bharat men rudraksh mukhyatah bangal evan asam ke janglon men, tatha haridvar evan dehradun ke pahari kshetron men tatha dakshin bharat ke nilgiri maisur aur annamlai kshetra men paya jata hai. nepal men rudraksh ke vriksh adhik pae jate hain. rudraksh ke vriksh samanya rup se am ke vrikshon ki tarah hote hain. am ke patton ki tarah iske patte bhi hote hain. iska ful safed rang ka hota hai iske fal hari abha yukt nile rang ke gol akar men adha inch byas se lekar ek inch vyas ke hote hain. iske hare fal ko agar khaya jae, to falon ka guda khane men kuch khatta sa lagta hai.
is vriksh ke falon ko anek pakshi, bare chav se khate hain, unmen mukhya pakshi nilkanth hai jo adhikatar uttar bharat men paya jata hai. jab ye pakshi kachche fal ko khakar uski guthli jamin par gira dete hain to vah kachcha fal mana jata hai aur kasauti par khara nahin utrta. iske vriksh men hamesha ful aur fal dikhte hain. fal ki guthli par prakritik rup se kuch dhariyan hoti hain aur dhariyon ke bich ka bhag ravedar hota hai.
guthliyon par ari dhariyon se hi rudraksh ke mukhon ki ganna ki ja sakti hai. rudraksh men fal lagne ke ath nau mah ke bad sukh kar kathor ho jata hai aur svatah gir jata hai. inhin danon ko ekatrit kar aur uska chilka alag kar liya jata hai, yahi rudraksh hai. rudraksh ke rang tatha mukh evan usmen bane chidra prakritik rup se hote hain. ye mukhyatah char rangon men paye jate hain.
1. shvet varn rudraksha
2. lal varn rudraksha
3. pit varn rudraksha
4. shyam varn rudraksh. rudraksh ke chote evan kale danon ke vriksh adhikanshtah indoneshiya, men pae jate hain. tatha nepal men bhi iske kuch vriksh hain.
indoneshiya men visheshtaur par 1 mukhi, 2 mukhi aur 3 mukhi paya jata hai. yah rudraksh nepal men bahut kam paya jata hai. islie 1 mukhi, 2 mukhi aur 3 mukhi nepali dana ki kimat jyada hota hai. rudraksh ka mahatva rudraksh ki nitya puja evan, dharan karne se ya vividh rupon men ise upyog karne se ann vastra evan aishvarya ki kami nahin hoti tatha anek bimariyon ko dur karne men rudraksh sahayak hota hai. kisi bhi rang ya kisi bhi kshetra ka rudraksh anek siddhiyon evan rogon ke upchar ke lie upyog men laya ja sakta hai.
rudraksha-pap vritti se dur rakhta hai, hinsak karyo se bachata hai bhut pret evan upri badhanon se raksha tatha pap karmon ko nasht karke punya ka uday karta hai. rudraksh ko dharan karne se buddhi ka vikas hota hai. is lok men sukh bhugtne ke bad shiv lok men jane ka adhikar prapt hota hai.
rudraksh dhari vyakti ki alpamrityu nahin hoti evan rudraksh dirghayu ko pradan karta hai. rudraksh se bhog aur moksh donon prapt hote hain. upyogita mukhyatah rudraksh pandrah prakar ke pae jate hain.
- jismen pratham gaurishankar se lekar chaturdashamukhi tak rudraksh hain, iske anek prakar se labh hain. yun- to rudraksh ko vaigyanik adhar par bina mantra ka uchcharan kie bhi dharan kiya ja sakta hai. kintu yadi shastriya vidhi se rudraksh ko abhimantrit karke dharan kiya jae to ati uttam hai. rudraksh ko abhimantrit karne se usmen vilakshan shakti utpann ho jati hai. iski vidhi yah hai ki kisi yogya pandit se rudraksh ko abhimantrit karaya jae aur fir use upyog men laya jae pratyek rudraksh ke lie granthon men alg-alag mantron ka ullekh milta hai. jo nimn hain
- rudraksh ka adhunik mulyankan rudraksh anek rupon men manav jivan ke lie upyogi hai, ise bhasm banakar upyog men laya jata hai tatha jal shodhit kiya jata hai, ling svarup man kar bhi iski puja hoti hai. ise anguthi men lagakar dharan kiya jata hai, mala banakar gale men dharan ki ja sakti hai. chote danon ko gala, kalai evan kamar men bhi bandh kar ise upyog men laya jata hai. jyotish shastra ke anusar jatak ke grah pratikul hone par rudraksh ki mala dharan karne se grahon ka anukul fal prapt hota hai. vaigyanik adhar par aj rudraksh apni kasauti par khara utar chuka hai aur logon ko anek tarah se labh pradan kar raha hai.
