janm evan mrityu donon atal satya hanai. gita men bhi kaha gaya hai ki janm lene valane ki mrityu evan mrityu ko prapt karne valon ka janm nishchit hai- jab tak ki use moksh ki prapti n ho jae.
is sansar men aisa koi parivar nahin hoga jismen kisi ki akal mrityu ya akasmik durghatana se mrityu nahin hui ho. purva janm ke karmon ke anusar in atmaon ka janm hota hai. janm lene se purva tak inhen sab kuch yad rahta hai.
janm lene se purva ye atmaen apne kshetra vishesh par mandrati rahti hain jo khush hone par kisi ko labhanvit bhi kar sakti hain aur nakhush hone par parivar ko ujarne men bhi der nahin kartin.
bhartiya darshan ke anusar pita ka liya karj putra ko chukana parta hai. isi prakar apne purvajon dva ara kie gae karmon ka kuch bhog to pratyek jatak ko karna hi parta hai. purvajon ko khush rahne hetu hindu dharm men shraddh, tarpan ki manyata bhi hai. shraddhadi karne ke pashchat jatak ko atm santushti evan uttarottar pragti prapt hoti rahti hai.
aj kuch log is karm ko bhramak batate hain lekin unke dvara bhi majburi men hi sahi jab yah karm uchit vidhi vidhan se sanpann kar liya jata hai to unka vishvas bhi atal hota jata hai. manav tin gunon rajogun, tamogun v satogun se milakar bana hai.
usmen jis gun ki pradhanta hoti hai usi gun ke anusar uski shraddha bhakti bhi kendrit rahti hai. inmen se satogun pradhan log devi devtaon men asim shraddha rakhakar upasna karte hain to rajogun pradhan yaksh par purn vishvas rakhte hain jabki tamoguni log bhut pret evan mrit atma par astha rakhakar unke karm karte hain evan jivan ko unke sahyog se ujjval banane ki koshish karte hain.
pretatmaen kisi stri ya purush ke sharir men pravesh kar bhi apni ichchaon ki purti karti rahti hain to rusht ho jane par unka ahit bhi kar deti hain. ye pretatmaen adhikatar chaya rup men apne as pas mandrati rahti hain lekin kuch pretatmaen kuch samay hetu sthul rup bhi dharan kar leti hanai.
kahte hain, aur yah satya bhi hai, ki aisi atma ka darshan kuch logon ko hota rahta hai. krishn paksh evan svachchata ke abhav ki sthiti men inka jor rahta hai. pitri dosh ke karan jatak ki arthik sthiti kharab rahti hai, lagatar kathin mehanat karne ke bavjud use kahin labh dikhai nahin deta.
suvidhaen yadi mil bhi jaen to hamesha man men anhoni ki ashanka rahti hai. achche vyavhar ke bavjud duvryavhar ka samna karna parta hai. is dosh ke karan naukri men bhi bar-bar pareshaniyon, parivar men hamesha bimari, vivah men rukavat adi ki sthiti bani rahti hai.
jyotish men navagrahon ko adhar manakar purva janm evan vartaman janm ke bare men bhavishyavani karte hain. navagrahon men brihaspati akash tatva to shani vayu tatva ka pratinidhitva karta hai jabki rahu chunbkiya kshetra ka, surya pita ka, chandra mata ka, shukra patni ka aur mangal bhai ka pratinidhitav karta hai.
rahu ek chaya grah hai aur pretatmaen bhi chaya rup men hi vidyaman rahti hain. atah kundli m ne rah u ki sthiti kisi dosh ka nirdharan karne men mahatvapurn hai. yadi rahu surya ke sath yuti kare to surya ko grahan lagega. aise men surya ke pita ka karak hone ke karan pitri dosh hota hai. surya v chandra ke sath rahu ki yuti bhi pitri dosh ka nirman karti hai.
pitri dosh ke kuch pramukh yog : lagn v lagnesh ka kamjor hokar sthit hona. nich lagnesh ke sath rahu evan shani ka yuti aur drishti sanbandh ho to kundli pitri dosh se grast mani jati hai. chandra lagn v chandra lagnesh, surya lagn v surya lagnesh par jab rahu, shani v ketu ka papi prabhav ho to pitri dosh hota hai.
isse prabhavit jatak mirgi, unmad aur bhram se grast hota hai ya uski pravritti sankochi hoti hai. chandra lagnesh v surya lagnesh nich rashi men sthit hon aur lagn men ya lagnesh ke sath yuti ya drishti sanbandh banate hon aur us par rahu, shani, mangal v ketu ka papi prabhav ho to pitri dosh ki sthiti banti hai.
