shastron ke anusar dev rin, rishi rin evan pitri rin ka janm janmantron tak manav par prabhav rahta hai islie shastron men pitri devo bhavah, acharya devo bhavah, matri devo bhavah adi sanbodhan die gaye hain. vaise rin ka arth hai karj, jisko uski santan v parijnon dvara chukaya jana hai. jab jatak par uske purvajon ke papon ka gupt prabhav parta hai tab pitri dosh kahlata hai. atah manav ko jivan men tin baton ka sadaiv smaran rakhna chahiye- karj, farj aur marj. jo in tinon baton ka dhyan rakhakar karm karta hai vah kabhi asafal nahin hota. pandvane ki galti ka parinam draupdi ko bhugtna para tha. raja dasharath ke hathon nishana chuk jane par shravan kumar ki mrityu ho gai. shravan ke shrap se hi raja dasharath ki mrityu putra viyog men hui. pauranik dharmik granthon men bhi pitri dosh ka vistrit varnan milta hai jinke anusar hamare purvajon/pitron ki atma atript ya asantusht rahe to santan ki kundli dushit ho jati hai jise vartaman men kashton tatha durbhagyon ka samna pitri dosh ke rup men karna parta hai. is paridhi men manav ke sath devtagan, pashu pakshi sabhi jiv ate hain. jyotish shastra ka sanbandh jatak ke is janm ke sath purva janm ke karm se bhi hai. kundli bhut, bhavishya, vartaman tinon ki parichayak hai.
janmakundli men surya, guru, chandra, mangal, shukra, shani grahon par rahu ka prabhav ya drishti sanbandh ho to yah pitri dosh ko ingit karta hai. janmakundli men budh akela navam bhav men dhanu rashi men ho to pitri dosh ka suchak hai. budh, shukra evan rahu grah ko pitri dosh ke liye mukhya rup se karak mana gaya hai. ye kisi bhi sthan par akele baithe hon ya anya grahon ke sath baithe hon, agar guru se pratham, dvitiya, panchven, naven, barhven bhav par budh, shukra ya rahu baithe hon to pitri dosh mana gaya hai. janmakundli men yadi chandrama rahu, ketu, shani ka prabhav ho to jatak matri rin se pirit hota hai. chandrama man ka karak hai atah aise jatak ko nirantar ashanti rahti hai. yadi surya par shani, rahu, ketu ka prabhav ya drishti ho to jatak pitri rin ke karan man-pratishtha ke abhav men santan se kasht, vyavsay men hani pata hai. yadi santan apang, mansik rup se vikshipt ya pirit hai to vyakti ka sanpurn jivan us par kendrit ho jata hai. yadi lagn men ya pancham men surya, mangal, shani ho, ashtam ya dvadash men guru, rahu ho to pitri dosh hota hai. pancham men nich ka surya ho, mesh men nich ka shani ho ya lagn men pap grah ho, dashmesh chathe, athven, barhven bhav men ho, putra karak guru pap grah ki rashi men ho ya pancham men pap grah ho, tritiyesh ki ashtamesh se yuti ho to chote bhai bahnon ke karan, chaturthesh ashtamesh ka sanbandh ho to bare bhai ke karan pitri dosh ki utpatti hoti hai.
shani, rahu chaturth ya pancham bhav men ho to matri dosh hota hai. mangal, rahu chaturth bhav men ho to mama ka dosh lagta hai. rahu ya ketu ki brihaspati ke sath yuti ya drishti ho to dada, pardada ka dosh, mangal ke sath rahu ho to bhai ka dosh, rahu shukra ki yuti ho to brahman, rishi ka apman karne ka dosh, surya, rahu pitri dosh, rahu chandrama mata ka dosh, rahu guru dada ka dosh, rahu shani sarp santan ka dosh hota hai. yadi guru par do pap grahon ka prabhav ho tatha guru 4, 8, 12 ven bhav men ho ya nich rashi men ho tatha anshon men bhi nirbal ho to pitri dosh purn rup se ghatit hota hai. prastut janm kundli ke anusar pitri dosh dada pardada se chala a raha hai. lagnesh budh ashtam bhav men ketu ke sath pirit hai jiski navam drishti chaturth bhav par par rahi hai, guru ki pancham drishti hai. atah janm sthan pirit hai. rahu kutumb bhav men baitha hai atah jatak ka kutumb bhi nahin ban paya. ketu ki guru par dvadash bhav men pancham drishti hai. shani ki dasham drishti hai. pancham bhav par mangal ki ashtam drishti evan shani ki tisri drishti hai jo santan ke liye badhak hai. is kundli men spasht pitri dosh hai jo pardada se chala a raha hai. pardada ke ek larka tha. dada ke bhi ek hi larka, pita ke bhi ek hi larka, atah kisi bhi bap ko bete ka sukh nahin mila. samay se pahle pita chal basa.