rudraksh ke dane jaise-jaise chote hote hain vaise unki kimat barhti jati hai. parantu ek mukhi evan gaurishankar rudraksh ka bare akar ka adhik mahatva hai tatha kalyug men kala rudraksh atyadhik upyogi evan labhkari mana gaya hai. iski paidavar mukhyatah indoneshiya men hoti hai. rudraksh ke prakar evan upyog ekmukhi rudraksh yah rudraksh sakshat bhagvan shankar ka svarup hai. isse bhukti v mukti donon ki prapti hoti hai. dharak pavitra v papmukt hokar parambrahm ki prapti karta hai. yah atyant durlabh rudraksh hai evan anek karyo men saflta pradan karta hai.
shiv uvach- ¬ namah shrrinu shanmukh tattven vaktre vaktre tatha falam. ekavaktrah shivah sakshadbrahmrahatyan vyapohti.. shivji svayan kartikasvami se kah rahe hain-he sharmukh ! kitne mukh vala rudraksh kis prakar ke fal ko dene vala hai use dhyan se suno ! ekmukhi rudraksh sakshat mera hi svarup hai tatha yah brahmahatya v pap ko dur karne vala hai. ekmukhi rudraksh sarvasiddhi pradata rudraksh kaha gaya hai. yah sattvik shakti men vriddhi karne vala, moksh pradata rudraksh hai. jiske ghar men yah rudraksh hota hai
vahan lakshmi ka sthayi vas ho jata hai tatha uska ghar dhan-dhanya, vaibhav, pratishtha aur daiviya kripa se bhar jata hai. sankshep men yah dharm, arth, kam, moksh ko dene vala chatuvarg pradata rudraksh hai.
upyog se labh
- jo manushya uchchisht athva apvitra rahte hain athva bure karm karne vale hote hain. ve is rudraksh ko sparsh karne se sabhi papon se mukt ho jate hain.
- is rudraksh ko kanth men dharan karne vala mahatvakankshi hota hai aur uske sabhi karya safal hote hain.
- ise sir ke upar rakhakar snan karne se anek ganga snan ka fal prapt hota hai.
- is rudraksh ko dharan karne se sabhi devta aur deviyan svatah hi prasann ho jate hain tatha ichchit fal pradan karte hain.
upyog mantra- ¬ hrin namah. ¬ namah shivay. domukhi rudraksh domukhi rudraksh ko shankar v parvati ka rup mana gaya hai arthat ardhanarishvar rup hai. iske upyog se dharak ke sabhi manorath siddh hote hain. karya tatha vyapar men saflta milti hai yah moksh aur vaibhav ka data hai.
dvivaktro devdevesho govdhan nashyeddhuravam.. domukhi rudraksh sakshat devdevesh ka svarup hai. yah govadh jaise papon se churane vala hai. isko dharan karne vale vyakti ki anek vyadhiyan svatah hi shant ho jati hain. yah rudraksh bhi chatuvarg siddhi pradata hai. anvle ke fal ke barabar domukhi rudraksh samast anishton ka nash karne vala tatha shreshth mana gaya hai.
is rudraksh men purnarup se antagarbhit vidyut tarange n hoti hain. inhin se iski shakti ka pata chalta hai. domukhi rudraksh ke dharan karne se shivabhakti barhti hai aur anek rog nasht hote hain. yah rudraksh kark lagn valon ke lie vishesh upyogi hai.
upyog se labh
- vaidik rishiyon ka yah mat hai ki ise dharan karne se man ko shanti milti hai. uska mukhya karan yah hai ki yah sharir ki garmi ko apne men khinchakar garmi ko svatah bahar fenkta hai.
