hindu parvo ki ganna vistrit rup men dharmashastron men jaise dharm sindhu v nirnay sindhu adi granthon men di gai hai lekin fir bhi farvri mah men mahashivratri do tarikhon men manai gai. karan yah tha ki lakhnau se purva men suryoday adi pahle hone ke karan ganna ek thi v uske pashchim men dusri. mukhya parvo ki ganna ek ho iske lie avashyak hai ki sabhi vidvanagan milakar pratyek parva ke lie ek sthan nishchit karen jahan par vah mukhya rup se manaya jata hai. isi sthan se fir parva ki ganna kar bhram dur ho sakega.
kampyutar dvara ganna to satik ho sakti hai lekin ganna ke adhar purn rup se nishchit hone chahie. is lekh ke madhyam se kuch mukhya parvo ke sthan nishchit karne ki disha men ham ek kadam uthane ja rahe hain. kaun se parva ke lie kaun sa sthan chayan karna chahie karan sahit ullekh kiya ja raha hai.
isi kram men 7-8 aprail ko ujjain men bhi sammelan men ek satra nirdharit kiya gaya hai.
magh snan: yah parva magh mah men manaya jata hai. is din ganga nadi men snan karne ka mahatmya mana gaya hai aur ganga nadi himalay se lekar kolkata tak bahti hai. parantu kashai ko sabse bara tirthasthan mana gaya hai islie magh snan ke lie varansi (kashi) ko hi adhar mana jana chahie.
lohri: makar sankranti ke pahle din yah parva manaya jata hai. yah tyauhar panjab men visheshakar manaya jata hai aur amritasar ko pramukh sthan mana gaya hai kyonki panjab ke logon ka sabse mahatvapurn tirthasthal svarn mandir amritasar men hi hai.
makar sankranti: nirayan paddhati ke adhar par surya makar rashi men jis din pravesh karta hai us din makar sankranti manayi jati hai aur yah parva ganga snan se sanbandhit hone ke karan iske pramukh sthal kashi, varansi iska adhar sthal hai.
basant panchmi: purvahn vyapini magh shukla panchmi ke din basant panchmi ka parva manaya jata hai. yah panjab rajya ka pramukh parva hai aur amritasar iska pramukh sthan hai.
mahashivratri: nishith vyapini falgun krishn chaturdashi ko manaya jata hai. atah shivji ke tirthasthal kailash mansrovar iska adhar sthal hona chahie.
holika dahan evan dhulaindi: pradosh vyapini falgun purnima ke din holika dahan kiya jata hai evan agle din holi kheli jati hai. barsana (mathura) ki holi prasiddh hai. islie holika dahan aur dhulaindi parva ke lie mathura ko hi adhar mana gaya hai.
chaitriya navratra: suryodykalin chaitra shukla pratipda se navratra praranbh hokar chaitra shukla navmi tak chaitriya navratra hote hain. yah parva uttar bharat men mukhya rup se mana jata hai aur man durga ka sabse mahatvapurn mandir evan tirthasthan vaishn aodvi mandir mana gaya hai jo ki jammu kashmir men sthit hai islie yahi uchit sthan hai.
ramnvmi: madhyahn vyapini chaitra shukla navmi ke din ramnvmi ka parva manaya jata hai aur yah bhagvan shriram ke janmasthan ayodhya men hua tha. islie ayodhya hi uchit sthan hai.
hanuman jayanti: yah parva uttar aur dakshin bharat men alg-alag tithiyon par manaya jata hai. uttar bharat men chaitra shukla purnima ke din tatha dakshin bharat men madhya ratrikal men kartik krishn chaturdashi ko manate hain.
shastron ke anusar bhagvan hanuman ji ka janm sthan ajnera hils ki pahariyon men hai jo ki maharashtra ke nasik jile men sthit hain. atah is parva ke lie nasik (maharashtra) uchit sthan hoga.
baishakhi: mesh sankranti ke din mukhya rup se panjab men baishakhi manayi jati hai. iske liye panjab ke anandpur sahab, rudranagar ko adhar mana jana chahie.
akshay tritiya: purvahn vyapini vaishakh shukla tritiya ko manate hain. is din ganga snan ka mahatva hai atah kashi, varansi ko adhar mana jana chahie.
ganga dashhra/nirjala ekadshi: purvahn vyapini jyeshth shukla dashmi ke din ganga dashhra evan suryodykalin ekadshi ke din nirjala ekadshi ka parva manate hain. in donon parvo ka kashi se sanbandh hai atah varansi in parvo ka adhar hona chahie.
