kafi jaddo jahad ke pashchat pakistan men hi vahan ke ebtavad jile men ameriki sena ko apne mishan men kamyabi mili. usne 2 mai 2011 ko sadi ke sabse shatir atankvadi ko usi ke ghar men ghusakar mar giraya. islami sangathan ‘al kayda’ ke pramukh sargna ke rup men osama bin laden ek dashak tak duniya ke akhbaron evan patrikaon men charcha ka vishay bana raha. aie, janen is shakhsiyat ke jivan ke kuch tathya, ank shastra ke aine se- oosama bin laden ek aisi shakhsayit, jiski duniya char nanbar se aranbh hokar char ank par hi khatm hoti hai. 10 march 1957 ko janme is shakhs ne pure vishva ko apne astitva ka ehsas dilaya to ek khunkhar atankvadi ke rup men. isi dahashat ka ant 02 mai 2011 ko ameriki kamando ne ‘aepreshan elvis’ ke dauran kar dikhaya.
inke chehre-mohre ko dekhakar kaun kah sakta hai ki vah atanki hoga? vah ek kattar muslman to dikhai deta hai, parantu ek dahashat failane vala ya 11 mai 2001 ko amerika men valrd tred sentar par hue us vidhvanskari hamle ka mastar manid to kadapi nahin, jismen lagabhag 300 ameriki mare gaye. mulank 4 ke sath janma osama is ank ke prabhav ko sanpusht karta hai kyonki is ank se prabhavit jatak mahan krantikari vichardhara vale, vaigyanik pratibha sanpann rajnitigya evan ahankari hote hain. osama bin laden ati vinamra evan saral svabhav ka hone ke karan bolta bhi nahin tha. is lekh men kuch aise ankshastriya tathya dekhne ko milenge jinse spasht ho jata hai ki laden ek shant yuvak se vikat atankvadi sargna kaise bana? jo yah vishvas karne laga ki vah kuvait ko svatantra karane ke lie sena ke netritva ki kabliyat bhi rakhta hai.
turki ke prins ke anusar osama ek sabhya, udar, utsahi v saral svabhav vala yuvak tha. aie, janen, ankon ne laden ke jivan ko kis prakar prabhavit kiya ki uske vyaktitva ki kaya palat hi ho gai. sabse pahle gaur karne vali bat yah hai ki laden ka janm san 1957 men hua jiska mulank = 1$9$5$7 = 2$2 = 4 hai aur mrityu san 2011 men hui is varsh ka mulank bhi = 2$0$1$1 = 4 hi hai. atah laden ki jivan lila ank char se shuru hokar char par khatm ho gai. ankshastra ke anusar 4 ank rahu ka hota hai. 4 ank se prabhavit vyakti purane riti rivajon ke virodhi, kranatikari v nai rah banane vale hote hain.
inke sath aksar chainkane vali ghatnaen hoti hain tatha ve aisi akasmik ghatnaon ke janmadata bhi hote hain. elvis tavar ka dhvans iska sahaj evan sanpusht praman hai. rahu ek daynamait ka kam bhi karta hai. inki kundli men rahu shashtham sthan par baitha hai. atah inhonne apne shatruon ko daynamait ki tarah hi ura diya evan svayan bhi gola barud jo rahu ke karakatva ke antargat hain ke dvara mrityu ko prapt hue. osama bin laden ka mulank 1, bhagyank 8 evan namank 6 hai. inki janmatithi 10 hai jiska mulank 1 banta hai, jiske devta surya dev hain. 1 ank hukumat, prashasan, netritva evan kamandar ka kam karta hai. surya inke karm sthan men baitha hone ke karan osama in sab gunon se yukt hua. karm sthan men surya hone ke karan hi isko antarrashtriya star par khyati bhi prapt hui. osama ka bhagyank ank 8 hai jo ki is prakar hai- bhagyank 10$3$1957 = 1$3$22 = 1$3$4 = 8, jyotish ke anusar ank 8 shani grah ke dvara sanchalit hota hai. shani inki kundli men dharm bhav ka svami hokar saptam bhav men sthit hai evan krur mangal se drisht hai. jiske karan dharm ke prati unki ganbhirta v kattarata dekhte hi banti thi. vah isai, yahudi, hindu adi dharmavalambiyon ka kattar virodhi tha aur vahi kattarata insaniyat ke dushman ke rup men bhi samne ayi.
