aj ke yug men jivan ko sthayi v sudrirh dhang se jine ke lie dhan ka hona bara mahatva rakhta hai. bina dhan ke is yug men jine ki kalpana tak ap nahin kar sakte. dhan prapt karne ke lie ap ke pas sthayi rojgar ya naukri hona atyant mahatvapurn hai. bina sthayi rojgar ya naukri ke ap apne jivan v parivar ka palan poshan thik dhang se nahin kar sakte kintu is pratispardha ke yug men sthayi rojgar v naukri mil pana bara hi kathin karya ho gaya hai aur insan pratidin inhin samasyaon se ghira rahta hai. agar apke sath bhi rojgar v naukri sanbandhi koi samasya utpann ho rahi hai to ap kya karen? jyotish shastra ke dvara janane naukri v rojgar ki samasya ke kya karan hain? pahle ham yah janne ki koshish karenge ki naukri v rojgar men agar ap kisi samasya ka samna kar rahe hain to ap apni kundli se kaise jan sakte hain. pratyek kundli men shani grah ka bahut mahatva hai. shani hamare karmachakra ko prabhavit karta hai aur iska fal bhi shani hi deta hai.
karm ke har mamle men shani mahatvapurn bhumika nibhata hai. kundli men shani ki sthiti kharab hone ki vajah se rojgar v naukri men utar-charhav, rukavten v kai tarah ki samasyaon ka samna karna parta hai. agar apko naukri v rojgar nahin mil raha ho to kya karen? shukravar ki rat ko kale chane pani men bhigo len aur shanivar ki subah ise sarson ke tel men pakayane. ismen kisi kism ka masala v namak n dalen keval tel men hi pakayen aur ise kisi pashu ko khilayen. ise lagatar har shanivar karte rahane, nishchit hi apko naukri v rojgar milne ke raste khulenge. apke pas naukri v sthayi rojgar to hai parantu vah apki yogyata ke anurup nahin hai.
ap apni yogyata ke anurup naukri v rojgar chahte hain to kya karen? stil ya lohe ki katori men sarsane ka tel dalen v bayen hath ki madhyama ungli men dalakar 10 minat tak ‘‘un shan shanaishcharay namah’ ka jap karen v usi tel se ekmukhi dipak pipal ke per ke niche jalayen v pipal ki parikrama karte hue man hi man achchi naukri v rojgar ki kamna karen. jaldi hi apki manokamna purn hogi. apke pas achchi naukri ya sthayi rojgar to hai kintu usmen tarakki nahin ho pa rahi ho to kya karen? pratidin kisi bhi per ke niche chitiyon ko ata dalen aur apne ghar ya vyavsay sthan ki chat par kauon ke lie roti dalen, avashya hi apke karobar v naukri men tarakki hogi.
apke pas naukri to achchi hai aur tarakki bhi barhiya ho rahi hai kintu jahan par naukri hai vah jagah apko pasand nahin hai. ap apne ghar ke pas ya apne manpsand shahar men naukri ka sthanantaran chahte hain to kya karen? ghar ki chaikhat par sarson ke tel ka dipak jalayen aur vahin khare ya baithakar shani chalisa ka path karen v man hi man apni manpsand jagah par sthanantaran pane ki cheshta karen. yah prakriya keval shanivar ko karen, apki manokamna avashya purn hogi. apke pas achchi naukri thi ap usse hath dho baithe hon ya nikale gaye hon ya apka karobar band par gaya ho to kya karen? shanivar ko pipal ke per ke niche chaimukhi dipak jalayen v vahin baithakar ya khare hokar ek mala ‘un shan shanaishcharay namah ka jap karen aur 19 bar pipal ki parikrama karane v man hi man naukri v karobar ko sthayi banane ki kamna karen. avashya hi apki manokamna purn hogi.