har vyakti dhanvan banna chahta hai parantu kai bar paisa hone ke bad bhi vah bacha nahin pata ya uska sadupyog nahin kar pata. yah sab janm kundli men vidyaman yogon ke karan hota hai.
apavyay evan khal grah yog kya hain, unka kya prabhav hota hai, iski vistrit jankari yahan di ja rahi hai- jab koi bhi grah apni nich rashi men sthit ho to vah uski khal avastha kahlati hai. arun sanhita evan lal kitab men us grah ko khalnayak ki sangya di gai hai. jab jatak ki kundli men koi bhi grah apni nich rashi men sthit hota hai to uske dhan ka kisi n kisi rup men apavyay ya nash hota hai.
apavyay ya hani kis vishay men ya kis vastu ki hogi yah is par nirbhar karta hai ki vah nich grah kis bhav men sthit hai. vah jis bhav men hoga, usse sanbandhit karak vishyon ki hani to karega hi, uske sath-sath jin bhavon par uski drishti hogi unhen bhi prabhavit karega.
aisi paristhiti men in nich grahon ke kuprabhav se bachne ka upay karna jatak ke lie ati avashyak ho jata hai. yahan kundli men grahon ki un sthitiyon ka vishleshan prastut hai jinse apavyay ya khal grah yog banta hai. yadi kundli men budh, shukra, guru in tinon shubh grahon men se ek bhi grah kendra bhav 1, 4, 7 ya 10 men n ho, to apavyay yog banta hai.
is yog ke jatak ko kharch karte samay vishesh savdhani bartni chahie tatha apne jivan sathi se paramarsh karna chahie anyatha kharch amdni se adhik hoga aur bachat nahin hogi. yahan tak ki jatak jivan bhar rini rahta hai. yahi sthiti kuch had tak tab hogi yadi kendra bhavon par shubh grah ki drishti n ho. jis bhav men shani sthit ho vahan se chandra bhav 3, 7 ya 10 men ho arthat chandra par shani ki drishti ho, to jatak ke pas dhan nahin bach pata.
use jivan yapan ke lie kathin parishram karna parta hai. yadi janm kundli men chandra ki shani, surya ya rahu ke sath yuti ho, to apavyay yog banta hai. aisi sthiti men jatak ka kharch adhik hota hai parantu jarurat ke samay dhan avashya mil jata hai jo prayah kharch ho jata hai.
falasvarup vah jivan bhar rin ke bojh tale daba rahta hai tatha sari kamai byaj v mul ke bhugtan men jivan bit jata hai. jis jatak ki janm kundli men kendra bhav 1, 4, 7 ya 10 rikt ho arthat usmen koi bhi grah sthit n ho, uske pas dhan nahin tikta chahe vah kitna bhi kama le. vah n chahte hue bhi apavyay kar baithta hai.
janm kundli men surya tula rashi men, chandra vrishchik men, mangal kark men, budh min men, guru makar men, shukra kanya men, shani mesh men, rahu dhanu men tatha ketu mithun rashi men nich ka hota hai. atah ve nichasth hokar khal avastha men hote hain. yadi kundli men koi bhi tin grah apni nich rashi men sthit hon, chahe ve kisi bhi bhav men kyon n hon, to use jivan men kai bar rin lena parta hai- visheshakar un grahon ke dashakal men.
kai bar aisa bhi dekhne men aya hai ki aise jatak ya to apna divaliya nikalne par vivash ho jate hanai ya un par rin n lautane ke mukdme bane rahte hain aur jivan bhar vakilon ke chakkar men fanse rahte hanai. ve bahut se logon ka dhan mar lete hanai aur lautate nahin.
aise jatkon ki kundli men yadi mangal v surya bhi ashubh sthiti men hon ya nirbal hon, to ve ya to apna nivas sthan chor kar lapta ho jate hain ya fakir ka chola pahan kar apne rin se mukt hote hain ya fir atmahatya karne par vivash ho jate hanai.
yadi kundli men ek ya do grah nich ke hon parantu un par shubh grah ki drishti ho, to apavyay to hoga kintu samay par paisa ata rahega. kundli men sthit guru aur shukra uski nav dubne se bachate rahte hain. kundli men jis bhav men chandra sthit ho, usse pahle aur agle bhav men yadi koi grah n ho arthat vah rikt ho, to jatak ke pas dhan nahin tikta.
