janvri mas men gochar grah parivartanah is mas men grahon ka rashi parivartan is prakar hoga: surya 14 janvri ko 11 bajakar 55 minat par makar rashi men pravesh karega. budh grah 4 janvri ko ratri 9 baje ast hoga tatha 19 janvri ko 9 bajakar 48 minat par makar rashi men pravesh karega. shukra grah 11 janvri ko sham ke 7 bajakar 42 minat par ast hoga tatha vakri gati ki chal chalte hue 13 janvri ko sham 6 bajakar 52 minat par dhanu rashi men pravesh karega tatha fir 17 janvri ko ratri 9 bajakar 42 minat par uday ho jaega.
is mas men mangal, guru, shani, rahu, ketu, pluto, nepchyun aur yurenas ki sthiti purvavat hi rahegi. gochar fal vichar: masaranbh vale din arthat 1 janvri ko ravivar hai aur is mas men panch ravivar aenge. falasvarup parinam ashantidayak hi rahta hai. rajnaitik matbhedon, vaimanasya tatha prakritik apdaon evan agnikandon se janmanas ko bhaybhit karta hai. aise yog men kahin durbhiksh aur kahin rajnaitik parivartan ki bhi sanbhavna bani rahti hai. ‘‘yatra mase ravervashah jayte panch satatam. durbhikshan chatra bhangaspat daste ch madhyadabhayam..’’ sath hi is mas men panch somvar bhi aenge jo uparyukt falon men nyunta bhi late hanai.
sukh sadhnon evan mangalamay karyon ki vriddhi hogi. ‘‘somasya panchvarastu yatra mase bhavanti hi. dhan-dhanya samriddhi syat sukhan bhavti sarvada..’’ lekin sath hi is mas men panch manglvar bhi a rahe hain jo ki prakritik prakop tatha desh ki sarhdon par yuddhamay vatavan se punah ashanti ki taraf sanket karte hanai. upadravkari tatvon, ugravadi sangthnon dvara ashanti failane men apna ugra rup dharan karte hanai.
‘‘yatra mase mahisuno jayante panchvasraah. rakten purita prithvi chatrabhangastada..’’ masaranbh evan navavarsh ka aranbh kanya lagn men ho raha hai. ashtam bhav men mangal ki sthiti dakshini aur pashchimi rajyon aur deshon men kahin antrik ashanti ka karak banegi. varsh kundli men prakritik prakop jaise bhukanp ityadi aur agnikando se bhi jan-dhan ki hani ki taraf sanket milta hai. 11 janvri ko shukra ka vakri gati men ast hokar 17 janvri ko uday hona yah yog prakritik prakopon se khari faslon ke lie hanikarak hai.
14 janvri ko surya ka makar rashi men akar shani se samasaptak yog men ana tatha isse purva shani aur mangal ka samdrishti men rahna yah yog sarhdi rajyon ke lie ashantidayak hai. upadravkari sangthnon dvara upadravi karyon ko barhava deta hai jisse janmanas men bhay aur udasi ki bhavna chaegi. 19 janvri ko budh ka bhi makar rashi men pravesh ho jana tatha shani se samasaptak yog men a jana krishi ke lie nuksandayak hai.
muslim deshon men upadravkari ghatnaon ko karta hai tatha desh men kisi rog ke failne se janta ko bhaybhit karta hai. sona v chandi: masaranbh vale din 1 janvri ko ravivar ke din chandra darshan ka 45 muhurti hona sone aur chandi men teji hi darshata hai. 4 janvri ko budh ka ast ho jana sone ke bajar men asthirta laega. isi din guru ka vishakha nakshatra men akar dhanishtha nakshatra ko vedhna chandi ke bajar men badlav dekar mande ki taraf le jaega. 8 janvri ko budh ka purvasharh nakshatra men ana bhi sone men mande ka hi suchak hai.
