gochar grah parivartana: is mas men grahon ka rashi parivartan is prakar hoga- surya grah 16 julai ko ratri 8 bajakar 38 minat par kark rashi men pravesh karega. mangal grah 13 julai ko 6 bajakar 3 minat par sinh rashi men pravesh karega. budh grah 5 julai ko 1 bajakar 00 minat par vakri gati men aega aur 10 julai ko 00 bajakar 36 minat par ast hoga tatha 20 julai ko punah ratri 11 bajakar 49 minat par mithun rashi men pravesh karega aur 27 julai ko dopahar 2 bajakar 23 minat par uday hoga tatha 29 julai ko 6 bajakar 10 minat par margi hoga.
guru grah 6 julai ko dopahar 1 bajakar 14 minat par margi gati men aega. shukra grah 14 julai ko subah 7 bajakar 27 minat par mithun rashi men pravesh karega. shani grah 20 julai ko sham 5 bajakar 30 minat par ast ho jaega. shesh grah rahu, ketu, pluto, nepchyun aur yurenas ki sthiti purvavat hi rahegi. gochar fal vichar: masaranbh men arthat 1 julai ko shanivar hai aur is mas men panch shanivar aenge. yah yog ashubhta ka hi pratik hai. dainik upyogi vastuon men atyadhik manhgai ho jane se janta men behad rosh ki bhavna paida karta hai. kahin agnikand, bhu-skhalan ya prakritik prakop se bhi jan-dhan ki hani ka sanket hai.
yah yog adhikatar purvottar deshon tatha rajyon ke lie adhik kashtaprad rahega. sath hi is mas men panch ravivaron ka ana desh men chal rahe rajnaitik matbhedon ko barhava tatha vaimanasya v kahin par satta parivartan ho jane ka bhi sandesh deta hai. is mas men panch somvaron ka ana uprokt falon men kuch nyunta bhi karta hai. yah yog desh ke shaskon tatha janta men sahyog dayak hai aur desh men chal rahe nae anusandhanon evan yojnaon men saflta aur vriddhidayak hai. masaranbh men hi kark rashi par mangal, budh v shani ka sanbandh banna tatha surya se dvidvadash yog men rahna v surya ka budh v shukra ke bich men a jana prakritik prakopon ko adhik barhava deta hai.
kahin sukha aur kahin adhik varsha hone se barh ityadi ane se jan manas ke lie pareshanidayak banta hai. 13 julai ko mangal ka sinh rashi men pravesh hona sukh-samriddhi ka suchak hai tatha bharat ke sainya bal men nae avishkaron ki prapti hone se adhik sudrirhta ke path par agrasar karta hai. 16 julai ko surya ka shani ke sath sanbandh banna shubh nahin hai. yah yog prakritik prakopon ko aur bhi barhava dega. kahin adhik varsha aur kahin sukhe se nuksan dega. yah yog bharat ke krishak varsh ke lie chintajanak hai. 20 julai ko shani ka ast hona dainik upyogi vastuon tatha paitroliyam padarthon men atyadhik manhgai hone se janta men rosh paida karta hai.
27 julai ko budh grah ka uday hona age barh ityadi se janmanas ke lie chintakarak banta hai. sona evan chandi: masaranbh ki grah sthiti ke anusar bajar purvavat hi mande ki taraf sanket karta hai. 4 julai ko shani ka ashlesha nakshatra men pravesh kar sarvatobhadra chakra men anuradha nakshatra ko vedh karna sone ke bajar ko punah teji ki taraf le jata hai. 5 julai ko budh ka vakri gati men ana chandi men bhi kuch badlav teji ki taraf dega. 6 julai ko guru ka margi gati men ana chandi men punah mande ka karak hai. isidin surya ka punarvasu nakshatra men pravesh kar u.fa., mul aur u.bha. nakshatron ko vedhna sone men teji ka suchak hai. 8 julai ko shukra ka mrigshira nakshatra men pravesh kar u.sha. nakshatra ko vedhna chandi ke mande ko aur age barhane vala hai.
10 julai ko budh grah ka ast hona bajar men mande ka hi sanket karta hai. 13 julai ko mangal ka magha nakshatra men pravesh kar shravan nakshatra ko vedhna tatha sinh rashi men pravesh hona sone v chandi men teji ka yog banaega. 14 julai ko shukra ka mithun rashi men pravesh hona tatha shani se dvidvadash yog men ana chandi men mande ka sanket deta hai. 15 julai ko vakri gati ke budh ka punarvasu nakshatra men pravesh karna chandi men punah badlav la sakta hai. 16 julai ko surya ka kark rashi men pravesh kar shani v budh ke sath rashi sanbandh banana yah yog bhi sone v chandi ke bajar ko teji ki taraf rakhta hai.
