jyotish men panchtara grah mangal, budh, guru, shukra evan shani dvara kendra bhavon (lagn, chaturth, saptam, dashm) men uchch, svagrihi athva mul trikon hokar, sthit hone par panch mahapurush yog bante hain jinka prabhav rajyogon ki tarah hota hai. yadi grah purn bali hokar kendrasth hai to fal ati utkrisht hota hai. is yog ke prakar nimnavat hain:
1. manglkrit ruchak yog evan uttam ratn munga
2. budh krit bhadra yog evan uttam ratn panna.
3. guru krit hans yog evan uttam ratn pukhraj
4. shukra krit malavya yog evan uttam ratn hira.
5. shani krit shash yog evan uttam ratn nilam.
ruchak yog yadi janmakundli men mangal uchch, mul trikon athva svarashi men, lagn se kendra bhavon men sthit ho to ruchak yog ka nirman hota hai. yah yog lagnane yatha mesh, vrish, kark, sinh, tula, vrishchik, makar evan kunbh, men hi vinirmit hota hai. is yog ke prabhav se jatak sundar evan kantiyukt akriti vala hota hai. aisa jatak sahsi, parakrami evan dhanvan hota hai. parantu is yog vale jatkon ko sir se sanbandhit rogon ke hone ki sanbhavna hoti hai. sir men chot-chapat se ghav ho sakta hai.
ratn chayan vishleshn
1. mesh lagn ki kundli men mangal lagnasth evan dashamasth hokar ruchak yog ka nirman karta hai. mangal lagnesh hone ke sath-sath ashtamesh hota hai. parantu lagnesh hone ke karan ashtamesh hone ka dosh kshin ho jata hai. atah mesh lagn ki kundli men yadi ruchak yog ka nirman ho raha ho to mesh lagn vale jatkon ko munga ajivan dharan karna labhaprad hoga.
2. vrish lagn vali kundli men mangal saptamasth hokar ruchak yog ka nirman karta hai. sath hi sath is lagn ki kundli men mangal dvadshesh evan saptamesh hokar, markesh ho jata hai. atah vrish lagn vali kundli men yadi ruchak yog ban raha ho to munga kadapi dharan nahin karna chahie. aisi sthiti men tinmukhi rudraksh ko prathmikta deni chahie.
3. kark lagn vali kundli men mangal saptamasth evan dashamasth hokar ruchak yog ka nirman karta hai. sath hi sath kendra v trikon ka svami hokar shubh yog karak ho jata hai. is sthiti men mangal ratn munga avashya dharan karni chahie.
5. tula lagn men mangal prabal markesh (dvitiyesha/saptamesh) hokar chaturth evan saptam bhav men sthit hokar ruchak yog ka nirman karta hai. atah is lagn vale jatkon ko mangal ratn munga se dur hi rahna chahie. aisi sthiti men mangal ke upayon ka sahara le sakte hain.
6. vrishchik lagn vali kundli men mangal lagnesh v shashthesh hokar, lagn men hi ruchak yog ka nirman karta hai. lagnesh ko shashthesh hone ka dosh nahin lagta. atah is lagn vale jatkon ko mangal ratn munga dharan karna shreyaskar rahta hai.
7. makar lagn ki kundli men mangal chaturthesh evan labhesh hokar lagn evan chaturth bhav men sthit hokar ruchak yog ka nirman karta hai. atah is lagn vale jatak mangal ki mahadsha/ antardasha men mangal ratn munga dharan karke labh prapt kar sakte hain. anya samay nahin.
8. kunbh lagn ki kundli men mangal parakramesh evan dashmesh hokar keval dasham bhav men hi sthit hokar ruchak yog banata hai. vastutah is lagn vale jatkon ko keval mangal ki dasha/antardasha men hi manglkrit ratn dharan karna uttam rahta hai. bhadra yog jab budh grah, svarashi, mul trikon rashi ya uchch ka hokar lagn se kendra men sthit hota hai to bhadrayog ka nirman hota hai. is yog vale jatak lanbe v gulabi abha vale hote hain. aisa jatak madhurbhashi, paropkari, kirtivan evan dhanvan hota hai. bhadra yog 4 lagnon (mithun, kanya, dhanu, min) men hi vinirmit ho sakta hai.
ratn chayan vishleshn
1. mithun lagn men budh, lagnesh v sukhesh hokar lagn evan chaturth bhav men bhadra yog banata hai. atah is lagn vale jatak ko ajivan budh ratn panna dharan karna uttam rahta hai.
2. kanya lagn men budh, lagnesh evan dashmesh hokar, lagn ya dasham bhav men bhadrayog ka nirman karta hai. vastutah is lagn vale jatak ko jivanaparyant budh ratn panna dharan karna uttam rahta hai.
