pitridosh = pitri $ dosh, arthat hamare pitron ya purvajon dva ara kie gae kuch aise karm jo hamare lie shrap ban jate hain. ye dosh ham par purvajon ke rin hote hain jinke fal hamen apne jivan men bhogne parte hain.
pitri n ka siddhant hai - kare koi, bhare koi. pita ke papon ka parinam putra ko bhogna hi parta hai, jaise ki maharaj dasharath ke hathon hui shravan kumar ki mrityu ke pap ke parinamasvarup unke putra bhagvan ram ko janglon men bhatak kar dukh uthana para.
kaha gaya hai ki vyakti ko apne jivan men pitri rin avashya chukana chahie taki uske pitar tript aur shant hon aur unhen mukti mil sake. yadi unhen mukti nahin milti hai to ve pret yoni men pravesh kar apne hi kul ko kasht dena shuru kar dete hain.
kabhi-kabhi dekhne men ata hai ki hamara koi bhi dosh nahin hota, hamne koi pap karm nahin kiya hota, fir bhi hamen kasht bhogna parta hai. yah pitridosh ke karan hota hai. iske atirikt agyantavash ham apne purvajon ko jo kasht dete hain, ve bhi hamare dukhon ka karan bante hain.
aise kuch karan nimn ho sakte hain- pita, taya, chacha, sasur, mata, tai, chachi aur sas ka apman karna, purvajon ka shastranusar shraddh v tarpan n karna, pashu pakshiyon ki vyarth hi hatya karna, sarp vadh karna.
pitridosh ke nivaran hetu upay vidhipurvak upay karne se vyakti svayan, apne pitron v ane vali pirhi ko is dosh ke prabhavon se bacha sakta hai. isse hamen apne pitron se sukhi v samriddh jivan ka ashirvad mil jata hai. yahan pitri dosh nivaran ke kuch pramukh upayon ka varnan prastut hai.
1. gujrat ke baroda jile men narmada nadi ke tat par chanor tirth men narayan bali puja karni chahie. yah kshetra anya kisi pitri tarpan puja ke lie bhi prasiddh hai.
2. niyamit shraddh vidhi ke atirikt shraddh ke dinon men kauon, kutton v jamadaron ko khana dena chahie.
3. lagnanusar bhi upay kie ja sakte hain jo is prakar hain.
mesh: pipal par subah jal charhaen v sayan dip jalaen.
vrish: nav durga pujan karen v kanyaon ko khir khilaen.
mithun: kisi garib kanya ke vivah ya bimari men madad karen. karka: dudh ya urad ke bane padarth dan den.
sinh: ann ya shayya dan karen. kanya: shiv pujan ya gita path karen.
tula: sindur, til, tel v urad ka dan den.
vrishchik: kamal pushp v guggal ki ahuti dekar havan karen.
dhanu: kul devta ki puja archana karni chahie.
makr: rudra pujan ya shiv mahima stotra ka path karna chahie.
kunbh: pitri tarpan v gita path karen.
min: ganesh ya hanuman ya bhairav ji ka path karen.
tirth sthanon par savidhi pind dan v tarpan karne ke lie pitri kshetron ko puranon ke anusar, panch bhagon men banta gaya hai- bodhgya, nabhigya ya vaitaran ai, padgya ya pithapur, matrigya ya siddhapur v badrinath. inmen se bodhgya kshetra ati prachin, prasiddh, pavitra tirth sthan hai jahan purkhon v bujurgon ka pinddan kiya jata hai.
yah bihar rajya men falgu nadi ke kinare magadh kshetra men sthit hai. ise vishnu nagri bhi kahte hain. yahan akshay vat sthan hai jahan pitron ke nimitt kiya gaya dan akshay hota hai. pitrigan apni santan se yah asha karte hain ki ve gaya men pind dan karen aur apne pitri n se urin hon.
nabhigya: urisa rajya men vaitrni nadi ke kinare jajpur ganv men sthit hai. vaitrni nadi ke bare men puranon men kaha gaya hai ki mrityu ke pashchat pratyek vyakti ko is nadi ko par karna hi parta hai. yadi vyakti ne apne jivan men shubh karm kie hote hain to vah is nadi ko asani se par kar jata hai. yahan pitri tarpan puja karne se ham apne purkhon ko yah nadi par karva sakte hain.
padgya: tamilnadu rajya men pithapur men rajmandri steshan ke pas sthit hai.
matrigya: gujrat rajya ke mehsana jile men sthit hai. bhagvan parshuram ne apni mata ka pinddan yahin kiya tha. yahan bindu sarovar ke kinare pinddan v shraddh puja ki jati hai.
brahm kapali: himalay ki pahariyon men badrinath ke nikat ek shila, jiska nam brahmakapali hai. kaha jata hai ki yahan pinddan v shraddh karne se dobara shraddh karne ki avashyakta nahin rahti.
iske atirikt sarpapuja, brahmanon ko gaudan, kuan khudvana, pipal v baragad ke vriksh lagvana, vishn au mantron ka jap karna, shrimadbhagavat gita ka path karna, pita ko purn samman dekar unhen khush rakhna, pitron ke nam se aspatal, mandir, vidyalay, dharmashala adi banvane se bhi pitri dosh shant hota hai.
if you are facing any type of problems in your life you can consult with astrologer in delhi