19 julai ko shukra ka adrra nakshatra men pravesh kar pu.sha. nakshatra ko vedhna chandi men punah manda chalaega. 20 julai ko vakri gati ki chal chalte hue budh ka punah mithun rashi men pravesh hokar shukra ke sath rashi sanbandh banana sone v chandi men mande ka karak hai. isidin shani ka bhi ast hona bajar ko utar-charhav ke sath mande ke mahaul men hi rakhta hai. 26 julai ko chandra darshan 15 muhurti men hona bajar men mande ka hi suchak hai. 27 julai ko budh ka uday hona bajaron men kuch badlav de sakta hai.
29 julai ko budh ka margi hona bajar men ae hue badlav ko aur age barhata hai. 30 julai ko shukra punarvasu nakshatra men pravesh kar mul aur u.fa. nakshatra ko vedh men le raha hai jo sone v chandi men utar-charhav karte hue age teji ke rujhan men le jata hai. gur v khand: masaranbh ki grah sthiti ke anusar gur v khand ke bajar men teji hi dikhai deti hai. 4 julai ko shani ka ashlesha nakshatra men pravesh kar anuradha nakshatra ko vedh men lena gur ke bajar men teji ko aur bhi barhava dega. 5 julai ko budh ka vakri gati men ana gur v khand men teji ko aur bhi barhava deta hai.
6 julai ko guru ka margi gati men ana gur ki teji ko aur age lekar jata hai. isidin surya ka punarvasu nakshatra men pravesh kar mul, u.fa. v u.bha. nakshatron ko vedh men lena yah yog bhi gur v khand ke bajar men teji ko banae rakhta hai. 8 julai ko shukra ka mrigshira nakshatra men pravesh hokar sarvatobhadrachakra men uttarasharh nakshatra ko vedhna yah yog bajaron men teji ka suchak hai. 10 julai ko budh ka ast hona bajar men chal rahe teji ke rujhan men kuch badlav de sakta hai. 13 julai ko mangal sinh rashi men pravesh karega. gur men yah tejidayak hai. isidin mangal ka magha nakshatra men pravesh kar shravan nakshatra ko vedhna khand men mande ka vatavaran banaega.
14 julai ko shukra mithun rashi men pravesh kar surya ke sath yuti karega aur bajaron ki teji banae rakhega. 16 julai ko surya ka kark rashi men pravesh kar shani ke sath rashi sanbandh banana yah yog bajaron men teji hi dayak hai. 19 julai ko shukra ka adrra nakshatra men pravesh hona bajar men kuch mande ka vatavaran jarur dega. 20 julai ko shani ka ast hona tatha budh ka punah mithun rashi men pravesh kar shukra ke sath rashi sanbandh banana aur guru ki drishti men ana, yah yog gur aur khand men teji ka hi vatavaran banae rakhta hai. 26 julai ko chandra darshan 15 muhurti ho raha hai. yah yog bajar men thora mande ka suchak hai.
27 julai ko budh ka uday hona bajaron ko mande ke mahaul men le jaega. 29 julai ko budh ka margi gati men ana bajar men chal rahe mande ke rujhan ko aur age barhaega. 30 julai ko shukra ka punarvasu nakshatra men pravesh kar sarvatobhadra chakra men mul nakshatra ko vedhna, yah yog bajar men utar-charhav adhik karega. anaj v dalvan: masaranbh men grah sthiti anaj v dalvan ke bajar ki sthiti ko purvavat hi darshati hai. 4 julai ko shani ka ashlesha nakshatra men pravesh kar sarvatobhadrachakra men anuradha nakshatra ko vedhna gehun, jau, chana, jvar ityadi anajon men teji ka rukh chalaega.
5 julai ko budh ka vakri gati men ana manug, mauth, urad ityadi dalvan ko bhi teji ke vatavaran men le jaega. 6 julai ko guru grah margi hoga. yah yog bajar ki teji ko aur age barhata hai. isidin surya ka punarvasu nakshatra mane pravesh hona tatha sarvatobhadrachakra men u.fa., mul v u.bhanakshatron ko vedh men lena bhi uprokt bajaron men teji ka rukh deta hai. 8 julai ko shukra ka mrigshira nakshatra men pravesh kar u.sha. nakshatra ko vedh men lena anajon men badlav arthat kuch mande ka vatavaran banaega.