3. dhanu lagn men budh saptamesh v dashmesh hokar, saptam ya dasham bhav men bhadrayog ka nirman karta hai. is sthiti men budh kendradhipti dosh se pidit hota hai. atah budh ki dasha-antardasha men panna ratn dharan karna chahie. yadi bhadra yog saptam bhav men ban raha ho to budh ratn panna nahin dharan karna chahie. aisi sthiti men charmukhi rudraksh dharan karna chahie.
4. min lagn men budh, sukhesh v saptamesh hokar, chaturth ya saptam bhav men bhadra yog ka nirman karta hai. sath hi kendradhipti dosh se pidit hota hai. yadi saptam sthan par bhadra yog ka nirman ho raha ho to budh ratn panna dharan nahin karna chahie. par yahi yog yadi chaturth bhav men ban raha ho to budh ki dasha-antardasha men panna ratn dharan karna shreyaskar rahega.
hans yog jab guru grah svarashi, mul trikon rashi ya uchch ka hokar lagn se kendra men sthit hota hai to hans yog ka nirman hota hai. is rajyog men janm lene vala jatak hans ke saman nir-kshir viveki hota hai. dhani, rajmanya, v achchi stri vala hota hai. duradarshi soch ke chalte jivan men apar safltaen arjit karne vala hota hai. yah yog kul 8 lagnon, mesh, mithun, kark, kanya, tula, dhanu, makar, min men hi vinirmit ho sakta hai.
ratn chayan vishleshn
1. mesh lagn men guru, bhagyesh evan vyayesh hokar, chaturth bhav men hans yog ka nirman karta hai. atah guru ratn, pukhraj, ajivan dharan kiya ja sakta hai.
2. mithun lagn men guru, saptamesh evan dashmesh hokar, saptam ya dasham bhav men hans yog ka nirman karta hai. is sthiti men guru ko kendradhipti dosh lagta hai. atah yadi guru saptamasth hai to pukhraj ratn se dur hi rahna uchit hai. parantu guru dashamasth hai to guru ki dasha-antardasha men pukhraj ratn dharan kiya ja sakta hai.
3. kark lagn men guru, shashthesh evan navmesh hokar lagn men hi hans yog ka nirman karta hai. granthkaron ke anusar is sthiti men fal bahut hi utkrisht hote hain. atah kark lagn vale jatkon ko guru ratn pukhraj ajivan dharan karna chahie.
4. kanya lagn men guru, sukhesh v saptamesh hokar chaturth ya saptam bhav men hans yog ka nirman karta hai kendradhipti dosh ke antargat guru grah ka ratn pukhraj keval guru ki dasha-antardasha men dharan karna uchit rahega. yadi guru is sthiti men saptam bhav men yah yog bana raha hai to fir is ratn se dur hi rahna uchit rahega.
5. tula lagn men guru, tritiyesh evan shashthesh hokar dasham bhav men hans yog ka nirman karta hai. ashubh bhavon ka svami hone ke karan, is lagn vale jatkon ko pukhraj nahin dharan karna chahie. iske sthan par panch mukhi rudraksh dharan karna uttam rahega.
6. dhanu lagn men guru, lagnesh v chaturthesh hone ke karan shubh hai. atah jivan paryant is lagn vale jatak ko guru ratn pukhraj dharan karna kalyankari rahega.
7. makar lagn men guru tritiyesh evan dvadshesh hokar saptam bhav men hans yog ka nirman karta hai. ashubh bhavesh hone ke karan is sthiti men pukhraj dharan karne ki salah nahin di ja sakti. 8. min lagn men guru, lagnesh v dashmesh hokar, lagn evan dasham sthan men hans yog ka nirman karta hai. vastutah pukhraj ratn dharan karna vishesh rup se kalyankari rahega.
malavya yog jab shukra grah svarashi, mul trikon rashi, ya uchch ka hokar lagn se kendra men sthit hota hai to malavya yog ka nirman hota hai. is yog men janm lene vala jatak bhautikvadi drishtikon vala, shastron v jyotish men ruchi lene vala, utsahi paropkari, rajmanya v sukhi rahta hai. parantu yadi shukra ashubh prabhav men ho to jatakaparastri gami bhi ho sakta hai. malavya yog hi ek aisa yog hai jo sabhi meshadi lagnon men nirmit ho sakta hai.
ratn chayan vishleshn
1. mesh lagn men shukra, dvitiyesh v saptamesh hokar, saptam sthan men malavya yog banata hai. atah is sthiti men shukra ratna-hira kadapi dharan nahin kiya ja sakta.
