1). yadi kisi vyakti ki hatheli men chandra parvat se koi nirdosh rekha nikalakar jivan rekha tak ati ho aur vahan se bhagya rekha nikalakar shani parvat tak pahunchti ho to vah vyakti videsh men jakar uchch shiksha prapt kar nam, yash kamata hai.
2). yadi kisi vyakti ki hatheli men jivan rekha se koi nirdosh prabhav rekha nikalakar niche manibandh kshetra se milti ho tatha tribhuj banati ho aur bhagya rekha se bhi koi spasht shakha niche jakar is prabhav rekha ke sath tribhuj ka nirman karti ho to aise yog vala vyakti vyaparik karyon se anek bar videsh yatraen karta hai aur videsh se dhan kamata hai.
3). chandra parvat se nikalakar koi rekha mastishk rekha se mil jati ho to jatak ko videsh yatra men videsh men koi vyavsayik samjhauta athva bauddhik karyon ka anubandh karna parta hai.
4) hatheli men chandra aur shukra parvat unnat ho tatha jivan rekha pure shukra kshetra ko gherti hui shukra parvat ke mul tak jati ho tatha chandrama parvat par spasht yatra rekha ho to aise yog rakhne vala vyakti anekanek bar videsh yatraen karta hai. yahan tak ki use videsh yatraon ka guru tak kaha jata hai.
5) yadi kisi stri ya purush ke hath men chandra parvat se rekha nikalakar spasht rup se hriday rekha men jakar mil jae to aise yog vale stri ya purush ko videsh yatra men ya videsh men prem hota hai, yahan tak ki vah videsh men hi prem lila se prem vivah tak pahunchta hai.
6) yadi hath men chandra parvat se rekha nikalakar tatha puri hatheli ko par karti hui guru parvat tak pahunchti ho to, aise yog vale ki videsh yatraen behad lambi hoti hain. vah videsh men durasth sthanon se jivika kamata hai.
7) yadi hath men chandra parvat se rekha nikalakar, hatheli ke madhya men se hi adha murakar vapas chandra parvat par aye to jatak videsh men naukri athva vyapar karta to hai lekin kai varsh videsh men rahne ke bad, vah asflta ka bhar lekar svadesh laut ata hai.
8) yadi chandrama parvat se nikalakar koi rekha budh kshetra tak athva budh parvat par pahunchti ho to jatak ko videsh yatra karne par videsh men achanak dhan ki prapti hoti hai.
9) yadi chandrama parvat se nikli rekha par kros ho to videsh yatra ke dauran vyakti kisi durghatana se pirit hota hai.
10) yadi kisi vyakti ke dahine hath men to yatra rekhaen ho lekin baen hath men rekhaen n ho, athva rekha ke praranbh men koi kros ya dvip ho to videsh yatra men koi n koi badha utpann ho jayegi ya aisa vyakti videsh jane ke dhol to pitega lekin videsh yatra ka jaise hi samay aega yatra radd ho jaegi.
11). yadi chandrama parvat se niklne vali leti hui, ari rekhaen, chandrama parvat ko par karte hue bhagya rekha men mil jae to aise yog vala vyakti kai deshon men mahatvapurn yatra karta hai aur apni saflta ko siddh karta hai.
12). pahle manibandh se upar uthakar chandra parvat par pahunchne vali rekhaen videsh yatraon ke mamlon men sarvadhik shubh mani jati hai, aise yog vala vyakti videsh yatra kar, videsh se vishesh upalabdhi prapt karta hai.
13) yadi jivan rekha svatah hi ghumakar chandra parvat par pahunch jaen, to aisa jatak anekanek bar videsh yatra karta hai aur videsh men rahta hai, yahan tak ki uski mrityu bhi videsh men hoti hai.
14)) yadi chandra parvat se nikalakar jab koi rekha bhagya rekha ko katti hui jivan rekha men jakar mil jae to, aise yog vala vyakti lagabhag sari duniya ke deshon ki yatra kar dalta hai. uska jyadatar jivan videsh yatraon men vyatit hota hai.
15.) yadi chandra parvat se upar uthakar jab koi rekha surya parvat tak pahunch jae, to aise yog vala vyakti videsh yatra karta hai aur videsh se khub dhan shoharat kamata hai. videsh men aise jatak ka nam bare adar se liya jata hai.
desh-deshantar ki yatra desh-deshantar ki yatra ka saubhagya usi bhagyashali ko mil pata hai, jiski hatheliyon men paryatan yog hota hai. deshatan yogsuchak lakshanon ki jankari ke lie nar-nariyon ke hatheliyon men ankit chihnon dvara anuman lagaya jata hai. yadi surya parvat uthavdar, manohar ho, sath hi bhagya rekha se surya rekha mil kar surya parvat ko sparsh kar rahi hai, to jatak nishchit hi 24 se 36 varsh ke bich janmabhumi se pashchim ke bare rashtron men, arthaeparjan ke lie, ekaek jate hain. chandra parvat se bhagya rekha uth kar surya parvat ki or ja kar sparsh kare, to jatak 27 se 32 varsh ke bich muslim rashtron men arthoparjan ke lie jate hain, vahan prachur dhan-samman prapt karte hain. aise jatak ko kai bar bare rashtron men bhraman ka prachur saubhagya prapt hota hai. chandra parvat se nikal kar budhonmukhi rekha mukhya rup se yatra rekha hoti hai. durasth rashtron ki yatra karane vali is rekha se koi shakha nikle aur vah anamika ke mul bhag ya surya parvat ki or agrasar ho, to nar-nari videsh yatra kar khyati aur dhan arjit karte hain.
guru parvat aur chandra parvat donon saman rup se ubhre hon aur dekhne men bhi sundar, uthavdar aur mohak lagen, to is parvat ka prabhav yatra men rajkiya samman, gyanopalabdhi ke avasar pradan karta hai. mangal parvat ko sparsh karne vali mukhya yatra rekha mohak aur sundar ho, to jatak sainik, prashasak, rashtranayak, mantri ke rup men athva sahsik karyon ke sandarbh mane videsh pravas ke lie nishchit jate hain. budh parvat par svasthya rekha, bhagya rekha se uth kar, ek bara trikon banati ho, to jatak vyavsayik uddeshya athva shodh karya hetu 40 se 45 varsh ki umra men, lanbe samay ke lie, anya rashtron men pravas ke lie jate hain. bhagya rekha se koi rekha uth kar shukra parvat ki or chal rahi ho, to kala-sanskriti, manoranjan ke lie dur rashtron ki yatra karati hai. chandra parvat par trishul ka chihn ho, to bhi jatak kisi bhi umra men apne kala-kaushal se nishchit hi videsh pravas ke lie jate hain. vahan vah bahut dhanoparjan to karta hai, parantu punah svadesh nahin lautta. uska ant bhi vahin ho jata hai. manas rekha ke ant men trishul ho evan bhagya rekha bhi sabal ho, to jatak teknolaeji athva chikitsa vigyan men anusandhan ke lie sudur viksit rashtron men jata hai. is prakar ki rekha adhikatar daektar, saeftaveyar injiniyar adi ki hatheliyon men parilakshit hoti hai. guru parvat par kamalagatte ka chihn ho, sath hi bhagya rekha se koi rekha uth kar surya parvat ki or jae, to jatak videsh bhraman ka sukh pata hai.