gochar fal vichar masaranbh men mangal grah ka shani v rahu se dvidrvadash yog men rahna tatha surya ka shani se samasaptak yog men rahna rajnitigyaon men paraspar virodhabhas ko barhakar ashantamay mahaul paida karega. paraspar virodhi rajnitik dalon dvara arop pratyaropon ko barhava dega. shaskiya dalon ke lie visheshtya sansharshapurn sthitiyan banaega. is mas men agnikand, visfotak durghatanaon ityadi se jan manas men bhay aur akrosh ki bhavna ko barhaega.
14 mai ko surya ka vrish rashi men akar shani v rahu grahon se shadashtak yog men a jana janta ka shasan ke prati virodhpurn paksh banaega. kahin asthirta ka vatavaran bana rahega. parosi deshon se takrav ka mahaul banakar simaon par sainya halachal ko barhava dega. mas men pashchimi kshetron men andhi tufan v tej varsha ke sath kuch anya kshetron men prakritik prakopon se jan-dhan hani ka sanket deta hai.
is mas men rajnaitik mahaul arthik v samajik kshetron ko vishesh prabhavit karega. sona v chandi masaranbh men 1 mai ko vakri shani ka vishakha nakshatra ke dvitiya charan men pravesh karna bajaron men teji ka yog banata hai. 3 mai ko budh ka kritika nakshatra par akar sarvatobhadra chakra men shravan nakshatra ko vedhna chandi men utar-charhav ke bad mandi ka yog banaega. 4 mai ko budh ka vrish rashi men ana purva rukh ko barkrar rakhega.
7 mai ko atichari budh ka uday ho jana bajar ke rukh ko badal kar teji ki lahar men le jaega. 9 mai ko budh ka rohini nakshatra men akar abhijit nakshatra ko vedhna bajaron men teji ke rujhan ko age barhaega. 10 mai ko rahu ka chitra nakshatra ke tritiya charan men ana aur ketu ka ashvini nakshatra ke pratham charan men ana tatha rahu ka shani se rashi sanbandh men rahna ye yog chandi men mandi ka vatavaran bana dega, sone men purva rukh ko banae rakhega.
11 mai ko surya ka krittika nakshatra men akar bharni, vishakha aur shravan nakshatron ko vedhna bajaron men teji ki lahar chala dega. 12 mai ko shukra ka revti nakshatra men akar mul, mrigshira aur uttara falguni nakshatron ko vedhna bajaron men utar-charhav ki sthiti adhik banaega. vyapari varg bajar ki vartaman sthiti ko vishesh dhyan men rakhen.
14 mai ko surya ka vrish rashi men akar budh se sanbandh banana tatha jyeshth sankranti ka 45 muhurti men hona bajaron men teji ki lahar hi chalaega. 15 mai ko guru ka punarvasu nakshatra ke dusre charan men pravesh karna chandi men mandi ke yog ka suchak banta hai.
17 mai ko budh ka mrigshira nakshatra par akar uttarasharha nakshatra ko vedhna bajaron men utar-charhav ke sath mandi ka yog hi darshata hai. 20 mai ko mangal ka margi gati men ana tatha shukra se samasaptak yog men hona bajaron men mandi ka mahaul hi banaega.
22 mai ko budh ka mithun rashi men akar guru se rashi sanbandh banana mandi ke rujhan men hi rakhega.
23 mai ko shukra ka ashvini nakshatra men akar purva falguni nakshatra ko vedhna sone men mandi ke rukh ko badal kar teji ki lahar men le jaega.
25 mai ko surya ka rohini nakshatra men akar ashvini, svati v abhijit nakshatron ko vedhna sone ko purvavat rukh men rakhega, chandi men mandi ka vatavaran banaega.
30 mai ko shukravar ke din chandradarshan 30 muhurti men hona tatha isi din budh ka adrra nakshatra men akar purva falguni nakshatra ko vedhna, ye yog bajar men utar-charhav ke bad teji ka suchak banta hai. gur v khand masaranbh men 1 mai ko vakri shani ka vishakha nakshatra ke dusre charan men pravesh karna khand men mandi ka yog banata hai, gur men teji ka vatavaran hi banata hai.