2. vrish lagn men shukra lagnesh evan shashthesh hokar, lagn men hi malavya yog ka nirman karta hai. atah is sthiti men jivan paryant shukra ratn hira dharan kar sakte hain.
3. mithun lagn men shukra panchmesh evan dvadshesh hokar, dasham bhav men malavya yog ka nirman karta hai. atah is sthiti men shukra ratn hira dharan kiya ja sakta hai.
4. kark lagn men shukra chaturthesh evan ekadshesh hokar chaturth bhav men malavya yog ka nirman karta hai. vastutah shukra ki dasha-antardasha men hira ratn dharan kiya ja sakta hai.
5. sinh lagn men shukra tritiyesh v dashmesh hokar, dasham bhav men malavya yog ka nirman karta hai. atah shukra ki dasha-antardasha men hira ratn dharan kiya ja sakta hai.
6. kanya lagn men shukra dvitiyesh v navmesh hokar saptam bhav men malavya yog ka nirman karta hai. is sthiti men bhi hira ratn se samanyatah bachna hi chahie. parantu is sthiti men chahmukhi rudraksh dharan karna shreyaskar rahta hai.
7. tula lagn men shukra, lagnesh v ashtamesh hokar svayan lagn men hi malavya yog ka nirman karta hai. atah is sthiti men jivan paryant hira ratn dharan kiya ja sakta hai.
8. vrishchik lagn men shukra dvadshesh evan saptamesh hokar saptam bhav men malavya yog ka nirman karta hai. is sthiti men bhi hira ratn se dur rahna chahie.
9. dhanu lagn men shukra labhesh evan shashthesh hokar chaturth bhav men malavya yog banata hai. is sthiti men bhi hira ratn dharan nahin karna chahie.
10. makar lagn men shukra dashmesh evan panchmesh hokar yog karak grah ki bhumika ada karta hai tatha dasham bhav men malavya yog ka nirman karta hai. aisi sthiti men shukra ratn hira jivan paryant dharan karna chahie.
11. kunbh lagn men shukra bhagyesh evan chaturthesh hokar yog karak ho jata hai tatha chaturth bhavagat hokar malavya yog ki rachna karta hai. atah is sthiti men bhi hira ratn ajivan dharan kiya ja sakta hai.
12. min lagn men shukra, tritiyesh v ashtamesh hokar, lagn men malavya yog ki rachna karta hai. atah is sthiti men bhi hira ratn se dur rahna chahie. shash yog jab shani grah svarashi, uchch rashi ya mul trikon rashi ka hokar lagn se kendra men sthit hota hai to shash yog ka nirman hota hai. is yog men janma jatak bhramnshil, shighra nirnay lene vala, chatur hota hai. aisa jatak kisi karya ko dhimi gati se karta hua anttah purn kar leta hai. mesh, vrish, kark, sinh, tula, vrishchik, makar evan kunbh lagnon men yah yog vinirmit ho sakta hai.
ratn chayan vishleshan 1. mesh lagn men shani, dashmesh evan ekadshesh hokar saptam evan dasham bhav men shash yog ka nirman karta hai. yadi yah yog dasham bhav men ban raha ho to shani ki dasha-antardasha men nilam ratn dharan karna upyukt hota hai.
2. vrish lagn men shani, navmesh v dashmesh hokar, dasham bhav men shash yog ka nirman karta hai. is yog men shani ratn nilam parikshanoprant dharan karna shubh rahta hai.
3. sinh lagn men shani shashthesh v saptamesh hokar saptam bhav men shash yog ka nirman karta hai. atah is sthiti men shani ratn dharan karna uchit nahin hota hai.
4. tula lagn men shani chaturthesh evan panchmesh hokar lagn evan chaturth bhav men shash yog ka nirman karta hai. atah shani ke yogkarak bhumika ke chalte nilam ratn dharan kiya ja sakta hai.
5. vrishchik lagn men shani, tritiyesh evan chaturthesh hokar, chaturth bhav men shash yog ka nirman karta hai. atah shani ki dasha-antardasha men nilam ratn dharan kiya ja sakta hai.
6. kark lagn men shani saptamesh evan ashtamesh hokar chaturth evan saptam bhav men shash yog ka nirman karta hai. atah is sthiti men bhi shani ratn nilam n dharan karen to hi achcha hai.
7. makar lagn men shani svayan lagnesh v dvitiyesh hokar lagn evan dasham bhav men shash yog ka nirman karta hai. is sthiti men jatak ajivan shani ratn nilam dharan kar sakta hai.
8. kunbh lagn men shani dvadshesh evan lagnesh hokar keval lagn men hi shash yog ka nirman karta hai. atah is sthiti men nilam ko ajivan dharan kiya ja sakta hai.