fyuchar paeint evan a. bha. jyotish sanstha sangh ke adhyaksh shri arun bansal ke pujyapad shri chachaji pyarelal bansal ka svargavas 93 varsh ki dirghayu men 26 agast 2011 ko ho gaya. chachaji bansal parivar ke param shraddhey, pujyaniya tatha sarvasva gururup hi the. kahna n hoga ki hamare chachaji vilakshan jivanmukt mahapurush the. san 1990 se hi mujhe unke darshan evan satsang ka avasar milta raha.
2003 se lagatar unke brahmalin hone ke kuch samay purva tak prayah nitya nirantar unka murtiman satsang mere sath hota raha. ve gyanmargi the. brahmanubhuti unko ho chuki thi. prayah ve udghosh bhi karte ki main brahm hun. ek bar unhonne mujhe batlaya tha ki jab mujhe bhagvan ka prakash hua tha to mainne ek hi ichcha prakat ki thi ki main kuch din jivan rakhakar is gyan ka labh jan-jan ko dun.
vah ichcha svatah svabhavik ishvar ki kripa se purn huyi. itne lanbe jivan men prayah ve purn svasth hi rahe. antim samay men bhi unki gajab ki atmanishtha dekhne ka avasar mila aur unko koi vishesh sharirik kasht ki anubhuti nahin hui. chachaji satat brahmacharcha -satsang men nirat rahte the. ve svayan to atmanishth the hi dusron ke liye bhi atmanishtha drirh karne ka prayatn karte rahte the. kai bar jab unse mera milan hota to vedant ke gurh siddhanton par vichar hua karta tha.
tyag-vairagya par unka bahut jor tha. vastav men svayan to ve vairagya ki jivant murti hi the. chachaji mul nivasi aligarh janapad ke jamon gram ke the. unke dvara ganv ka vikas bhi bahut hua. unke satsankalp se ganv men bhavya mandir ka nirman bhi hua. ek vidyalay bhi unki hi prerna evan unke parivarik sahyog se chal raha hai jismen hajarean vidyarthi niahshulk vidya grahan kar rahe hain. chachaji ke ganv ke anek logon tatha parivarjnon ko bhi unki adhyatmik shakti ka chamatkar anubhav hua.
kai bar jab bansal parivar par anayas kasht aya to unki shakti ka anubhav hua aur parivarijan kashton se mukt bhi ho gaye. par meri drishti men to unka sabse bara chamatkar yah tha ki ve sabhi se prem karte the. sabhi ko apna mante the. sabki yathesht sahayta karne ko tatpar rahte the. apne sharir ke vastra se lekar koi bhi vastu kisi ko bhi uthakar de sakte the. kisi bhi vastu men unki spriha nahin thi. sadgi unke jivan men har pal prakat hoti thi.
chachaji nirantar svadhyay rat rahte the. prayah nitya hi ve mujhse ek navin pustak le jate. gitaji tatha ramayan men unka apar prem dekha. upnishdon ka bhi unhonne khub adhyayan kiya tha jo unki vedantacharcha men bhi prernaspad hota tha. varshon ke nirantar satsang, vatrtalap ke bad unke brahmalin hone ke pashchat unka smaran mujhe pavitrata ki anubhuti karata hai. jahan unki shraddha, priti, sneh ka anek bar anubhav hua vahin unki atmiyata man ko mohit karne vali thi.
mujhe vishvas hai ki chachaji ki brahmashakti unke brahmalin hone ke uprant bhi unke atmiyajnon, parivarjnon ko anubhav hogi tatha unki anuthi kripa jo log unke samaksh anubhav karte the chirkalaparyant apne jivan men anubhav karte rahenge. main apni guru paranpra ka smaran karte huye pujyapad chachaji ko bari vinamra shraddhanjli arpit karta hun. vah gyan, prem aur vairagya ki mutrti ab jivan men kahan dekhne ko milegi?