jaen abraham maedling ki duniya se filmi duniya men apna sthan banane vale jaen abraham ki do filmen ‘garam masala’ aur ‘dhum’ ne vakai men dhum hi macha di. vigyapnon men bhi jaen‘-bipasa ki jori ki jabardast mang hai. inki hast rekhaon men aisa kya hai. sankshipt men vichar karen: jaisa ki ap chitra san. 1 men dekh rahe hain, jaen abraham ke hath men jivan rekha gol hai. jo shani kshetra ko gher rahi hai. hridyrekha ka ant shani kshetra ke niche hai v ek rekha brihaspati ki or bhi ja rahi hai. chitra san. 2 men mastishk rekha ka ant surya ungli ke niche hai. hath bhari hai v bhagya rekha moti se patli hokar shani kshetra tak ja rahi hai. inke hathon men antajrnyan rekha ki sthiti bhi bahut achchi hai. kanishthika kuch terhi tatha surya ki ungli bhi kuch terhi hai. guru ki ungli surya ki ungli se bari hai, angutha lanba, patla evan piche ki or jhukne vala hai.
aise lakshan hone par vyakti bahut uttaradayi hota hai atah sthaayitva prapt karne ke bad hi shadi karna pasand karta hai. aise log bauddhik karya tatha ek se adhik vyapar karne vale bhi pae jate hain. inke hath men inki jivan rekha golakar hai. aise log dhan sanchyi aur samjhdar hote hain. ve bahut soch-samajh kar kharch karne vale hote hain kintu premadi mamlon men in kharch par adhik dhyan nahin dete. aise log mata-pita ke bhakt aur udar v sahayak pravritti ke hote hain kyonki inki guru ki ungli surya ki ungli se kuch bari hoti hai. inka hath mansal, gulabi aur bhari hone par samaj men inhen uttam sthan prapt ho jata hai. inke hath men antajrnyan rekha jivan rekha se nikalakar budh kshetra tak ja rahi hai. yah uttam mansik shakti ka dyotak hai v hath men chandra bhi uttam hai, atah aise log bhavnaon men bahakar ashrupat bhi karne lagte hain. ye prakhar premi evan bhavuk hote hain.
inke hath men angutha lanba evan lachila hai jo vyakti ko uttarottar dhani banane ka lakshan hai. is hath men shani grah v shani ki ungli uttam sthiti men hai aur sidhi hai. in logon ko sangit kala ka shauk hota hai. ye prayah sangit kala ke marmagya bhi hote hain. ye yog, dhyan, pranayam bhi apnate hain. shani ki ungli ki ganth bhi bari hai jo adhyatm ke prati ruchi ka prabal sanket hai. inmen svabhiman ki bhavna prabal hoti hai. inhen dhan evan prasiddhi donon hi milti hain tathapi inhen apne samman ki chinta lagi rahti hai. shani evan chandrama inke hath men uttam hai. aise logon ko kala se prem evan kalatmak vastuon ke sangrah ka shauk hota hai. aise jatkon ko bijli evan ag se khatra ho sakta hai. inke hathon men kuch had tak dantrog ke lakshan bhi hain. inke hath men bhagya rekha patli hai aur shani kshetra par ja rahi hai atah yah lakshan inhen vishesh dhani banata hai.
ane vale samay men jaen abraham ki tarakki hogi kintu svasthya ki vajah se saflta ke marg men yada-kada archnen bhi ati rahengi. kul milakar inke hath ki rekhaen ve sabhi gun rakhti hanai jo ek lokapriya, safal aur pratibhasanpann kalakar men hone chahie. atah ane vale samay men jaen aur bhi safal aur lokapriya abhineta ke rup men hamare samaksh aenge. shahrukh khan shahrukh khan ka hath bhari hai, shani ki ungli surya v guru ki ungli se 1/2 inch lanbi hai v guru ki ungli surya ki ungli se bhi bari hai. ungliyan patli hain, tatha budh ki ungli tirchi hai. jivan rekha gol hai aur bhagya rekha manibandh se nikalakar sidhe guru ki ungli ke niche samapt ho rahi hai. aur hriday rekha thori si doshyukt hokar guru v shani ki ungli ko dekh rahi hai aur mastishk rekha, chandra kshetra par ja rahi hai.
