gochar fal vichar masaranbh men surya, mangal ka shani, rahu se shadashtak yog men hona tatha 6 jun ko devguru brihaspati ka ast ho jana aur kalasarp yog ka banna desh men rajnitigyaon men paraspar virodhabhas ki sthiti ko aur adhik banaega tatha paraspar nae muddon ko lekar sangharsh ki sthiti paida karega. surya mangal ka ketu ke sath dvidvadash yog men rahna dainik upyogi vastuon men mahangai ko aur badhava deta hai jisse am janta ko desh ke shaskon ke prati sangharsh karne par vivash karega. yah yog kahin andhi tufan se bhi jan dhan ki hani bhi kar sakta hai. masaranbh se ek din purva mithun rashi men devguru brihaspati ka budh, shukra se sanbandh banakar surya, mangal se dvidvadash yog men ana bhi kahin purva varsha ityadi ane se badh ki sthiti paida karega.
15 jun ko surya ka inse rashi sanbandh banakar chatugrrahi yog ka banna tatha mangal ka inse dvidvadash yog evan shani rahu ka shadashtak yog men ana, ye yog desh ki simaon par punah yuddh may badlon ki kali ghataen ane se simaon ka vatavaran ashant karega tatha prakritik prakopon se bhi dhan jan ki hani kar sakta hai.
22 jun ko shukra ka kark rashi par ana tatha 28 jun ko mangal grah ka uday hona, yah yog desh men durbhiksh jaisi sthiti paida karta hai. kahin bhu skhalan, badh sukhe ityadi prakritik apdaon se dhan jan ki hani ka sanket deta hai aur upadravkari takton ke upadravkari karyon se am janta men punah bhay ki sthiti banaega. sona v chandi masaranbh men 3 jun ko shukra ka adrra nakshatra men akar purvashadha nakshatra ko vedhna aur budh grah ke sath nakshatra sanbandh bana lena bajaron ko mandi ki taraf le jata hai.
6 jun ko guru grah ka ast hona evan mangal ka rohini nakshatra par akar abhijit nakshatra ko vedhne lag jana bajaron men badlav dekar teji ke rukh men modega.
8 jun ko surya ka mrigshira nakshatra par chitra, uttarashadha v revti nakshatron ko vedhne lag jana bajaron men teji ka hi suchak banta hai.
10 jun ko budh ka punarvasu nakshatra par akar mul nakshatra ko vedhna v guru grah se nakshatra sanbandh banana sone ko teji ki or age badhaega. isi din chandra darshan somvar ke din 15 muhurti men ana chandi ko mande ke rujhan men le jata hai.
14 jun ko ashadh mas ki sankranti ka 15 muhurti men ana bhi bajar men teji ka hi suchak hai. isi din shukra ka punarvasu nakshatra par akar mul nakshatra ko vedhne lag jana aur budh v guru se nakshatra sanbandh banana bajaron ko punah teji ki lahar men le jaega.
21 jun ko surya ka adrra nakshatra par akar purvashadha, hast v uttara bhadrapad nakshatron ko vedhna sone men punah badlav dekar mandi ka rukh banaega lekin chandi ko purvavat teji ke rujhan men rakhega.
25 jun ko mangal ka mrigshira nakshatra par akar uttarashadha nakshatra ko vedhna tatha shukra ka bhi pushya nakshatra par akar jyeshtha nakshatra ko vedhna chandi ki teji ko aur age badhata hai. yah yog sone ko bhi teji ki lahar men le jaega.
26 jun ko budh ka vakri hona bhi bajaron men teji ka karak banta hai.
29 jun ko guru grah ka adrra nakshatra men pravesh kar purvashadha nakshatra ko vedhna tatha surya ke sath nakshatra sanbandh banana is bajar ki teji men aur chamak dega.
30 jun ko rahu ka svati nakshatra men pravesh kar rohini, jyeshtha v shatbhisha nakshatron ko vedhna tatha shani grah ke sath rashi sanbandh ke sath-sath nakshatra sanbandh bhi banaega. donane hi vakri hain. ye yog bajar men age teji ke suchak ban rahe hain. gud v khand masaranbh men 3 jun ko shukra ka adrra nakshatra men akar purvashadha nakshatra ko vedhna aur budh grah se nakshatra sanbandh banana bajar men chal rahe teji ke vatavaran men badlav dekar mandi ki taraf lekar jane vala yog hai.
6 jun ko guru grah ka ast hona tatha mangal ka rohini nakshatra par akar abhijit nakshatra ko vedhna khand men to mandi ka rujhan banaega lekan gud men badlav dekar teji ki lahar chala dega.
8 jun ko surya ka mrigshira nakshatra par akar chitra, uttarashadha v revti nakshatron ko vedhna tatha shanaishchari amavasya ka hona khand men teji ka hi suchak hai.
10 jun ko budh ka punarvasu nakshatra par akar mul nakshatra ko vedhna v guru se nakshatra sanbandh banana tatha chandra darshan 15 muhurti somvar ke din hona bajaron ke purva chal rahe rukh men aur vriddhikarak hoga.
14 jun ko ashadh mas ki sankranti ka 15 muhurti men ana tatha shukra ka punarvasu nakshatra par akar mul nakshatra ko vedhne lag jana aur budh, guru se nakshatra sanbandh banana ye sabhi yog bajaron ki purva chal rahi lahar ko aur age badhaenge.
21 jun ko surya ka adrra nakshatra par akar purvashadha, hast v uttara bhadrapad nakshatron ko vedhna khand ke rukh men badlav dekar mandi ke rujhan men le jaega.
25 jun ko mangal ka mrigshira nakshatra par akar uttarashadha nakshatra ko vedhna tatha shukra ka bhi pushya nakshatra par akar jyeshtha nakshatra ko vedhna bajaron men utar-chadhav ke sath mandi ki lahar hi chalaega.