10 julai ko budh ka ast hona bhi bajar men mande ka rujhan banae rakhta hai, iska prabhav dalvan men bhi dekhne ko milega. 13 julai ko mangal ka magha nakshatra men akar shravan nakshatra ko vedhna yah yog gehun, jau, chana, jvar ityadi anajon men punah teji ki lahar chalaega. dalvan ke bajar ko purvavat hi chalne dega. 14 julai ko shukra ka mithun rashi men pravesh hona anajon men to teji banata hai lekin dalvan men mande ka rukh banaega. 16 julai ko surya kark rashi men pravesh karega tatha shani v budh ke sath rashi sanbandh sthapit karega. yah yog gehun ityadi sabhi anajon tatha dalvan ke bajar men teji ka hi suchak hai.
19 julai ko shukra adrra nakshatra men pravesh kar sarvatobhadrachakra men purvasharh nakshatra ko vedh raha hai joki anajon ke bajar men punah manda banane ki kshamata vala yog hai. 20 julai ko shani grah ast hoga. yah yog bajar men fir se badlav de sakta hai arthat gehun, jau, jvar ityadi anajon men punah teji ki lahar bana dega. 26 julai ko chandra darshan 15 muhurti men hona bajar ki teji ko aur barhava deta hai. 27 julai ko budh grah uday hoga. yah yog bhi anajon men teji ka hi karak hai lekin dalvan ko utar-charhav ke sath mande ke rukh men hi rakhega.
29 julai ko budh ka margi gati men ana bhi bajaron ki teji ko barhava deta hai. dalvanon men bhi yah teji hi dega. 30 julai ko shukra punarvasu nakshatra men pravesh hokar mul nakshatra ko vedh men lega. yah yog bajaron ke purva chal rahe vatavaran ko aur age barhata hai. ghi v telvan: masaranbh men 4 julai ko shani ka ashlesha nakshatra men pravesh hona tatha sarvatobhadra chakra men anuradha nakshatra ko vedhna yah yog tel, telvan tatha ghi ke bajar ko teji ke hi vatavaran men rakhta hai. 5 julai ko budh ka vakri hona ghi ke bajar men chal rahi teji ko aur age lekar jata hai.
6 julai ko guru ka margi gati men ana telon ki teji men vriddhikarak hai. isidin surya ka punarvasu nakshatra men akar u.fa. nakshatra ko vedh men lena ghi ki teji ko purvavat banae rakhta hai. 8 julai ko shukra ka mrigshira nakshatra men pravesh hokar uttarasharh nakshatra ko vedhna ghi ki teji ko aur age barhata hai. 10 julai ko budh ka ast hona bajar ki chal rahi teji ke vatavaran par ankush lagaega arthat kuch badlav dega.
13 julai ko mangal ka magha nakshatra men pravesh hokar sarvatobhadrachakra men bharni nakshatra ko vedhna, telon men to yah yog teji ka hi suchak dikhai deta hai lekin ghi men mande ka vatavaran paida karega. 19 julai ko shukra mithun rashi men pravesh karega jo ki ghi ke bajar men chal rahe mande ke rukh ko utar-charhav ke sath age barhaega.
16 julai ko surya ka kark rashi men pravesh kar shani v budh ke sath rashi sanbandh banana yah yog telon men teji hi darshata hai. surya ka uttarafalgun nakshatra ko vedhna ghi ke bajar men purvavat mande ka hi vichar banaega. 19 julai ko shukra ka adrra nakshatra men pravesh kar purvasharh nakshatra ko vedhna bhi ghi ke bajar men mande ka hi rukh rakhta hai.
20 julai ko shani grah ka ast hona telon ke bajar ki teji ko thahrav dega. isidin vakri gati ke budh ka bhi mithun rashi men pravesh hona tatha us par guru ki drishti ka hona bajar ko dotrfa bhi le ja sakta hai. isidin surya ka pushya nakshatra men pravesh hokar purvafalgun nakshatra ko vedhna ghi ke bajar men badlav dekar teji ka mahaul bana dega. 26 julai ko chandra darshan 15 muhurti hona ghi ki teji ko barkrar rakhta hai.
27 julai ko budh ka uday hona telon v ghi ko teji ke mahaul men hi banae rakhta hai. 29 julai ko budh ka margi gati men ana telon men mande ka suchak hai, ghi men bhi kuch manda hi dega. 30 julai ko shukra punarvasu nakshatra men pravesh kar mul ko vedhega. yah yog ghi ko mande ke vatavaran men hi banae rakhega. uparyukt faladesh puri tarah grah sthiti par adharit hai. pathkon ka behatar margadarshan hi iska mukhya uddeshya hai.
koi nirnay lene se pahle niveshak ko un anya sanbhavit karnon par bhi dhyan dena chahie, jo bajar ko prabhavit karte hain. kripya yad rakhen ki vyapari ki satte ki pravritti aur nirnay lene ki shakti men kami tatha bhagyahinta ke karan hone vale nuksan ke lie lekhak, sanpadak evan prakashak jimmevar nahin hain.