bharatavarsh ke sanatan devi-devtaon men vighnaharta mangldata ganesh ko pratham pujniya dev ke rup men svikar kiya gaya hai. prayah pratyek dharmagranthon, pura-sahityon v kavya kritiyon men inka prarambhik gungan samaj men ganesh ki pratishtha prabhvishnu ko rekhankit karta hai. ganesh ki dharna shiv shakti putra ke rup men ki jati hai arthat inhen param tatva ke nirpeksh evan gatyatmak donon rup men samjha jata hai. dharmashastron men varnit bhagvan jin anant nitya chinmay panch rupon men (panch devta) hamare samajik sanskaron men pramukhta ke sath pujit hote hain unmen shri ganesh ji ki mahima jagat prasiddh hai. pujn-darshan, bhajn-archan v jap-tap ke alava shri ganpti ki sannidhya santti ka ek karm shri ganesh sahastra nam ka shravan v vachan bhi hai jinke sabhi hajar nam shri ganesh ji ki lila v rup svarup ka spasht vyakhyan karte hain. gyatavya hai ki shri ganesh sahastranam ke 11 nam shraddh, tarpan v pinddan ki prakhyat nagri gaya se purnataya sambaddh hain isi karan gaya tirth ko shri ganesh ki adi bhumi kaha gaya hai. shrignesh sahastranam ke jo 11 nam gaya se sambandhit hain unka kramanusar ullekh nimn prakar hai: 687- un gayasur shirachchetre namah 688- un gayasur varapraday namah 689- un gaya vasay namah 690- un gayasur namam namah 691- un gayavasin namastakritay namah 692 un- gaya tirth faladhyakshay namah 693 un- gaya yatra fal praday namah 694 un- gaya mayay namah 695 un- gaya kshetray namah 696 un- gayakshetra nivaskrite namah 697 un- gayavasi stutay namah shri ganesh sahastranam men varnit gaya tirth se jude in 11 namon ke adhyayan anushilan se spasht hota hai ki yugon-yugon se abad rahe gaya tirth ka shri ganpti se anyonyashray sambandh hai. sampurn bhartiya tirthon men gaya ko pitritirth kaha gaya hai aur niti shastra ke vakyanurup ‘sayan mata pita gyanan’ pita ke gyan ke svarup mane gaye hain. atah buddhi gyan ke devta ganesh gaya ke adi dev ke rup men adi anadi kal se pujit hain. mandiron ki nagri gaya men shri ganesh ke aise kitne hi prachya sthan hain jinka gaya athva bihar men hi nahin bahar men bhi sunam hai. gaya ke triparvaton men ek shri ramshila parvat ke padkhand men ramkund ke thik samne virajman ramshila thakurbadi mandir men manuga ke ganesh ji ki anuthi pratima hai jiska ullekh kitne hi kritiyon men hua hai. iske alava mangleshvar ganesh, panch ganesh, gauri-ganesh, eklingi-ganesh, tantrik ganesh, siddhi vinayak, kotishvar-ganesh, vageshvari ke ganesh, bhairosthan ke ganesh, shri santan ganpti, bal ganpti, suryakund ke ganesh, brahmani ghat ke ganesh, manokamna mandir ke ganesh, godavri kashi khand ke ganesh adi gaya ke prachin ganpti pujan sthal hain. is sandarbh men magadh sanskritik kendra sah gaya sangrahalay men pradarshit shilastambh ke ganesh ka varnan avashyak ho jata hai jiski sanprapti 40 ke dashak men chaik kshetra se hui thi. itihas gavah hai ki yugpita brahma ne jab srishti ke safal sanchalnarth gayasur ke pavitratam sharir par yagya kiya uski shuruat ganpti ne apne ekadash rupon ke sath ki ho isi karan vidvanon ka varg 11 namon ki inhin 11 rupon ka spasht darshan svikarte hain. vivaran milta hai ki ganpti ki adi bhumi is kaliyug me ratnasarpur hai jiske paitrik ratn men gaya ka pramukh sthan hai atah gaya ka sambandh ganesh se svatah siddh ho jata hai. gayagjo gayadityon gayatri ch gadadhrah . gaya gayashirashchev shat gaya muktidayika.. (vayu. 112/60) arthat gaya ke chah mukti dayak tatvon men gayagaj pratham sthan par asin hai jiska sambandh ganpti se joda jata hai. gaya men avasthit vishva prasiddh palan pith mata mangla gauri ke divya mantra ‘un man un’ men pratham un ka ashay ganpti se hi hai. yahi karan hai ki yahan unkar svarup ganesh vidyaman hain. aj bhi gaya tirth ka pradhan karm kritya shraddh pindadan men bhi ganpti ke pratham pujan ka vidhan hai aur to aur gaya tirth ke mul vipra gayapal bhi ganpti ke prachya upaskon men ek hain. gaya tirth ke chaturdik virajman dharmik, aitihasik v puratatva sthalon kauadol parvat par ganesh ka ankan men bhi ganesh ke utkrisht v durlabh mutrt shilp ke darshan hote hain. in sthalon men kanvar, kali kankali, agandha, monk, dubba, rauna, devkli, dhuriyanva, kanausi, guneri, dabur, kurkihar, makpa, neuri, vati, paluhad, utren pali rajan, konchi, salera, men, vishunpur, dema v gulriya chak ka nam liya ja sakta hai. sachmuch gaya ki bhumi gyan ki bhumi hai, buddhi ki bhumi hai, siddhi ki bhumi hai jiski dharmanurup parampara ati prachya kal se drishtigat hai. atah riddhi-siddhi ke data ganesh se gaya ka nam svatah jud jata hai. astu! upar varnit tathya spasht karte hain ki gaya gauri ke lal, shivanandan svami ganesh se abhinn rup se juda hai jo pitri shraddh ke lie dur desh tak prasiddh hai aur is bar yahan pitri paksh mele ki shuruat vishvakarma puja ke din se arthat 17 sitambar se ho rahi hai.
Kya aapko lekh pasand aaya?
Subscribe