- yadi domukhi rudraksh ki bhasm ko svarnamachchik bhasm ke sath barabar ki matra men ek ratti subh-sham uchch raktachap ke rogi ko dudh ya dahi athva malai ke sath diya jae to chamatkari prabhav hota hai.
- masurika namak durdamya rog ka nash karne ke lie tin din tak basi jal ke anupat se rudraksh evan kali mirch ka sambhag ek mase se tin mase tak sevan karne se masurika rog samul nasht ho jata hai. upyog mantra-¬ namah. ¬ shivashaktibhyan namah. tinmukhi rudraksh trivaktrognishch vigyaeyah strihatyan ch vyapohti.. tinmukhi rudraksh sakshat agnidev ka svarup hai. yah stri hatya ityadi papon ko dur karne vala hai.
ise pahnne se shit jvar thik ho jata hai. iske dharan se vidyaon ki prapti hoti hai. mandbuddhi balkon ke lie ise dharan karna nitant avashyak hai. nimna-raktachap ke nirakaran hetu ise pahna ja sakta hai. ise satva, raj aur tam tinon trigunatmak shaktiyon ka svarup aur ichcha, gyan aur kriya ka shaktimay rup mana gaya hai. yah brahmashakti v khushhali dilane vala rudraksh hai.
upyog se labh
- tinmukhi rudraksh ke kuch dane tanbe ke bartan men pani dalakar bhigaye rakhen. pratyek 24 ghante ke antral se is rudraksh jal ko khali pet pratah pine se vibhinn charm rogon ke nidan men sahayta prapt hoti hai.
- is rudraksh ko patthar par ghis kar nabhi par lagane se dhatu rog men labh hota hai.
- tin mukhi rudraksh ki mala dvara jap karne se yash prapt hota hai evan kamnaen siddh hoti hain.
- jo manushya uchchisht athva apvitra rahte hain athva bure karm karne vale hote hain. ve is rudraksh ke dharan se sabhi papon se mukt ho jate hain.
upyog mantra- ¬ klin namah. ¬ agnaye namah. charmukhi rudraksh yah brahma ji ka svarup mana gaya hai yah charon vedon ka dyotak hai. manushya ko dharm, arth, kam aur moksh ko pradan karne vala hai. ise dharan karne se mansik rog dur hote hain tatha man men satvik vichar utpann hote hain evan dharm men astha barhti hai.
chaturvaktrah svayan brahma narahatyan vyapohti.. chaturmukhi rudraksh svayan brahma hai tatha yah nar-hatya ityadi jaghanya pap ko dur karne vala hai. yah abhisht siddhiyon ko dene vala param gunkari rudraksh hai.
anukul vidya ko prapt karne men isse sahayta milti hai tatha sadguru ki prapti hoti hai. isko dharan karne se mandbuddhi valon ki bhi buddhi kushagra ho jati hai. yah rudraksh dhanu aur min lagn ke jatkon ke lie atyant labhkari mana gaya hai. aise jatkon ko yah puri tarah labh pradan karta hai.
upyog se labh
- yah rudraksh daektar, injiniyar, adhyapak adi ko bhautik karya karne men sahayta pradan karta hai.
- ise dharan karne se vyarth ki chinta nasht hoti hai tatha yah dharm ki or agrasar karta hai aur saflta deta hai.
- udar tatha garbhashay se raktachap tatha hriday rog se sanbandhit anek bimariyon ke lie charmukhi rudraksh ke kuch dane mitti ki handi men pani dalakar bhigoe rakhen pratyek 24 ghante pashchat yah rudraksh jal khali pet pratahkal pine se nishchit labh hoga.