10 janvri ko surya ka uttarasharh nakshatra men pravesh bajar men chal rahi purva lahar ko aur barhava dega. 11 janvri ko shukra ka ast hona chandi men mande ke rukh ko age dhakelta hai. lekin in dinon shukra par vakri shani ki bhi drishti rahegi. atah bajar dotrfa bhi chal sakta hai, bajar ki vartaman sthiti ko vishesh dhyan men len. 13 janvri ko shukra grah vakri gati se punah dhanu rashi men pravesh karega aur surya aur budh se rashi sanbandh banaega.
yah yog sone aur chandi ke bajar men kuch badlav dega arthat thori bahut teji bana sakta hai. 14 janvri ko surya ka makar rashi men pravesh kar shani se samasaptak yog men ana tatha makar sankranti ka shanivar ko 45 muhurti hona chandi men to mande ka hi yog darshata hai lekin sone men teji ki taraf rujhan banata hai.
19 janvri ko budh ka makar rashi men pravesh tatha surya ke sath rashi sanbandh banana, budh ka ast avastha men shani se samasaptak yog men a jana sone aur chandi men punah badlav lakar teji ki lahar men le jaega. 24 janvri ko surya ka shravan nakshatra men pravesh kar kri., m., aur dhani. nakshatron ko vedh men lena bajar ki teji ko aur age barhata hai. 28 janvri ko mangal ka kritika nakshatra men akar vishakha nakshatra sthit guru grah ko vedhna chandi ko teji ke rukh men hi le jata hai.
30 janvri ko somvar ko chandra darshan ka punah is mas men hona bajar ko punah mande ke vatavaran men le jata hai. gur evan khand: masaranbh men 1 janvri ko ravivar ke din chandra darshan ka 45 muhurti hona gur aur khand ke bajar men teji ka yog banata hai. 4 janvri ko budh ka ast hona khand ke bajar men badlav dekar mande ki taraf le jaega. isi din guru ka vishakha nakshatra men akar dhanishtha ko vedhna gur men teji ka hi rujhan banae rakhega. 8 janvri ko budh ka purvasharh nakshatra men pravesh kar uttarabhadrapad nakshatra ko vedh men le lena bajaron men teji hi chalata hai.
10 janvri ko surya ka uttarasharh nakshatra men akar mrig, u. fa. evan u. bhanakshatron ko vedh men lena bhi bajaron ke teji ke rujhan ko barhava deta hai. 11 janvri ko shukra ka vakri gati men ast ho jana gur aur khand ke bajar men chal rahe teji ke rukh ko aur barhava dega lekin in dinon vakri gati ke shani ki bhi drishti rahegi atah bajar ka rukh dotrfa bhi ho sakta hai.
bajar ki vartaman sthiti ko vishesh dhyan men rakhen. 13 janvri ko shukra punah dhanu rashi men pravesh karega tatha surya aur budh ke sath rashi sanbandh banaega. yah yog bhi shani se shadashtak hone se teji ka hi suchak hai. 14 janvri ko surya ka makar rashi men pravesh kar shani se samasaptak yog banana aur makar sankranti ka ravivar ko 45 muhurti men ana bajaron men utar-charhav ke sath teji ka hi vatavaran banae rakhega.
19 janvri ko budh ka makar rashi men akar surya ke sath rashi sanbandh banana aur shani se samasaptak yog men ana khand ke bajar men badlav laega, gur ko purvavat hi chalaega. 24 janvri ko surya ka shravan nakshatra men pravesh kar kri., bh. tatha dhanishtha nakshatron ko vedh men lena bajaron men teji ka hi suchak hai. 28 janvri ko mangal ka kritika nakshatra men akar vishakha nakshatra sthit guru ko vedh men lena gur, khand aur rasakar men teji ka hi karak hai.
30 janvri ko is mas men punah chandra darshan somvar ko hona gur aur khand men purva chal rahe rukh men badlav laega. anaj v dalvan: masaranbh men navavarsh ko ravivar ke din chandra darshan ka 45 muhurti hona anajon aur dalvan men mande ka suchak hai. 4 janvri ko budh ka ast hona gehun, jau, chaval, chana ityadi anajon men mande ki lahar chalaega. isi din guru ka vishakha nakshatra men akar dhanishtha nakshatra ko vedh men lena mung, mauth, arahar, chane ke dalvan men teji banaega. urad men mande ka hi rukh dega.
8 janvri ko budh ka purvasharh nakshatra men akar uttarabhadrapad nakshatra ko vedh men lena purvokt dalvan men teji ke rukh men badlav dekar manda lekin urad ki dal men teji ka yog banaega. 10 janvri ko surya bhi u. sha. nakshatra men pravesh kar mrig, u. bha. tatha u. fanakshatron ko vedh men lega. yah yog anajon aur dalvan men teji hi darshata hai.
