fyuchar samachar ke is ank ke sath muft uphar shitlta pradayak asli moti diya ja raha hai. moti ek pranij ratn hai. yah dekhne men jitna sundar hota hai, usse kahin jyada yah man, buddhi evan vani ko sundar banata hai. varahmihir ne brihatsanhita men yah spasht kiya hai ki moti ki utpatti raja bali ke manastatva se hui hai. yah chandra ka ratn mana jata hai.
chandrama kyonki man ka svami hai, atah yah man ko sarvadhik prabhavit karta hai. moti chandra ki mahadsha men vishesh faldayi mana gaya hai. ise gale men, bhuja men athva dayen hath ki kanishtha men dharan karna shubh mana jata hai.
upyog vidhi: kisi bhi somvar ko subah snan kar ke, moti ko gay ke kachche dudh evan ganga jal men dho kar, sukshm puja kar ke dharan karna chahie. yadi iska nirman athva dharan somvar ko kiya jae to adhik labh milta hai. yah mesh, kark, kanya, tula, vrishchik, min lagn ke jatkon ko adhik labh deta hai. moti ko chandi men dharan karna adhik shubh hai. dharan karne se purva chandra mantra ki ek mala jap kar ke dharan karne se chandrama ki tushti hoti hai.
labh:
- moti ko chandi ke laeket men gale men dharan karne se man-buddhi ka vikas hota hai tatha vani men mriduta ati hai.
- chota bachcha adhik chanchal athva mand buddhi ka hone se chandi ke chandra men moti ko lagva kar somvar ko pratah dharan karne se labh hota hai.
- mesh lagn ke jatak ko moti mansik shanti, matrisukh, vidya labh evan bhumi ka labh karata hai.
- kark lagn ke jatak ko ajivan svasthya raksha, ayuvriddhi evan dhan ka labh karata hai.
- kanya lagn ke jatak ko chandra ki mahadsha men moti dharan karne se arthik labh, santan sukh evan yash prapt hote hain.
- tula lagn ke jatak ko moti dharan karne se rajkripa, yash, pratishtha evan vyavsay men unnati prapt hote hain.
- vrishchik lagn ke jatak ko moti dharan karne se dharm, karm evan bhagya ki vriddhi, yash evan pita ka sukh prapt hote hain.
- min lagn ke jatak ko moti dharan karne se vidya labh, gyan labh, putra sukh evan yash prapt hote hain.
- jin jatkon ko apni lagn v kundli agyat hoti hai, unhen moti dharan karne se man ki shanti, prasannata prapt hoti hain tatha nidra ki bimari men labh hota hai.
- jis bachche ko daravne sapne ate hon athva bachcha sote samay achanak chaink kar rone lagta ho, uske gale men chandrayukt moti, somvar ko nirmit kar ke, safed dhage men piro kar, gale men dharan karva kar, sava kilo chaval men ghi laga kar bachche ke sir ke charon or sat bar utar kar shiv mandir men dan karne se labh hota hai.
- dharan ke pashchat yadi kabhi bhi moti ashuddh ho jae to punah gay ke dudh men dho kar, chandra ka mantra 108 bar jap kar ke punah dharan karna chahie.
chandrama ka jap mantra: ¬ shrran shrrin shrraun sah chandramse namah. dan evan namaskar mantra: dadhi-shankh tusharabhan, kshirodarnavasannibham. namami shashinan soman, shambhormukut bhushanam..