3 mai ko budh ka krittika nakshatra men akar sarvatobhadrachakra dvara shravan nakshatra ko vedhna bajaron men utar-charhav ka rukh hi darshata hai.
4 mai ko budh ka vrish rashi men ana bajaron men mandi ka mahaul banaega.
7 mai ko atichari budh ka uday ho jana bajaron men chal rahe mandi ke rukh ko badal kar teji ki lahar chala dega.
9 mai ko budh ka rohini nakshatra men akar abhijit nakshatra ko vedhna bajaron men teji ke rujhan ko banae rakhega.
10 mai ko rahu ka chitra nakshatra ke tisre charan men pravesh karna aur ketu ka ashvini nakshatra ke pratham charan men pravesh karna tatha rahu ka shani se rashi sanbandh men rahna bajaron men chal rahi teji ki lahar ko age barhaega.
11 mai ko surya ka kritika nakshatra men akar bharni, vishakha aur shravan nakshatron ko vedhna bajaron men purva rukh ko barkrar rakhega.
12 mai ko shukra ka revti men akar uttarafalguni nakshatra ko vedhna bajaron men utar-charhav ka yog adhik banaega.
14 mai ko surya ka vrish rashi men akar budh se sanbandh banana tatha jyeshth mas ki sankranti ka 45 muhurti men hona bajaron men teji ka vatavaran hi darshata hai.
15 mai ko guru grah ka punarvasu nakshatra ke dusre charan men pravesh karna bajaron men mandi ki lahar chala dega.
17 mai ko budh ka mrigshira nakshatra men akar uttarasharha nakshatra ko vedhna bajaron men mandidayak hai.
20 mai ko mangal ka margi gati men ana tatha shukra se samasaptak yog men hona bajaron men utar-charhav ke bad mandi ki taraf hi rukh rakhega.
22 mai ko budh ka mithun rashi men akar guru se rashi sanbandh banana bajaron men purva sthiti ko age chalaega.
23 mai ko shukra ka ashvini nakshatra men akar purva falguni nakshatra ko vedhna bajaron men teji ki lahar chala dega.
25 mai ko surya ka rohini nakshatra men akar ashvini, svati v abhijit nakshatron ko vedhna bajaron men teji hi dayak banta hai.
30 mai ko shukravar ke din chandradarshan 30 muhurti men hona tatha isi din budh ka adrra nakshatra men akar purva falguni nakshatra ko vedhna bajaron men teji ka vatavaran hi darshata hai. anajvan v dalahan masaranbh men 1 mai ko vakri shani ka vishakha nakshatra ke dvitiya charan men pravesh karna gehun, jau, chana ityadi anajon tatha mung, mauth, masur, arahar ityadi dalahan men tejidayak hi banta hai.
3 mai ko budh ka kritika nakshatra par akar sarvatobhadrachakra dvara shravan nakshatra ko vedhna bajaron men teji ka rujhan banae rakhega.
4 mai ko budh ka vrish rashi men pravesh karna bajaron men purva rukh ko barkrar rakhega. 7 mai ko atichari budh ka uday hona bajaron men utar-charhav ke bad teji ka yog hi darshata hai.
9 mai ko budh ka rohini nakshatra men akar abhijit nakshatra ko vedhna bajaron men asthirta adhik karega. vyapari varg in dinon bajar ki vartaman sthiti ko vishesh dhyan men rakhen.
10 mai ko rahu ka chitra nakshatra ke tritiya charan men pravesh tatha ketu ka ashvini nakshatra ke pratham charan men pravesh tatha rahu ka shani se rashi sanbandh banae rakhna bajaron men teji ka vatavaran hi banaega.
11 mai ko surya ka kritika nakshatra men akar bharni, vishakha aur shravan nakshatron ko vedhna bajaron men teji ka rujhan hi banaega.
12 mai ko shukra ka revti nakshatra men akar uttara falguni nakshatra ko vedhna bajaron men purva rukh ka banae rakhega.
