pipal pujya evan gunon ki khan  

pipal hindu dharm ka pujya vriksh mana jata hai. jaise devtaon men anek gun hote hain vaise hi pipal ka vriksh bhi gunon ki khan hai islie pipal vriksh ki puja vaise hi hoti hai jaise kisi devta ki. pipal ke patton, shakhaon, chal evan jad men tivra gati se karya karne ki shakti hoti hai. vidvanon ne pipal ke devatva gunon ki pahchan kar iska pura labh uthaya hai aur samaj ko pipal ke gunon se svayan ke svasth rahne ka marg bataya hai.

pipal ke gunon ka varnan hindu dharma-granthon, ayurved granthon aur vanaspati vigyan granthon men spasht likha hai. vanaspatiyon men ek pipal ka vriksh hi aisa vriksh hai jo din aur rat donon samay arthat 24 ghante pran-vayu (aeksijn) pradan karta hai jabki anya sabhi ped-paudhe din men aeksijan tatha ratri men karban dai aeksaid chodte hain. isi karan is dev vriksh ki suraksha ke prabandh kiye gaye aur ise pujya bana diya gaya taki ise koi kshati n pahanuchae. hindu dharm ke log ise kabhi pujya evan gunon ki khan nahin katte aur ukhadte. ek pipal ka vriksh apne as-pas ke do-tin ki.mi. kshetra ko pran-vayu dene men saksham hota hai. vah hajaron ghan fut shuddh vayu ka prasaran karta rahta hai. jo log is tathya se parichit hain vah pipal ke vriksh ko devta mante hain aur adar samman evan puja karte hain.

bhagvan shri krishn ne pipal vriksh ki mahima karte gita men kaha hai- ‘‘sab vrikshon men uttam aur divya gunon se sampann pipal main svayan hanu.’’

iska sidha sa arth hai ki jitna samman log bhagvan shri krishn ko dete hain utna hi samman unhen pipal ko dena chahie. isi bhav tatha vichar ko dhyan men rakhakar vidyalyon, mandiron, parkon adi men pipal vriksh lagate hain.

vedon men bhi pipal ke gunon ka varnan anek sthanon par kiya gaya hai jahan yah vriksh hota hai. vahan pran-vayu hamesha rahti hai. pipal ki chanv pran-vayu pradan karti hai islie iske niche baithte hi nind ke sukhad jhonke ane lagte hain. yah vriksh jitna sahukar ko sukhdayi hai utna hi garib ko bhi sukh deta hai.

arthat pipal raja-rank donon ko hi ek drishti se dekh pran-vayu barabar deta hai.

pipal ka vriksh adhikatar divaron ke konon, niv ke as-pas, kabjon v dararon men ug ata hai iska karan yah hai ki iska bij aise hi dharti men nahin ug sakta. pipal ke ped ke niche pipal bij bikhre rahte hain jo kabutron ko bahut priya hain. kabutar in bijon ko bade chav se khata hai. bij kabutar ke pet men ankurit ho jata hai aur kabutar jahan par apni bit karta hai vahin par pipal ug jata hai kyonki kabutar aksar divaron ke konon tatha divaron par bit karta hai. islie yah adhikatar konon, ninvon, dararon men hi ugte hain. yahan se inhen ukhadakar bhi laga do to ug jata hai.

kai bar to aisa bhi dekhne men ata hai ki kisi dusre ped par pipal ka ped ug ata hai. uska karan bhi yahi hai ki kabutar dusre ped par bit kar aya to vahan bhi pipal ug aya.

pipal vriksh ki visheshtaen

1. yah vishaili vayu ko shuddh karta hai tatha pran-vayu ka sanchar karta hai.

2. dama aur ti.bi. ke rogiyon ke lie pipal amrit saman hai. pipal ke patton ki chay pine se rogon men aram hota hai. pipal ki chal ko sukhakar churn banakar shahad ke sath lene se bhi labh hota hai. jad ko pani men ubalakar snan karna chahie.

3. pipal ki chanv men baithne se thakavat dur hoti hai kyonki pipal ke patton se hokar niche ane vali kirnon men tailiya gun a jate hain.