vah apni kamai ko fijul ki yatraon men, fijul ka saman kharidne men, fijul ke len den men ya fir khane pine men ganva deta hai tatha jivan bhar dhan sanchit n kar pane ke karan vriddhavastha kisi vriddh ashram men bitane ko vivash hota hai. jis jatak ki kundli men kendra bhavon men kisi bhi rashi men shani, mangal v surya sthit hon, arthat inki yuti ho ya ve alg-alag tin kendra bhavon men sthit hon, uske dhan men barakat nahin hoti, chahe vah kitna bhi kyon n kamata ho.
vah n chahte hue bhi apavyay kar baithta hai aur bad men pachtata hai. jis jatak ki janm kundli men sabhi nau grah char rashiyon mesh, kark, tula v makar men sthit hon aur 2, 3, 4, 5, 6, 7 ya 8 grahon ka jor banta ho tatha sthir aur dvisvabhav rashiyan rikt hon, to apavyay yog banta hai. aisi sthiti men vyakti jivan bhar rini rahta hai. tatha anek logon se udhar lekar gujara karta hai.
uski arthik sthiti jivan bhar dayniya rahti hai. jis jatak ki janm kundli men jis bhav men chandra sthit ho yadi us par mangal ki drishti 4, 7 ya 8 parti ho, to vah dhan sanchit nahin kar pata. uski arthik sthiti men utar-charhav rahta hai.
jis jatak ki janm kundli men dhan bhav men akela shani ho ya shukra se yut ho ya us par uski saptam drishti ho, vah jivan bhar dhan jama nahin kar pata, aur rini rahta hai. jis jatak ki kundli men 7ven, 8ven, nauven aur 10ven bhavon men rahu v ketu ke atirikt sat grah sthit hon, vah jivan bhar daridra hi rahta hai tatha use koi udhar bhi nahin deta.
vah thagi kar gujara karta hai. uske pas yadi kuch paitrik dhan sanpatti ho bhi, to use ya to girvi rakh kar ya bechakar nasht kar deta hai aur paise paise ke lie mohtaj rahta hai. jin vyaktiyon ki janm kundli men lagn men mesh, kark, kanya, vrishchik ya makar rashi ho, use kharch karne men vishesh savdhani bartni chahie. in lagnon ke log fijulakharchi hote hain. ve prayah karj lene ya kishton par saman kharidne ke adi hote hain parantu karj chukane men saksham nahin hote.
ve dhan sanchay nahin kar pate tatha vriddh avastha men unki arthik sthiti dayniya ho jati hai. aur svajan bhi unse munh mor lete hain. in yogon se mukt jatak apni kamai men se kuch dhan jarur bacha leta hai arthat vah apni chadar ke anusar hi pair pasarta hai tatha chal v achal sanpatti sanchit kar apna jivan sukhamay banata hai aur kisi ke age hath nahin failata.
apavyay, rin aur khal grah yog ke vishleshan hetu nimnalikhit baten avashya dekh leni chahie. kya kundli men shubh grah guru, shukra budh kendra men sthit hain ? chandra par shani ki drishti to nahin hai ? kundli men shani v chandra, surya v chandra ya rahu v chandra ki yuti to nahin hai ? kundli men kendra bhav rikt to nahin hai? kundli men nau grahon men se koi bhi tin grah apni nich rashi men to nahin hain ? chandra rashi se pahle v agle bhav rikt to nahin hain ? mangal, shani, surya tinon kendra bhav men to sthit nahin hai ?
kundli men char rashiyon mesh, kark, tula v makar men sthit grahon ka yog 2, 3, 4, 5, 6, 7, 8 to nahin banta? chandra rashi par mangal ki drishti to nahin? bhav 2 men akela shani to sthit nahin? aur yadi hai, to us par mangal ki drishti to nahin ? bhav 7, 8, 9, 10 men rahu ketu ke atirikt anya sat grah to sthit nahin ? kya jatak ka lagn mesh, kark, kanya, vrishchik ya makar hai ? in lagna ne k e jatka ne m ne uparyukt apavyay yog avashya dekh lena chahie.
if you are facing any type of problems in your life you can consult with astrologer in delhi