne se kuch shanti milti hai. rahu dhan sthan men aur ketu ashtam men: ismen chori, dhan gaman, mukdme, dhan ka vyay, bhut-preton se pareshani, akaran mrityu, gale, ankh, nak, kan ki bimariyane adi ka bhay rahta hai. rahu tritiya men aur ketu navam men: bhai-bahan se jhagra, alasya, sharir ki shithilta, pita se duri, hathon men kasht adi ho sakte hain.
rahu chaturth men aur ketu dasham men: jamin jaydad ke jhagre, mata ko kasht, pita ke ghar chorne, fefron ke rog adi ki sanbhavna rahti hai. rahu pancham men aur ketu ekadash men: santan kasht, santan se jhagra, parikshaon men asflta, satte men hani, amdni men kami, udar rog adi ka bhay rahta hai. rahu shashth men aur ketu dvadash men: lanbi bimari, shatru se pareshani, mukdma, dhandhe ki kami, videsh gaman se kasht, jel yatra aur gurde, harniya, apendisaitis ke rog ki sanbhavna rahti hai.
rahu saptam men aur ketu lagn men: stri se jhagra, talak, garbhapat, parastri bhog evan badnami, yoni tatha jannendriya sanbandhi rog, vyapar men tanav adi ka bhay rahta hai. rahu ashtam mane aur ketu dvitiya men: bhut-preton se pareshani, durghatanaen, videsh gaman, stri sukh ka abhav, dhan hani, peshab ke rog adi ho sakte hain. rahu navam men aur ketu tritiya men: pita ko kasht, pita se jhagre, unki mrityu, tarakki men badha, pad men giravat, samaj men ninda, jangha, pair, ghutne adi ke kasht ki sanbhavna rahti hai.
rahu dasham men aur ketu chaturth men: pita se jhagra, unka ghar chorna, karya hetu videsh gaman, rajniti men vishesh jhagre, nilanbit hona, hriday, fefre adi ke rog, kam dhandhe ki kami adi ho sakte hain. rahu ekadash men aur ketu pancham menah bare bhai se jhagra, ay men kami, naukri men pareshani, sabhi tarah ke nuksan, santan kasht, bahu-bhuja kasht, badnami adi ka bhay rahta hai. rahu dvadash men aur ketu shashth men: mukdmebaji, jel yatra, videsh gaman, vishesh kharch, mrityu, sudama jaisi nirdhanata, ankhon ke kasht adi ki sanbhavna rahti hai.
rahu yadi mithun, kanya, vrish ya tula rashi men ho, to krurta men kami ati hai. lekin yadi vah shatrukshetri ho, astagat ho, jaise kark, sinh, mesh ya vrishchik rashi men ho, to krurta men vriddhi hoti hai. vah nich ka ho, jaise dhan tatha min men, to atyant vikral ho jata hai.