ayurvedik drishtikon: poliyo ka prabhav bachche-budhe donon par hi hota hai. burhon ko hone vale poliyo ko adhrang vat kahte hain aur bachche ko hone vale poliyo ko pakshaghat ya shaishviya pakshavadh kahte hain. adhunik chikitsa shastra men ise poliyo melaitis kahte hain.
rog ke karn: poliyo tin prakar ke vishanu se utpann hota hai, jinhen poliyo melaitis vayaras pe ppe ppp kahte hain. manav jati men pahle aur tisre prakar ke vishanuon se yah rog hota hai. sankraman ke bad iski utpatti 7 se 15 din men hoti hai. manav sharir in jivanuon ka ashray sthan hai. makkhi, gandgi, dushit dudh ya pani se sharir men vishanu ka sankraman hota hai. munh ya guda se bhi sankraman hota hai.
pachan sansthan men pahunchne ke bad inki sankhya barhne lagti hai. vahan se ye vishanu khun men aur khun se vat vahak nari men pahunch jate hain. inke prasar ke anurup hi rog ki avasthaen hoti hain aur kisi bhi avastha men rog ko roka ja sakta hai. rog ke lakshana: pahli avastha men sankraman ka abhas hi nahin hota. vishanu annavahi pranali men rahakar sankhya men baithne lagte hain. yahan kisi prakar ke lakshan nahin paye jate. dusri avastha men vishanu khun men pravesh karne ki sthiti men pahunch jate hain.
sir dard, bukhar, gale men kharash iske lakshan hain. yadi dusri avastha men roktham n ho to vishanu vat nari sansthan men pravesh kar jate hain. yah tisri avastha hai. ismen mastishk ke avrnon men uttejna ke lakshan paye jate hain. sir dard, gardan men jakaran aur karepan ka anubhav hota hai. is avastha men pakshaghat nahin hota aur dhire-dhire sharir ke anya angon men karapan mahsus hota hai. jab ye rog ke lakshan dekhen to bachche ko ek-do saptah bistar par purn aram karne den kyonki thori si bhi chot, bhag-daur is avastha ko poliyo men badal sakti hai. poliyo hone ki avastha: poliyo ek sal ki ayu ke bachchon men, bina kisi lakshan ya 1 se 4 din ke bukhar ke bad ho sakta hai.
islie chah saptah se nau mah tak ke bachche ko ek-ek mah ke antral men poliyo nirodhak aushdhi ki panch khuraken pilaen. daektar ki salah aur dekhbhal men ilaj karen. ayurved anusar poliyo men rogi ki malish karni chahie aur senk deni chahie. bachchon ka koshth mridu hota hai islie unhen munakka, gulab ki kali, agaravadh jaise dravyon ka halka virechan dena chahie. snayu pira kam karne ke lie aur inki shakti vapis lane ke lie abhitundi ras, ekangvir ras, vrihdvat chintamni, brihadakasturi bhairav jaisi davaiyan rogi ki ayu ke anusar vaidya ki salah se leni chahie.
bachav: rog ke bare men satark rahna chahie aur turant upchar karna chahie. barsat men, yani jun se sitanbar mah men iska khatra barh jata hai. is mah men sardi, jukam, khansi ya halka bukhar aye to satark rahna chahie aur turant vaidya, hakim ya daektar ki salah le upchar karna chahie. jyotishiya drishtikon: poliyo shighra utpann hone vala sankramak rog hai, jo vishanuon se utpann hota hai aur iske karan sharir ka koi bhi bhag nishkriya ya sanvednashunya ho jata hai. jyotishiya drishti se dekha jae, to sankraman rahu-ketu se hota hai. nishkriyata ka sanbandh surya aur chandra se hai kyonki poliyo men viklangta bhi hai.
islie shani ka prabhav bhi vishesh mahatva rakhta hai. lagn, lagnesh, surya, chandra yadi dushprabhavon men rahenge, to poliyo rog ya adhrang vat ho sakti hai. angon men nishkriyata kisi bhi ayu men a sakti hai lekin bachapan men hone vali nishkriyata ko poliyo kahte hain. islie uparyukt grahon ka prabhav bachapan men hi hoga arthat grahon ki dashantardasha, gochar yadi bachapan men hi rahega to poliyo ho sakta hai.
vibhinn lagnon men poliyo
mesh lagna: surya shashth bhav men chandra ke sath ho, rahu ya ketu se drisht ho, lagnesh mangal ashtam bhav men, budh saptam bhav men, shani ekadash bhav men ho to poliyo ho sakta hai.
vrish lagna: surya lagn men rahu-ketu se drisht ya yukt ho, shani surya se saptam ho, chandra shukra se yukt ekadash ya dvadash bhav men ho to poliyo ka khatra rahta hai.
mithun lagna: lagnesh budh vakri aur ast hokar lagn ya chaturth bhav men ho, mangal dasham bhav men chandra se drisht ya yukt ho, rahu ya ketu lagn, surya aur chandra par drishti de to poliyo rog ki sanbhavna hoti hai.
kark lagna: lagnesh chandra shani se yukt dasham bhav men ho, surya dvadash bhav men rahu-ketu se drisht ho, budh lagn men ho to poliyo ho sakta hai.
sinh lagna: surya shashth bhav men shani se yukt ya drisht, rahu lagn men ya lagn par drishti rakhe, budh pancham bhav men chandra se yukt ho to poliyo rog hota hai.
kanya lagna: lagnesh trik bhavon men surya se ast ho aur ketu ke prabhav men bhi ho, mangal lagn men ya lagn ko dekhta ho, shani apni shatru rashi men ho aur chandra par uski drishti ho, to poliyo hone ki sanbhavna rahti hai.
tula lagna: shukra ashtam bhav men aur guru lagn men ho, shani surya se ast ho, rahu ki drishti lagnesh par ho, chandra rahu-ketu ke prabhav men ho to poliyo ho sakta hai.
vrishchik lagna: lagnesh mangal ashtam bhav men rahu ya ketu se yukt ho ya surya se ast hokar budh se yukt ho, chandra par bhi rahu ya ketu ki drishti ho to jatak ko poliyo jaisa rog ho sakta hai.
dhanu lagna: lagnesh guru shashth ya ashtam bhav men ho, chandra lagn men hokar rahu ya ketu se drisht ya yukt ho, surya shani se drisht ya yukt ho to poliyo jaisa rog jatak ko deta hai.
makar lagna: guru lagn men ho, shani surya se ast hokar trik bhavon men ho, chandra ketu se drisht ya yukt ho, mangal saptam bhav men ho to poliyo ho sakta hai.
kunbh lagna: lagnesh shashth bhav men surya se ast ho, ketu lagn men ya lagn par drishti rakhe, budh saptam bhav men chandra se yukt ho aur guru ki lagn par drishti ho to poliyo rog ho sakta hai.
min lagna: shukra lagn men rahu ya ketu se yukt ya drisht ho, surya tritiya ya ekadash bhav men ho aur shani se yukt ya drisht ho, chandra dvitiya bhav men budh se yukt ho, to poliyo rog hota hai.
rog ki utpatti sanbandhit grah, dashantardasha aur gochar grah ke pratikul rahne tak sharir men rog rahta hai. uske uprant rahat mil jati hai.