hamare shastron men bhut, vartaman aur bhavishya ko janne ki anek vidhiyan batai gayi hain. un vidhiyon men ek shastra hastarekha shastra bhi hai. hastarekha shastra ka mul adhar vyakti ki hath ki rekhaen hain. hath ki rekhaen svayan bhagvan dvara ki gai rachna hai islie ismen koi truti bhi nahin hoti. janm lene ke bad vyakti ke hath ki rekhaon ka vikas bhi hota rahta hai. un rekhaon ka adhyayan karke vyakti ke kisi bhi kshetra par prakash dala ja sakta hai. motapa hamare khan-pan men aniyamitta, anuvanshikta adi karnon se mana jata hai par hath ki rekhaon ka bhi ismen yogdan bahut adhik hai. hath men kaun si rekhaon ke hone se vyakti motape ke rog ka shikar hota hai, is lekh men hath ke chitron ke madhyam se prakash dal rahi hain hastarekha visheshagya bharti anand.
yadi ham motape ko hath ke chitra ke madhyam se samjhen aur dekhen to motapa hone ki nimn sthiti banti hai jo udaharan chitra 1 men hath ki rekha dvara pradarshit ki ja rahi hai.
1. jivan rekha adhuri hai. mastishk rekha bilkul nirdosh hai. hath bhari hai. shukra bahut utha hai.
2. anguliyan sidhi hanai. guru grah v shukra grah uthe hain. jivan rekha ka jor mastishk rekha se bilkul saf-suthra hokar niklta hai.
3. manibandh rekhaon ka saf-suthra hona, hath ka bhari hona, bhagya rekha ka niche se mota hona, upar se patla hona.
4. jivan rekha agar donon hathon men tuti ho to unke parivar ke log mote paye jate hain. bhagya rekha ka adhik hona v upar se patla hona.
5. jivan rekha ka sidhe hona jaisa ki ham chitra men dekh rahe hain aur sath men jivan rekha ka tut jana bhi motape ka lakshan hai.
udaharan 2: yah hath ek mahila ka hai aur motapa in par bhi chaya hua hai jiska karan inki rekhaon men ye dosh hain. kisi ke bhi hath men ye dosh hon to ve motape se avashya grast ho jate hain.
1: is mahila ki jivan rekha gol hai.
2. bhagya rekha moti se patli hai.
3. mastishk rekha men shani ke niche dosh ya dvip ho to motapa aur barhta chala jayega.
4. mangal kshetra se rekhaen nikalakar mastishk rekha men a rahi hain.
5. manibandh rekhaen spasht hain.
6. hath thora bhari hai.
7. jivan rekha ke sath andar ki taraf mangal rekha ka hona.
8. jivan rekha ka donon hathon se shukra ko gherakar gol hona.
9. jivan rekha se bhagya rekha duri par aur niche se moti aur upar se spasht rup se patli ho. jis umra men jivan rekha se duri barhti hai us umra men motapa inka aur barhta chala jata hai.
10. mangal kshetra se ari rekhaen nikalakar (mangal yani ki anguthe ke pas vala kshetra jahan se jivan rekha niklti hai.) jivan rekha ko kate jaisa ki chitra men spasht najar a raha hai.
iske atirikt bhi anya kai lakshan hain jinke hath men hone se motapa ho jata hai. kuch lakshanon ka vivaran nimnavat hai jiska chitron men ullekh nahin hai jaise-
1. bhagya rekhaon ka hath men adhik hona, upar se patla ho jana.
2. jivan rekhaon ka dabal ho jana, rekhaon ki motai ek jaisi hona.
3. shani kshetra ke niche mastishk rekha ka janjirdar ho jana sath men jivan rekha ka donon hathon men gol ho jana.
4. sabhi grahon ka unnat hona khasakar shukra ka, bhagya rekha ka moti se hokar sidhe shani par nirdosh hokar jana.
5. hatheli ka bhari hona, us par mangal se moti-moti rekhaon ka jivan rekha ko katna, kisi aepreshan ki vajah se mote ho jane ke lakshan hain.
6. jivan rekha men dosh hona, bhagya rekha ka jivan rekha se dur hona mangal se ari niklne vali rekhaon ka bhagya rekha par dhank jana bimari ki vajah se motape ka hona hai.
7. shukra par bahut adhik rekhaen hona, jivan rekha ka sidha hona, anguliyon ka lanba hona, alasya ki vajah se motape ka a jana hota hai.
8. jivan rekha ke ant men dvip ho jana, mangal se moti rekhaon ka a jana pet men kabj ya rog ki vajah se motapa barhata hai.
9. shukra grah bahut utha ho, hath men guru bhi unnat ho to khane-pine ka bahut shauk hota hai. angutha piche ki taraf ho, anguliyan lanbi hane to adhik khana v alasya ki vajah se motapa a jata hai.
10. jivan rekha ka bich men se tut kar chalna, mastishk rekha ka nirdosh hona, sath men bhagya rekha ka doshpurn hona motape ka karan banta hai.