namank- osama bin laden ka namank is prakar se hai- v ai . d . th p ch s . k m ch 7 3 1 4 1 2 1 5 3 1 4 5 5 16 8 18 7 8 9 tra 24 tra 6, atah inka namank 6 hai. ank 6 ke svami shukra grah hain jo inke lagn ke bhi svami hain evan dasham bhav men surya evan budh ke sath sthit hai. osama ki parvrish ek bahut hi vaibhvshali dhang se hui. inke pita ek rais vyapari the evan saudi arab ke rajsi parivar ke nikatatam the. osama men balyavastha se hi ek sachche dharmanishth muslim ke gun kut-kutakar bhare the. usne arthashastra evan bijnes edministreshan ki shiksha king abdullaj yunivarsiti se prapt ki. 1979 men osama ne sivil injiniyaring ki digri prapt ki. apni shiksha ke dauran bhi osama dharm evan dharmik granthon jaise- kuran evan jaihad adi ki vyakhya men vyast rahta tha.
kavita-lekhan evan samajik karyon men inki ruchi isi dauran jagrit hui. inke shukra, surya evan budh ya kahen 1, 6, 5 ankon ke samanvay ne inke vyaktitva ko prakhrta evan rajnitik chetna bhi pradan ki. aur shani mangal ke drishti sanbandh se inko dharmik kattarata mili. osama laden apne shil svabhav evan satyata ke lie bhi jana jata tha. guru ke pancham men hone ke karan vah dharmik bana evan shiksha, gyan ke prati ruchi rahi. ab ham agar osama ki mrityu tithi par najar dalen to payenge ki vah 02/05/2011 ko ameriki kamandon ke hathane pinjre ke sher ki tarah mara gaya. uske kalkvlit hone ki tarikh ka jor karen to vah 02$05$2011 = 11 = 2 hai aur ank jyotish ke anusar 2 ank chandrama grah ka hai. chandrama evan shani shatru hain. vaise bhi chandrama osama ki kundli men dvitiya bhav men sthit hokar marak ka kam kar raha hai. in tamam tathyon ko dekhne ke bad yah bat jarur spasht ho jati hai ki manav jivan par grahon ki tarah ankon ka prabhav bhi pratyaksh rup se dekha ja sakta hai. jyotishiya drishti se osama mrityu ke samay budh ki mahadsha men budh ki antardasha ketu ke pratyantar se gujar raha tha. budh grah asoma ki kundli men dvitiya bhav ka svami hokar markesh hai evan ketu dvadash bhav men sthit hai atah donon hi grahon ne apna kam kiya aur osama ko mrityu prapt hui.
ankshastriya vivechna karen to bhi osama par ank 4 ke pratinidhi grah rahu ki dasha chal rahi thi. is grah ke karakatva gais, gola, barud hain aur vah inhin sab ka shikar bana. uske janm evan mrityu ki sthitiyon ki jamini sachchai ankon ke sahaj evan pramanit prabhav ko hi darshati hai. pichli kuch shatabdiyon ke bhartiya upmhadvip ke itihas ke jharokhe se bhi yahi samne ata hai ki varsh 57 chahe kisi bhi shatabdi ka ho, jaise 19vi, 18vi, 17vi, 16vi shatabdi ka raha ho usse ek kranti ka jaljla utha tha. itihas sakshi hai pratham bhartiya svatantrata sangram 1857 men praranbh hua jabki angrejon evan bangal ke navab ke bich plasi ki larai 1757 men shuru hui jisne bahut lanbe safar ke bad bharat ko svatantrata ki unmukt vayu men sans lene ka avasar pradan kiya. thik uske viprit 1957 yani 4 ank ke prabhav men janme osama ne jvalamukhi -visfot jaisa tandav to avashya racha lekin bhasmasur se rakt bij bhi ban gaya aur apni maut men vinash ke naye adhyayon ka sutrapat kar gaya jo svayan ab uske rakshakon aur paushkon ka bhakshan kar rahe hain.