shani ashubh bhavesh hokar chandra se yuti ya drishti sanbandh banae ya chandra shani ke nakshatra ya uski rashi men ho to bhi pitri dosh hota hai. shani ka chandra ke nakshatra ya rashi men sthit hona bhi pitri dosh ka suchak hai. lagnesh ka trik bhavon men trikeshon ke sath hona ya trikeshon ke drishti prabhav men hona, lagnesh ka trikeshon ke nakshatra men sthit hona, trikeshon ka kisi bhi prakar se lagn, lagnesh ko prabhavit karna ye sabhi yog pitridosh ke suchak hain.
yadi lagnesh nich rashi ya nich navansh men ho to pitri dosh vishesh prabhavi hota hai. lagnesh kundli men shatru rashi men nirbal hokar sthit ho aur shani, rahu, ketu v mangal ke pap kartari prabhav men ho aur chandra v surya trik bhav men ya trikeshon ke sath sthit hon to pitri dosh hota hai. kundli men lagn men guru nich rashi men sthit hokar papi grahon ke prabhav men ho, nich navansh men hokar papi grahon ke prabhav men ho ya trikeshon ka us par yuti ya drishti prabhav par raha ho to jatak pitri dosh se pirit hota hai.
janm kundli men brihaspati nich rashi, nich navansh men shashth ya ashtam bhav men sthit ho aur brihaspati lagnesh, chandra lagnesh ya surya lagnesh ho to pitri dosh hota hai. is par papi grahon ka prabhav bhi ho to jatak purnataya pitridosh se grast hota hai. use jivan men sharirik, arthik evan mansik samasyaon ka pag-pag par samna karna parta hai.
kundli men dvadash bhav men lagnesh nich rashi men ya nichasth brihaspati ke sath sthit ho to jatak ko pretatmaon ka shikar hona par sakta hai. yadi us par rahu v shani ka ashubh prabhav bhi ho to jatak ko nich sangti ke karan ya galat khan pan ke karan vishesh pareshaniyan ati rahti hain. vah vyasnon se grast rahta hai aur us par pitri dosh bhi apna prabhav dalta rahta hai.
kundli men shani lagn men sthit ho evan lagnesh par rahu v ketu ka prabhav ho aur chandra v surya nich rashi ya nich navansh men sthit hon to jatak par pitri dosh ka prabhav rahta hai. aise log mansik rup se pareshan evan ratri men vishesh taur par vyathit rahte hain.
kundli men dvitiya bhav se parivar, pancham se isht, navam se bhagya evan dvadash se marnottar gati ka vichar kiya jata hai. jab in bhavon ke karkon v bhaveshon par ashubh papi grahon ka prabhav ho, bhav karak v bhavesh donon nirbal, astangat hon evan ketu bhi in par nich rashi men hokar prabhav dal raha ho to jatak pitri dosh se grast hota hai.
kundli men rahu evan shani donon kisi bhi prakar se ek dusre ko prabhavit karte hon aur lagn v lagnesh men se bhi kisi ko yadi inmen se koi prabhavit kare to jatak pitridosh se pirit hota hai. navam bhav men brihaspati v shukra ki yuti evan dasham men chandra par shani v ketu ka prabhav ho to jatak pitri dosh se pirit hota hai.
kundli men shukra ka rahu ya shani v mangal dva ara pirit hona bhi pitridosh ka suchak hai. pancham bhav men surya tula rashi evan makar kunbh navansh men ho aur pancham bhav pap kartari prabhav men ho to pitri dosh se santan hani hoti hai. pancham men sinh rashi ho, pancham ya navam bhav men papi grah ho v surya bhi papi grahon se yut ya drisht ho to pitri dosh ke karan santan hani hoti hai.
lagn v pancham bhav men surya v mangal sthit hon aur shani bhi inse yuti kare tatha rahu v brihaspati ki yuti ashtam ya dvadash men ho ya dashmesh panchmesh pancham dasham ho v lagn pancham par shani, rahu v mangal ka kisi bhi prakar se prabhav ho to jatak pitri dosh se grast hota hai.
jatak ke santan ya to hoti nahin ya alp ayu vali hoti hai. lagnesh nich rashi, nich navansh ya shatru rashi men panchamasth ho, panchmesh v surya ki yuti ho, lagn v pancham donon bhavon par papi grahon ka prabhav ho to jatak ko pitri dosh ke karan santan nahin hoti.
if you are facing any type of problems in your life you can consult with astrologer in delhi