hast rekhaon v jyotish se janen pet rog ke karan v nivaran bharti anand ishvar ne hamari hast rekhaon men hamare ishvar ne hamari hast rekhaon men hamare bhagya, hamari shiksha, hamari ayu aur svasthya ko spasht rup se chitrit kar rakha hai. hamari kundli men bhi in sare pahluon ka spasht chitra dikhai deta hai. in rekhaon ki banavat, motai, hath aur ungliyon ke akar, grahon ke ubhar, dabav adi ko dekhakar sharirik dukhon, bimariyon aur svasthya ki paristhitiyon ko jana sakta hai. kundli men lagn par vibhinn grahon ki drishti, jivan kal men grahon ki mahadsha aur antardasha adi ke adhar par kisi bhi vyakti ke jivan men kaunsi bimari kis samay hogi aur kitni kashtaprad hogi iska sarlta se anuman lagaya ja sakta hai. hamare sharir men har bimari ki shuruat hamare khan-pan men asanyam aur aniyamitta tatha pet ki garbri ke karan hoti hai. prachin chikitsa shastra ke granthon men bhi kaha gaya hai ki pratyek bimari ki jar pet hi hota hai. pet ke rogon ki shuruat kabj se hoti hai. is kabj ka yadi samay rahte upchar n ho, to vyakti alsar, gais daibitij ya bavasir se grast ho sakta hai. mahilaon men garbh sanbandhi bimariyan bhi pet ki garbri ke karan paida hoti hain. pet ka kainsar anuvanshik ya atyadhik sharab, sigret athva anya nashili vastuon ke sevan se ho sakta hai. hast rekha v jyotish shastra ke adhyayan se ham pet ki bimariyon ka purvanuman lagakar samay rahte unse apna bachav kar sakte hain. yahan pet ke vibhinn rogon ko darshane vali rekhaon ka vishleshan prastut hai jise parhakar hastarekha ka sadharan gyan rakhne vale log bhi labh utha sakte hain. jivan rekha ke niche dvip ho, bhagya rekha doshpurn ho aur mastishk rekha khandit ho to vyakti gais, esiditi adi se grast ho sakta hai. mangal kshetra doshpurn ho, jivan rekha khandit ya bich men kati ho, mastishk rekha mane shani ke niche dosh ke lakshan hon to vyakti ke pet ki kisi bhayankar garbri se grast hone ki sanbhavna rahti hai jisse mukti ke lie apreshan karna par sakta hai. jivan rekha ke samanantar koi anya rekha chal rahi ho, shani aur surya parvat ast hane, bhagya rekha jivan rekha ke sath ho aur mangal kshetra men bahut si rekhaen apas men kat rahi hon to apendiks adi udar rog hone ki sanbhavna rahti hai. jivan rekha ko yadi moti-moti rahu rekhaen katte hue mastishk rekha par ja rahi hon to yah pet ki kharabi ke karan sir men bharipan ka lakshan hai. yadi bhagya rekha ke sath koi anya patli bhagya rekha ho, jivan rekha ke sath koi anya rekha mangal kshetra par ja rahi ho to vyakti ko motape ki samasya ho sakti hai. kundli ke adhar par mangal aur chandra ki sthitiyon ke adhar par pet ke rogon ka akalan karte hain. yahan pet ke rogon ke lakshanon ko darshane vali ukt grahon sthitiyon ka vishleshan prastut hai. kundli men chatha ghar bimari ka ghar mana jata hai. yadi nich ka chandra ya mangal chathe ghar men ho ya us par pap grahon ki drishti ho to vyakti ke gais, apendiks adi se grast hone ki sanbhavna rahti hai. use bhukh adhik ya kam lag sakti hai. iske atirikt uski pachan shakti kamjor ho sakti hai. yadi lagn men chandra ya mangal athva donon nich ke hon aur un par pap grahon ki drishti ho to, vyakti ko gais, harniyan pet men dard aur kire ki sanbhavna rahti hai. lagn kundli men athvan bhav maut ka ya ayu ka bhav mana jata hai. is bhav men yadi mangal ya chandra nich ka ho aur us par pap grahon ki drishti ho, to vyakti ko pet ke rogon se mrityu tulya kasht ho sakta hai aur usse mukti ke lie apreshan ki jarurat par sakti hai. yadi nich ka guru lagn men bhav 6 ya 8 men ho to vyakti ke motapa se grast hone ki sanbhavna rahti hai jo pet ke lie bhayavah rup le sakta hai. in paristhitiyon se bachne ke lie hanuman chalisa ka nitya subah sham path aur manglvar ko vrat karna chahie. yadi dosh chandra ka ho to somvar ka vrat rakhna chahie. guru grah ke kashtadayi hone par guruvar ko upvas rakhna chahie. halke pile rang ke vastra dharan karne chahie aur pratidin safed rang ke kapre pahnne chahie. kisi jyotishie ya hastarekha visheshagya se salah lekar vidhipurvak munga ratn dharan karne se bhi pet ke rogon se mukti pai ja sakti hai. iske atirikt prakritik chikitsa ke kuch gharelu upay is prakar hain. rat ko dudh men adha chammach haldi dalakar pina chahie. ek chutki choti harra garm pani men milakar pine se pet dard men aram milta hai. jira tatha sendha namak pisakar garm pani ke sath khane se bhukh men kami, pet fulne, dast, kabj aur khatti dakaron se mukti milti hai. ek gilas garm pani men do chammach shahad aur ek ninbu ka ras dalakar pine se adhik charbi v motape se chutkara paya ja sakta hai. ek gilas pani men panch gram fitkri gholakar pine se haije men labh hota hai. rat ko sone ke pahle dudh men munakka ubalakar pine se kabj se chutkara milta hai. yadi samay rahte kisi yogya hast rekha visheshagya athva jyotishi se salah lekar ukt upay kie jaen, to pet ke rogon se raksha ho sakti hai.
Kya aapko lekh pasand aaya?
Subscribe