raktachap dhire-dhire panpne vala rog hai, jiski mukhya vajah avyavasthit dinacharya hai. ashant man, dushit khanpan aur vyayam n karne se yah rog dhire-dhire barhta jata hai. yog ke jarie isse chutkara paya ja sakta hai.
bhagdaur bhari dinacharya se jivan men chinta, tanav, krodh aur chirchirapan teji se barhta ja raha hai, jisse man ashant hota jata hai. man ashant hone ke karan anek tarah ke rog janm le rahe hain, jismen se ek mukhya rog uchch raktachap hai.
yah rog ekadam nahin hota. yah dhire-dhire sharir men panpta rahta hai. is rog ke lie mukhya taur se jimmedar hote hain tanav, dushit khanpan aur vyayam ka abhav. adhik tale hue vasayukt padarthon ka sevan, adhik mircha-masale, jyada namak, chay, kaefi, sharab, mithe padarthon ka sevan, tahlna aur yogabhyas n karna, bhay, ghabrahat, bechaini hona, nind puri n lena adi karnon se dhamniyan sankri ho jati hain aur unka lachilapan kam hota jata hai.
is vajah se dhire-dhire kaelestrael barhne lagta hai, jisse yah rog janm le leta hai. motapa, madhumeh, kidni ka rog, joron ka dard, pachan tantra ki garbri adi bhi sharir men raktachap barhane men jimmedar hote hain. mahilaen agar lagatar garbh nirodhak goliyan leti rahen, tab bhi yah rog ho sakta hai.
uchch raktachap ki shikayat hone par yaugik abhyas ke sath-sath kuch baton ka vishesh dhyan rakhen. namak, mirch, masaledar bhojan, vasayukt bhojan, chay, kaefi, dhumrapan aur sharab ka sevan n karen. is rog men pyaj, lahsun, dahi, kela, santra, gajar aur tamatar ka sevan labhkari hota hai. bhojan ko khub chabakar khaen aur bhukh se thora kam khaen. lauki ka sup pien.
pyaj ke ek chammach ras men shahad milakar din men ek bar len. is rog se nijat pane ke kuch abhyas yahan die ja rahe hain, jinhen karne se uchch raktachap samanya ho jata hai. ye abhyas subah khali pet shauchadi ke bad karen. sitkari pranayam kisi bhi asan men aram se sidhe baithakar nak se sari sans dhire-dhire bahar nikalen. ab donon danton ke jabron ko apas men milakar honthon ko kholakar jibh ko danton ke piche satakar laga den. ab munh se sans ko andar khinche.
hava danton se hoti hui jibh ko chukar sisi ki avaj ke sath andar jaegi. adhik se adhik sans bharen v bina roke dhire-dhire nak se bahar nikal den. yah sitkari pranayam kahlata hai. 10-12 bar iska abhyas kar len. yah uchch raktachap men bahut faydemand vyayam hai.
savdhani yah abhyas sharir men shitlta barhata hai, islie najla-jukam, asthama, kaf ya sardi ho, to iska abhyas n karen. bhramri pranayam sitkari ke bad kamar sidhi rakhakar dhire se sans nak se bahar nikal den. fir dhire-dhire sans bharen.
adhik se adhik sans bharne ke bad sans nikalte samay nasikamul se munh band rakhte hue bhanvre jaisi gunjar karen. is gunj ke sath sans ko nikalte rahen. is gunj ko madhur banane ka prayas karen. bahar ki koi avaj kanon men n jae, iske lie donon hathon ke anguthon se kanon ko band kar len. ungliyon ko ankhon ke upar rakhakar is avaj ko sunte hue, is par apne man ko ekagra karen.
bar-bar sans bharakar yah gunj karte rahen. panch minat tak yah abhyas kar len. isse man puri tarah shant ho jaega. oum jap a, u, m in tin aksharon se milakar banta hai- ‘oum’. man ko antarmukhi banane v soi hui shaktiyon ko jagane men iska jap mahatvapurn hota hai.
puri sans bharakar pahle mukh kholakar ‘a’ bolen, fir munh band karte hue ‘u’ ki avaj hone lagti hai aur ant men munh band ho jane par ‘m’ ki avaj ati hai. is prakar ankhen band kar ‘oum’ ka jap karen.
if you are facing any type of problems in your life you can consult with astrologer in delhi