devshyn/devaprabodhini ekadshi: suryodykalin asharh shukla ekadshi ko devashayan ekadshi aur kartik shukla ekadshi ke din devaprabodhini ekadshi manayi jati hai. devtaon men vishnu ji ka pramukh sthal badrinath mandir hai. atah in parvo ke lie badrinath dham ko adhar sthal manna chahie.
guru purnima: trimuhurt vyapini ki asharh purnima ko guru purnima manayi jati hai aur shastron men iska sanbandh varan asi ke sarnath mandir se hone ke karan isi ko parva nirnay ka adhar mana jana chahie.
hariyali tij: tijon ka yah parva uttar bharat men shravan shukla tritiya ko manaya jata hai aur rajasthan men pramukh rup se manaye jane ke karan iski rajdhani jaypur ko parva nirnay ka sthal mana jana chahie.
janmashtami: bhadrapad krishn paksh ki ashtami ko madhyaratri rahini nakshatra men yah parva manate hain aur shrikrishn ji ka janmasthal mathura hone ke karan yahi is parva ka nirnay sthal hoga.
ganesh chaturthi (ganpti sthapna): madhyahn vyapini bhadrapad shukla paksh ki chaturthi men ganpti sthapna ka parva maharashtra ke munbai shahar men pramukh rup se manaya jata hai. atah yahi uchit sthal hoga.
radhashtami: aprahnakalin bhadrapad shukla ashtami ke din yah parva hota hai. radha ji ka sanbandh hadasar chanba, m.pra. se hone ke karan is parva ka adhar vahi hona chahie.
anant chaturdashi: dvimuhurt vyapini bhadrapad shukla chaturdashi ko yah parva hota hai. is din maharashtra men ganpti ji ki murti ka jal visarjan kiya jata hai. islie yahi uchit sthan hoga.
shraddha: shraddh ki avdhi aprahnakalin bhadrapad purnima se suryodykalin ashvin amavasya ke din tak hota hai. shraddh karm ke lie gaya (bihar) ko sabse mahatvapurn sthal hone ke karan uchit sthan hoga.
shardiya navratra: suryodykalin ashvin shukla pratipda se suryodykalin ashvin shukla navmi tak shardiya navratra hote hain. in dinon devi ji ki puja pashchim bangal ke kolkata shahar men pramukh rup se ki jati hai. islie yahi uchit sthan hoga.
dashhra: shravan nakshatra se yukt aprahnakalin ashvin shukla dashmi ke din dashhra manaya jata hai. is parva ko karnatak rajya ke maisur nagar men bari dhumdham ke sath mukhya rup se manate hain. islie yahi uchit sthan hoga.
sharad purnima: nishithavyapini ashvin purnima ko sharad purnima manate hain. yah lakshmi ji ka parva hai. samudra manthan men lakshmi ji utpann hui thin. atah dakshin men sthit kanyakumari uchit sthan hoga.
karva chaith: chandrodykalik kartik krishn chaturthi ko karva chaith manate hain. iska sanbandh sati savitri se hai. sati savitri ke pita madra ke raja the jo vartaman samay men khammam jile men hai. atah yahi uchit sthan hoga.
dhanters: pradoshavyapini kartik krishn trayodshi ko dhanteras manate hain. yah parva dhan ki devi man lakshmi se sanbandhit hai aur lakshmi ji ka sanbandh kanyakumari se hone ke karan yahi uchit sthan hoga.
dipavli: pradosh kal men kartik amavasya ko bhagvan ram ki ayodhya vapsi ki khushi men dipavli manayi jati hai. islie ayodhya hi uchit sthan hoga.
govardhan puja: sarhe tin prahar vyapini kartik shukla pratipda ke din govardhan puja ki jati hai. govardhan parvat mathura men sthit hone ke karan mathura hi uchit sthan hai.
bhaiya duj: aprahnavyapini kartik shukla dvitiya ko yah parva manate hain. yah uttar bharat ka pramukh parva hone ke karan bihar aur yu.pi ke bich lakhnau uchit sthan hai.
surya shashthi (chath): paraviddha kartik shukla saptami yukt shashthi ke din manaya jata hai. yah bihar rajya ka pramukh parva hai. atah iski rajdhani patna ko is parva ka nirnay sthal mana ja sakta hai.