abhineta shahrukh khan ke hath men grahon ki sthiti is prakar hai: shukra, chandra, guru, surya v budh grah vishesh rup se uthe hue hain. nakhunon men chandra hai tatha sabhi nakhun chote-chote hain. hatheli ke piche bal bahut adhik hain. jaisa ki chitra san. 1 men pradarshit hai. is prakar ki rekhaon v grah vyakti ko kalakar banane men aham bhumika nibhate hanai.
kalakar banne men sahayak anya rekhaen: -
kalakar banne men mastishk rekha bhi bahut mahatvapurn bhumika nibhati hai. mastishk rekha dhire-dhire murakar chandra kshetra par jae aur chandra parvat unnat ho to vyakti men sahityakar aur kalakar ke gun ke sath-sath bhavukta svatah a jati hai. aise log shantipriya tatha dhun ke pakke hote hain. ve din-pratidin unnati karne vale hote hain. in lakshanon ke sath-sath ungliyan patli, hath komal evan angutha lachila hona bhi avashyak hai. hath dekhte samay in sabhi lakshanon par dhyan dena chahie. jaisa ki chitra san. 2 men pradarshit hai. - guru ki ungli arthat tarjani yadi anamika se lanbi ho to inmen har vakt yahi soch rahti hai ki jivan men kuch alag kar dikhana hai.
yadi hath bhari v komal ho aur mastishk rekha ya iski ek shakha chandra kshetra par jae to inmen uttaradayitva, mahatvakanksha adi gun pae jate hain. kalakar banne ke bad inhen khyati tatha yash milta hai. iske sath-sath yadi bhagya rekha bhi moti se patli ho ya iski sankhya ek se adhik ho to inki kala ke dam bhi achche milte hain. jaisa ki chitra san. 3 men pradarshit hai. - shukra grah utha hua v ungliyan lanbi hone par rah chalte vyakti se mitrata karna inke lie koi bari bat nahin hoti. aise log kalakar hone par kisi abhineta ki ekting bhi bahut achchi kar lete hain. par iske lie surya, budh v budh ki ungli ka tircha hona bhi ati avashyak hai.
ungliyan patli aur mastishk rekha ke prabal hone par aise kalakar naya tarika nikal kar apne karya ko anjam dene vale hote hain. jaisa ki chitra san. 4 men pradarshit hai. - chandra kshetra par mastishk rekha jane, jivan rekha gol, hath komal v bhari tatha surya rekha ke saf suthri hon par ya surya rekha mastishk rekha ko bhi chirakar age nikal jane par vyakti prasiddh kalakar hota hai. vah apni kala ke prati purn rup se samarpit hota hai. usmen kala sikhne tatha sikhane ki yogyata bhi bahut adhik hoti hai. surya rekha se bhagya sanbandhi jankari bhi prapt hoti hai. yah jitni lanbi v saf suthri hogi utna hi achcha fal degi. jaisa ki chitra san. 5 men pradarshit hai. - kalakar banne men hriday rekha ka bhi bahut adhik mahatva hai.
yah rekha ungliyon ke adhar ke jitne niche hogi tatha anya rekhaen jitni saf suthri hongi, kalakar ki kshamata utni hi prakhar hogi. anya lakshan achche hone par bachapan men inki jis kisi karya men ruchi hoti hai usi kshetra ko apna manakar age barhte hain. kala ke kshetra men hone par ye achche kalakar bhi sabit hote hain. jaisa ki chitra san. 6 men pradarshit hai. - adhikatar prasiddh kalakaron ke anguthe lanbe, sabhi ungliyan khasakar surya aur shani ki ungliyan, sidhi hoti hain tatha unke adhar barabar hote hain. unki bhagya rekha hriday ya mastishk rekha par ruke bina shani rekha par jati hai aur ant men dvibhajit hoti hai.
inki bhagya rekhaen ek se adhik hoti hain. inki jivan rekha guru rekha se niklti hai. inke shukra v chandra grah kam unnat hote hain tatha hath bhaari ya komal hota hai. inmen se koi bhi 3 ya 5 lakshan hone par vyakti men kala ke prati prem hota hai aur ye sthitiyan kalakar ko safal banane men bhi mahatvapurn bhumika nibhati hanai. jaisa ki chitra san. 7 men pradarshit hai.