hastarekha v vivah yog kishor ghildiyal kisi vyakti ka vivah kab hoga, patni kaisi milegi, dampatya kaisa rahega ye sare tathya uski vivah rekha men chipe hote hain. yah rekha uske jivan men aham bhumika nibhati hai. ise pranay rekha v sneh rekha bhi kahte hain. samaj men ek bhranti hai ki jitni sankhya men yah rekha hogi, jatak ke utne hi vivah honge. aise anekanek log hain, jinki hathelie men ek se adhik vivah rekhaen hain, kintu unka vivah ya to ek hi bar hua, ya hua hi nahin. vahin aise bhi anek log hain, jinke hath men vivah rekha nahin hai, lekin unka vivah hua hai aur dampatya jivan sukhamay raha hai. atah ukt manyata keval bhram hai, bhram ke siva kuch nahin. kaun rekha kis sthiti men jatak ke vivah paksh ko kis tarah prabhavit karegi iska vishleshan yahan prastut hai. jis jatak ki pranay arthat vivah rekhaen ek se adhik hon uska apni patni ke prati prem gahra hota hai. yadi yah rekha praranbh men gahri aur age chalakar patli ho to aise jatak ka prem dhire-dhire udasinta men badal jata hai iske viprit yadi rekha patli se gahri ho to prem barhta hi jata hai. is rekha par dvip ho to jatak vivah karne men sahamat nahin hota aur yadi kraes ho to vivah athva prem prasang men vighn ki sanbhavna rahti hai. yadi yah rekha age chalakar do shakhaon men bante to jivnsathi algav to ho sakta hai, kintu talak ho yah jaruri nahin. rekha anek shakhaon men bante to prem ka ant s m jh n a chahie. yadi kisi jatak ki iv v a h rekha do bhagon men b n t e aur ek shakha hriday rekha ko chue vyakti ke vivahetar sanbandh hone ki sanbhavna rahti hai. yadi kisi ke shukra parvat par dvip ho aur usse ek rekha budh parvat par jakar samapt hoti ho to is sthiti men bhi vivahetar sanbandh ki sanbhavna rahti hai. yadi koi rekha vivah rekha se akar mile to vaivahik jivan kashtamay ho sakta hai. yadi vivah rekha par koi kala dhabba ho, to patni ka paryapt sukh nahin milta hai. rekhaon ka vishleshan karte samay yah dekhna bhi jaruri hota hai ki jatak ka hath kis parvat se prabhavit hai kyonki uske jivan par uske hathon ke vibhinn parvat bhi rekhaon ki tarah hi prabhav dalte hain. jis jatak ka shani parvat adhik spasht ho usmen vivah karne ki ichcha prabal nahin hoti. yadi chandra parvat se koi rekha akar vivah rekha se mile to aisa vyakti bhogi aur kamasakt hota hai. is prakar rekhaon ke aise bahut se yog hain jo kisi vyakti ke vaivahik jivan ko prabhavit karte hain. ye yog yadi anukul hon to dampatya sukhamay hota hai, anyatha uske kashtamay hone ki prabal sanbhavna rahti hai. pratikul hone ki sthiti men kisi hastarekha visheshagya se paramarsh lekar usmen sudhar lane ka prayas kiya ja sakta hai.
Kya aapko lekh pasand aaya?
Subscribe