pichle mah pandit ji dehradun ke ek prasiddh vyavsayi ke yahaen vastu parikshan karne gae. unse milne par unhonne bataya ki jab se vah naye ghar men ae hain tabhi se jivan men ek ke bad ek pareshani barhti ja rahi hai. unke pita ji ka akasmat dehant ho gaya tatha parivar men koi n koi svasthya sanbandhi samasya bani rahti hai.
bahut mehanat karne par bhi uchit vikas nahin ho pa raha hai tatha kai naye kam ruk se gaye hain. kuch samay purva unke ek karmachari ki bijli ke karant se mrityu ho gai jisse unhen kafi pareshani jhelni pari.
vastu parikshan karne par paye gaye vastu dosh :
- unke plat ka akar aniyamit tha. vastutah uttara-pashchim tatha dakshin-purva hissa barha hua tha jo ki agni se hani, arthik hani, larai-jhagre, jivan men koi bhi kam samay par n hona tatha ghar ki mahilaon ke dukh ka karan hota hai.
- dakshin-pashchim men saiptik taink bana tha jo ki ghar ke malik ke lie ghatak ho sakta hai tatha ganbhir arthik samasyaen utpann hone ka dar rahta hai.
- bilding ka pashchimi kona kata hua tha jo ki jivan men sukh v aram kam karta hai tatha sangharsh barhata hai.
- uttara-purva v dakshin-pashchim men shauchalay bane the jo ki ganbhir vastu dosh hain tatha sabhi or se vikas men rukavton, ghar men svasthya v arthik hani tatha mansik tanav ka karan bante hanai.
- bilding ka uttara-pashchim hissa nicha hona bhi ek mukhya vastu dosh tha jisse jivan men sukh, shanti ka abhav rahta hai.
sujhav :
- uttara-pashchim tatha dakshin-purva ki taraf tin fit uenchi divar banane ko kaha gaya jisse plat aytakar ho sake tatha ane jane ke lie sirhiyan banane ko kaha gaya.
- dakshin-pashchim men bane saiptik taink ko pashchim ki taraf mukhya dvar ke pas banane ko kaha gaya.
- bilding ko maital ka pargola banakar aytakar banane ko kaha gaya tatha baithak se sate hue hisse men ane ke lie dvar banane ko kaha gaya.
- shauchalyon ki nakaratmak urja ko kam karne ke lie usmen samudri namak rakhne, dahlij banane tatha shauchalay ke darvaje par bahar ki or piramir lagane ki salah di gai.
- uttara-pashchim ke niche hisse ko bhi thik karne ko kaha gaya. jivan men amulchul sakaratmak parivartan ke liye pandit ji ne unko ghar badlne ki salah di kyonki shauchalay badlna tatha bilding ke niche hisse ko thik karna unhen kathin lag raha tha jiske lie unhen do manjila bani bilding ko girakar hi thik karna hoga.
jivan men jarurat hai jyotishiya margadarshan ki? abhi bat karen fyuchar point jyotishiyon se!