14 mai ko surya ka vrish rashi men akar budh ke sath rashi sanbandh banana tatha jyeshth sankranti ka 45 muhurti men ana gehun, jau, chana ityadi anajvan tatha mung, mauth, masur ityadi dalahan men teji ki lahar ko banae rakhega.
15 mai ko guru grah ka punarvasu nakshatra ke dvitiya charan men pravesh karna bajarane men mandi ka rujhan bana dega.
17 mai ko budh ka mrigshira nakshatra men akar uttarasharha nakshatra ko vedhna bajaron men utar-charhav ke sath mandi ka yog banae rakhega.
20 mai ko mangal ka margi gati men ana tatha shukra se samasaptak yog men rahna bajaron men utar-charhav adhik karega.
22 mai ko budh ka mithun rashi men akar guru grah se rashi sanbandh banana bajaron men mandi ka vatavaran bana dega.
23 mai ko shukra ka ashvini nakshatra men akar purva falguni nakshatra ko vedhna bajaron ke rukh ko badal kar teji ki lahar men le jaega.
25 mai ko surya ka rohini nakshatra men akar ashvini, svati v abhijit nakshatron ko vedhna bajaron ki teji ki lahar ko age-chalaega.
30 mai ko shukravar ke din chandra darshan ka 30 muhurti men ana tatha isi din budh ka adrra nakshatra par akar purvafalguni nakshatra ko vedhna gehun, jau, chana, jvar, bajra ityadi anajon tatha mung, mauth, masur, arahar ityadi dalahan men teji ka yog darshata hai.
ghi v telvan masaranbh men 1 mai ko vakri shani ka vishakha nakshatra ke dusre charan men pravesh karna bajaron men mandi ka yog darshata hai.
3 mai ko budh ka kritika nakshatra par akar shravan nakshatra ko vedhna bajaron men purva rukh ko banae rakhega.
4 mai ko budh ka vrish rashi men ana bajaron men kuch teji ka vatavaran bana dega.
7 mai ko atichari budh ka uday ho jana bajaron men teji ki lahar chala dega.
9 mai ko budh ka rohini nakshatra par akar abhijit nakshatra ko vedhna bajaron ke teji ke rukh ko banae rakhega.
10 mai ko rahu ka chitra nakshatra ke tisre charan men pravesh karna tatha shani se rashi sanbandh banae rakhna bajaron men teji ke rujhan ko age barhaega.
11 mai ko surya ka krittika nakshatra par akar bharni, vishakha v shravan nakshatron ko vedhna ghi men teji ki lahar age chalaega.
12 mai ko shukra ka revti nakshatra men akar uttara falguni nakshatra ko vedhna bajaron men utar-charhav ki sthiti bana dega.
14 mai ko surya ka vrish rashi men akar budh se rashi sanbandh banana tatha jyeshth sankranti ka 45 muhurti men hona bajaron men teji ka rukh hi darshata hai.
15 mai ko guru grah ka punarvasu nakshatra ke dusre charan men pravesh bajaron ke rukh ko badal kar mandi ka rujhan bana dega.
17 mai ko budh ka mrigshira nakshatra men akar uttarasharha nakshatra ko vedhna bajaron men mandi ki lahar chala dega.
20 mai ko mangal ka margi gati men ana tatha shukra grah se samasaptak yog men rahna bajaro men purva rukh ko banae rakhega.
22 mai ko budh ka mithun rashi men akar guru grah se rashi sanbandh banana bajaron men mandi ka hi suchak banta hai.
23 mai ko shukra ka ashvini nakshatra par akar purvafalguni nakshatra ko vedhna bajaron men punah teji ki lahar chala dega.
25 mai ko surya ka rohini nakshatra men akar ashvini, svati v abhijit nakshatron ko vedhna bajaron men teji ka hi rujhan banaega.
30 mai ko shukravar ke din chandra darshan 30 muhurti men ana tatha isi din budh ka adrra nakshatra par akar purva falguni nakshatra ko vedhna bajaron men teji ka suchak banta hai.