11 janvri ko vakri gati ke shukra ka ast hona gehun, jau ityadi anajon men teji hi chalaega lekin is par in dinon shani ki bhi purn drishti ka rahna bajar ko dotrfa bhi le ja sakta hai. 13 janvri ko vakri gati ka shukra dhanu rashi men pravesh kar surya aur budh ke sath rashi sanbandh banaega aur shani se punah shadashtak yog men a jaega. yah yog purva mah ki tarah anajon men teji ki lahar chalaega. 14 janvri ko surya ka makar rashi men pravesh kar shani se samasaptak yog men ana anajon men tejidayak hai lekin shanivar ke din makar sankranti ka 45 muhurti hona dalvan men mande ka rujhan paida karega.
17 janvri ko budh ka uttarasharh nakshatra men akar pu. bha. nakshatra ko vedh men lena anajon men mande ka suchak hai. 19 janvri ko budh ka makar rashi men pravesh kar surya ke sath rashi sanbandh banana tatha shani se samasaptak yog men a jana mung, mauth, arahar, urad ityadi dalvan men mande ki lahar chalaega. shukra ka pu. shanakshatra men pravesh kar hast nakshatra ko vedh men lena anajon men bhi manda chalaega. 24 janvri ko surya ka shravan nakshatra men akar kri., m. aur dhani. nakshatron ko vedh men lena anajvan men punah teji ka rukh chala dega.
25 janvri ko budh ka bhi shravan nakshatra men ana dalvan men teji hi darshata hai. 28 janvri ko mangal ka kritika nakshatra men akar vishakha sthit guru ko vedh men lena gehun ityadi anajon tatha mung, mauth ityadi dalvan men chal rahi teji ko barhava deta hai. 30 janvri ko is mas men punah chandra darshan ka somvar ko ana bajaron men teji ka hi karak hai. ghi v tel: masaranbh men 1 janvri ko ravivar ke din chandra darshan ka 45 muhurti hona telon men teji hi darshata hai. 4 janvri ko budh ka ast ho jana tel aur telvan ke bajar men badlav lakar mande ke rukh men le jaega.
isi din guru ka vishakha nakshatra men akar dhanishtha nakshatra ko vedh men lena ghi ko bhi mande ki lahar men le jaega. 8 janvri ko budh ka purvasharh nakshatra men akar u bha. nakshatra ko vedh men lena telon men tejidayak hai. 10 janvri ko surya ka u. sha. nakshatra men pravesh kar mrig, u. fa. nakshatron ko vedh men lena telon men teji ka suchak tatha ghi ko mande ke rujhan men hi rakhega. 11 janvri ko vakri gati men shukra ka ast hona telvan aur ghi men teji ka yog banata hai. in dinon is par vakri gati ke shani ki drishti bajar ko dusri taraf bhi le ja sakti hai.
13 janvri ko shukra ka dhanu rashi men pravesh kar surya aur budh ke sath rashi sanbandh banana aur shani se shadashtak yog men a jana ghi ke bajar men teji ka suchak hai. 14 janvri ko surya ka makar rashi men pravesh hokar shani se samasaptak yog banana telon men to teji banata hai lekin isi din shanivar ko makar sankranti ka 45 muhurti men hona ghi ke bajar men manda hi dega. 17 janvri ko shukra ka uday hona ghi men teji ka suchak hai.
isi din budh ka u.sha. nakshatra men akar pu. bha. nakshatra ko vedhna telon men bhi teji ka karak hai. 19 janvri ko budh ka makar rashi men pravesh kar surya se rashi sanbandh banakar shani se samasaptak yog men a jana ghi ke bajar ko teji ke rujhan men rakhega. 24 janvri ko surya ka shravan nakshatra men akar kri, man., dh. nakshatron ko vedh men lena telon men purva teji ko banae rakhta hai.
25 janvri ko budh ka shravan nakshatra me pravesh ghi ke bajar men mande ka yog banaega. 28 janvri ko mangal ka krittika nakshatra men pravesh tatha vishakha nakshatra sthit guru grah ko vedhna ghi ko punah teji ke vatavaran men le jaega. 30 janvri ko somvar ke din chandra darshan ka punah is mas men hona age telon men mande ka mahaul paida karega.