26 jun ko budh ka vakri hona bajaron men utar-chadhav afvahon ke sath banae rakhta hai.
29 jun ko guru ka adrra nakshatra men pravesh kar purvashadha nakshatra ko vedhna tatha surya se nakshatra sanbandh banana bajar men badlav dekar mandi ke rukh men le jaega.
30 jun ko rahu ka svati nakshatra man pravesh kar rohini, jyeshtha v shatbhisha nakshatron ko vedhna tatha vakri shani ke sath rashi aur nakshatra sanbandh bhi banana bajaron ke purva rukh ko aur age badhaega. anaj v dalahan masaranbh men 3 jun ko shukra ka adrra nakshatra par akar purvashadha nakshatra ko vedhna aur budh grah se nakshatra sanbandh banana gehun, jau, chana, jvar, bajra ityadi anajon tatha mung, masur, mauth, arahar ityadi dalahan ke bajar ko mandi ki lahar men le jata hai.
6 jun ko guru grah ka ast hona tatha mangal ka rohini nakshatra par akar abhijit nakshatra ko vedhna anajvan ko teji ke rujhan men le jaega lekin dalvan men mandi ka rukh banae rakhega.
8 jun ko surya ka mrigshira nakshatra par akar chitra, uttarashadha v revti nakshatron ko vedhna tatha isi din shanaishchari amavasya ka hona anajon ke sath-sath dalahan ko bhi teji ki lahar men le jaega.
10 jun ko budh ka punarvasu nakshatra par akar mul nakshatra ko vedhna aur guru grah se nakshatra sanbandh banana tatha isi din chandra darshan 15 muhurti somvar ko hona bajaron ki purva sthiti men aur vriddhidayak hai.
14 jun ko ashadh mas ki sankranti ka 15 muhurti men ana tatha shukra ka punarvasu nakshatra par akar mul nakshatra ko vedhne lag jana aur budh v guru se nakshatra sanbandh banana gehun, jau, jvar, bajra ityadi anajvan tatha mung, moth, masur ityadi dalahan men teji ko aur age badhata hai.
21 jun ko surya ka adrra nakshatra par akar purvashadha, hast, v uttara bhadrapad nakshatron ko vedhna anajon men badlav dekar mandi ki lahar men le jaega.
25 jun ko mangal ka mrigshira nakshatra par akar uttarashadha nakshatra ko vedhna tatha shukra ka bhi pushya nakshatra par akar jyeshtha nakshatra ko vedhna ye yog bajaron ke purva rukh ko aur age badhaenge.
26 jun ko budh ka vakri hona bhi bajaron ki purva lahar ko age badhata hai.
29 jun ko guru grah ka adrra nakshatra men pravesh kar purvashadha nakshatra ko vedhna tatha surya ke sath nakshatra sanbandh bana lena bajaron ke rukh men badlav dega arthat mandi ki taraf le jaega.
30 jun ko rahu ka svati nakshatra men pravesh kar rohini, jyeshtha v shatbhisha nakshatron ko vedhna tatha vakri shani ke sath rashi sanbandh ke sath-sath nakshatra sanbandh bhi banana bajaron ki purva lahar men aur vriddhi dayak ban jaega. ghi v telahan masaranbh men 3 jun ko shukra ka adrra nakshatra men akar purvashadha nakshatra ko vedhna tatha budh grah ke sath nakshatra sanbandh banana telon men mandi ka suchak hai lekin ghi ko teji ki lahar men le jata hai.
6 jun ko guru grah ka ast hona tatha mangal ka rohini nakshatra par akar abhijit nakshatra ko vedhna telon men bhi badlav dekar teji ke rukh men le jaega tatha ghi ki teji ko aur age badhaega.
8 jun ko surya ka mrigshira nakshatra par akar chitra, uttarashadha v revti nakshatron ko vedhne lagna tatha isi din shanaishchari amavasya ka hona telon ki teji ko aur age badhata hai.
10 jun ko budh ka punarvasu nakshatra par akar mul nakshatra ko vedhna v guru grah se nakshatra sanbandh banana tatha isi din chandra darshan 15 muhurti somvar ko hona bajar ki purva chal rahi lahar ko aur age le jata hai.
14 jun ko ashadh mas ki sankranti ka 15 muhurti men ana tatha isi din shukra ka punarvasu nakshatra par akar mul nakshatra ko vedhna tatha budh v guru se nakshatra sanbandh banana ghi v telvan ke bajaron ki teji ki lahar ko aur age le jata hai.
21 jun ko surya ka adrra nakshatra par akar purvashadha, hast v uttarabhadrapad nakshatron ko vedhna bajar men kuch badlav dega arthat mandi ki taraf le jaega.
25 jun ko mangal ka mrigshira nakshatra par akar uttarashadha nakshatra ko vedhna tatha shukra ka bhi pushya nakshatra par akar jyeshtha nakshatra ko vedhna bajaron men asthirta ke sath utar-chadhav banae rakhega.
26 jun ko budh ka vakri hona bajaron ko punah teji ke rukh men le jaega.
29 jun ko guru grah ka adrra nakshatra men pravesh kar purvashadha nakshatra ko vedhne lagna tatha surya ke sath nakshatra sanbandh bana lena ghi men ekadam badlav dekar mandi ki lahar men le jaega.
30 jun ko rahu ka svati nakshatra men pravesh kar rohini, jyeshtha v shatbhisha nakshatron ko vedhna tatha vakri shani grah ke sath rashi sanbandh ke sath-sath nakshatra sanbandh banana telon ko adhik prabhavit karta hua age bajar ko teji ki lahar men rakhta hai.