pitri dosh ke sath-sath asadhya v ganbhir bimariyan pirhi dar pirhi chali a rahi hanai. shukra navam bhagya sthan men surya ke sath baitha hai jis par shani ki saptam drishti hai. surya shani donon vichchedi grah hanai atah parivar men stri sukh nahin mila. dev guru brihaspati surya ki sinh rashi men sthit hai jis par ketu ki pancham v shani ki dasham drishti hai. atah kundli gurujnon, brahmanon evan dev dosh se pirit hai. dvitiya bhav men pap grah ho, chaturth bhav men shani, rahu, mangal ho to jatak ke nivas men pret badha hoti hai. prastut kundli ke anusar pret badha nana ke samay se hi chali a rahi hai. lagnesh budh chathe bhav men mangal ki vrishchik rashi men hai. shashthesh mangal lagn men hai. budh mangal ka rashi parivartan hai jo jatak ke jivan men nanihal paksh se badhak hai. jatak ki umra 40 varsh ki ho jane ke bad bhi shadi nahin ho saki, avas bhi nahin bana paya, n hi parivar basa paya. yadyapi guru saptamesh dasham bhav men apni min rashi men hai kintu kutunb bhav ka svami chandrama jo mata ka karak hai evan shani ki kunbh rashi navam bhav men hai jiske sath rahu hai jo matri paksh ki pret badha darshata hai. tritiya bhav men ketu ke sath shukra hone se stri ke abhishap ka dyotak hai. surya, ketu v shukra ke tatva ko lekar dvitiya bhav men baitha hai.
jatak kutumb bhi nahin bana paya. chaturth bhav men shani ki upasthiti v mangal ki chaithi drishti matri paksh v matri bhumi ke kasht bata rahi hai. jatak ke nana ne apni patni ko bahut sataya jo tarp-tarap ke mar gai. marne se pahle kah gai ki manaine is ghar men sukh nahin paya to tere priyajan bhi sukh nahin bhogenge. nana ne dusri shadi kar li. jatak ki man ne janm liya, nani bhi vidhva ho gai. jatak ke janm ke bad man ki mrityu ho gai, jatak ke mama nahin tha. parijnon men keval jatak hai. nani ke shrap se pirit hone se jatak ki n to shadi hui n ghar basa paya. agar kisi jatak ki janm kundli men pitri dosh, dev dosh, matri dosh adi ho to dev rin, dev pujan, havan adi karm se chukta hai. rishi rin brahman, sant seva se nivritt hota hai. pitri dosh, bhrun hatya, bhram dosh adi ka upay karm kand dvara tarpan, shraddh evan pinddan karna hai. pita pitamah, mata, pitamhi, parpitamhi, parpitamah, parmatamah, matamah evan vriddh parmatamah ye nau devta hain, inke lie kiye jane vala shraddh navdevtak ya navdevatya kahlata hai. shraddh ka dusra nam kanagat bhi hai. skand puran ke anusar mahakal ne bataya hai ki pitri evan devtaon ki yoni aisi hai ki dur se kahi hui baten vo sun lete hain.
dur se ki hui puja stuti se bhi santusht ho jate hain. jaise manushya ka ahar ann hai, pashuon ka ghas hai vaise hi pitron ka ahar ann ka sar tatva hai. pitron ki shaktiyan gyanagamya hai jo shraddh men di hui vastuon ka saratatva hi grahan karte hain. dev yoni men ho to diye huye ann ko amrit ke rup men, manushya ya pashu yoni men ho to trin ya ghas ke rup men, nag yoni men ho to vayu ke rup men, yaksh yoni men ho to pan ke rup men grahan karte hain. ashvin mas ke krishn paksh men yamraj sabhi pitron ko svatantra kar dete hain taki vo apni santan ya parijnon se shraddh ke nimitt bhojan grahan kar len. shraddh chintamni granth anusar kisi mrit atma ka tin varshon tak shraddh karm nahin kiya jay to vah jivatma pret yoni men chali jati hai jo tamoguni, rajoguni evan satoguni hoti hai. prithvi par nivas karne vali atmaen tamoguni, akash men rahne vali atmaen rajoguni, vayumandal men rahne vali atmaen satoguni hoti hain.
inki mukti ke lie shastron men tripindi shraddh karne ka vidhan diya hai. shrapit dosh ke lie narayan bali, nagbli, karana chahie. bali se abhipray ate ki murti, haldi ya kesar milakar banayen, puja kar nadi men pravahit karen. pitri doshon ka nivaran yug tirthon gaya, prayag, pushkar, kurukshetra, haridvar, badridham jaise punya sthanon par jakar kiya ja sakta hai. shastron ke anusar pitri shanti ke liye dashansh arthat ay ka dasvan bhag kharch karne ka pravdhan hai. jo jatak samarth nahin ho unke dvara nadi ke kinare kisi prachin shivalay men kiya ja sakta hai. pinddan shraddh ka adhikar putra ko diya gaya hai. putra hone par pita lokon ko jit leta hai. pautra hone par anantay ko prapt hota hai. prapautra hone par surya lok ko prapt kar leta hai. raja bhagirath dvara tapasya se ganga man ka avataran bhumi par pitron ki mukti ke lie hi kiya gaya tha. pitri shanti ke lie shrimad bhagavad gita ka gyarhvan adhyay pathn-pathan karne se moksh prapt hota hai.