4. pipal ka vriksh din-rat prakash deta hai. din ho ya rat pipal ke ped ke niche saghan andhkar kabhi dikhai nahin deta. pattiyon ke bich se din men surya ka aur rat men chandrama ka prakash chan-chan kar ata rahta hai.

5. pipal ke niche baithne se shital, mand-sugandhit vayu ke chalne par kuch patte taliyan bajate hain to kuch mithi-mithi dhvani nikalte hain jo kanon men pravesh karke vyakti ko halka nasha dete hain. isi karan vyakti anandit hokar so jata hai.

6. pipal ke patte, koplen, ful-fal, dali, chal evan jad sabhi amrit-ras ki varsha pradan karte hain. isi prakar pipal ki har ek chij vyakti ko buddhi-bal aur svasthya pradan karti hai, yahi amrit-ras hai.

7. pipal rog nashak, vishahar evan dirghayu pradan karne vala hai. atah bhagvan shiv ko yah vriksh bahut pasand hai.

8. pipal men bhagvan shiv jaise gun paye jate hain jo vish pikar logon ko amrit pradan karne vale hain. pipal aur shiv ka sangam hamare desh men hajaron varsh purva se chala a raha hai.

ayurvedik gun

rishi charak ne apne granth men likha hai ki ‘‘yadi vyakti men napunskta ka dosh hai aur vah apni patni se santan utpann karne men asamarth hai to use pipal ki jata ko ubalakar uska kvath pina chahie. pipal ki jad tatha jata men purushatva badhane ke gun vidyaman hain.

sabhi prakar ki davaon ka nirman jadi-butiyon, falon, patton, chalon evan rason se hota hai. unke banane men der lagti hai. us par nirmit dava prayog karne ke bad bhi parhej karna padta hai kintu pipal vriksh ‘ashutosh’ hai. ashu ka arth hai santushti aur tosh ka arth hai shighra pradan karna. arthat shighra santushti pradan karna. pipal ka vriksh bina kisi lag-lapet ke shighra hi purn labh pahunchata hai.

striyon-purushon donon ko pipal ke patton ki chal ka sevan karna chahie. ye donon chijen putra pradan karne vali hai. sukhi kokh ko hari karne vali hai.

charm vikar jaise kushth, fode-funsi, dad khaj aur khujli ko nasht karne vala hai. pipal ki chal ghisakar charm rogon par lagane se tvacha ko labh hota hai. kushth rogon men pipal ke patton ko pisakar kushth sthan par lagaya jata hai. patton ka jal sevan kiya jata hai. ayurved granthon men aisa kaha gaya hai ki pipal ke vriksh ke niche do tin ghante pratidin niyamit rup se ruk kar asan lagakar baithne se har prakar ke tvacha rogon men labh hota hai.

rogon men pipal ka upchar pet dard

pipal ki chal ka churn, ajvayan ka churn, hineg evan khana soda sabki uchit matra lekar fanken aur upar se pani pi len. pipal ke patton ka ras, mangre ke patton ka ras, kala namak sabko milakar sevan karen.

bavasir

pipal ke patton ka ras 10 gram, amrbel ka ras 50 gram, 8-10 kali mirchonn ka churn mila ghotakar din bhar men tin bar pi len. yah dava vadi aur khuni donon bavasiron me labhdayak hai.

kabj

pipal ke sukhe patton ka churn, shahad men milakar sevan karne se kabj khul jata hai.

khansi

ek chammach pisi haldi tatha ek chammach pipal ki sukhi pisi chal ka churn milakar shahad ke sath sevan karen.

pipal ke falon ka churn, fulaya hua suhaga men shahad milakar chaten. dama pipal ki chal men shahad milakar subh-sham sevan karen.

chakkar ana

pipal ke falon ka churn 6 gram dudh ke sath sote samay sevan karen.

jiv-jantu ka katna (bichchu) tataiya, madhumakkakhi, makdi adi)

pipal ki chal ko pani men ghisakar dank lagne ya kate jane vale sthan par lagaen.

nim ki chal, pipal ki chal donon ko alg-alag pani men ghisakar mila len aur kate jane vali jagah par lagaen labh hoga.

iske alava yah apach, ajirn, khaj-khujli, foda, funsi, kil-muhanse, chakkar ana, sir dard, kamar dard adi rogon men bhi labhdayak hai.