- charmukhi rudraksh dharan ke pashchat siddhi adi karne par shighra saflta milti hai. upyog mantra- ¬ hrin namah. ¬ brahmane namah. panchmukhi rudraksh yah rudraksh kalagni rudra ka svarup hai iske devta kalagni hain iske upyog se duahkh aur daridra nasht hota hai. punya ka uday hota hai sharirik svasthya prapt hota hai evan yah pap ka nashak hai.
panchavaktrah svayan rudrah kalagnirnam namtah.. panchmukhi rudraksh svayan kalagni namak rudra ka svarup hai, par stri gaman karne se jo pap banta hai tatha abhakshya bhakshan karne se jo pap lagta hai vah sab panchmukhi rudraksh ke dharan karne se nasht ho jate hain.
ismen koi sanshay nahin, yah panchatattvon ka pratik hai tatha anek aushdhi karya men iska upyog hota hai. yah sarvakalyankari, mangalapradata evan ayushyavarddhak hai. mahamrityunjay ityadi anushthanon men iska hi prayog hota hai. yah abhisht siddhi pradata hai. sarvatra sahaj sulabh hone ke karan iska mahatva kuch kam ho gaya hai parantu shastriya drishti se iska mahattva kam nahin hai.
upyog se labh
- panchmukhi rudraksh ki mala par mahamrityunjay ka jap evan gayatri jap shighra siddhi pradan karta hai.
- panchmukhi rudraksh ki mala par ¬ namah shivay ka nitya ek mala jap karne se mantra shighra siddh ho jata hai tatha is mantra dvara kisi bhi karya purti ke lie saflta pai ja sakti hai.
- panchmukhi rudraksh dharan karne se abhakshya-bhakshan aur par stri gaman jaise- jaghanya apradh bhi bhagvan shiv dvara nasht hote hanai. upyog mantra-¬ hrin namah. ¬ namah shivay. chahmukhi rudraksh yah bhagvan shadanan ka svarup hai, iske devta bhagvan kartikey hain isse dharak ki soi hui shakti jagrat hoti hain. yah vidya prapti ke lie shreshth hai tatha atmashakti sankalp shakti aur gyan shakti pradan karta hai.
shadvaktah kartikeyastu dharyeddakshine bhuje. bhrunahatyadibhiah papairmuchyate natra sanshyah.. shatmukhi rudraksh svayan kartikey hai. usko jo manushya apni dakshin bhuja men dharan karte hain, ve bhuranahatya adi se lekar bare papon se chut jate hain.
ismen kuch sanshay nahin hai. gupt shatru evan prakat shatru nasht karne hetu is rudraksh ka bara bhari mahatva hai islie kuch vidvan ise ’shatrunjay rudraksha’ bhi kahte hain. yah bhi sab prakar ki abhisht siddhi ko dene vala kaha gaya hai. chahmukhi rudraksh vrish lagn ke jatak ko atyadhik labh pradan karta hai.
upyog se labh
- pratyaksh evan apratyaksh shatru ke shaman ke lie yah rudraksh atyant mahatvapurn hai. isi karan iska ek nam shatrunjay bhi hai
- vipatti kal men chahmukhi rudraksh ki mala jap karne se vipatti se chutkara milta hai evan piraen nasht hoti hain.
- bare akar ka chahmukhi rudraksh dahini bhuja par (purush) dharan karne se bare se bara pap nasht hota hai.
- chahmukhi rudraksh dharan karne se manushya ki soi hui shaktiyan jagrat hoti hanai. smaran shakti prabal hoti hai aur buddhi tivra hoti hai. yah rudraksh atmashakti, sankalpashakti aur gyanashakti ka data hai.
upyog mantra- ¬ hrin hrun namah. ¬ shadannay namah. satmukhi rudraksh yah sat avaran, prithvi, jal, vayu, akash, agni v andhkar ka svarup mana gaya hai. iske devta saptarishi hain isse lakshmi prapti hoti hai tatha dhan-sanpatti, kirti barhti hai. saptavaktro mahasen ananto nam namtah. svarnasteyan govdhanch kritva papshtani ch.. he mahasen ! saptamukhi rudraksh ’anant’ nam se vikhyat hai. jis manushya ne sone ki chori ki hai, govadh kie hain athva anek prakar ke saikron pap kie hain unko yah pavitra bana deta hai.
yah rudraksh abhisht siddhiyon ko dene vala, pap nashak evan bhumi pradata hai. rachin kal men rishiyon ko yah atyant priya tha aur rishigan prayah iska upyog atyadhik kiya karte the. yah rudraksh vrish, kanya, kunbh lagn ke jatak ko atyant labh pradan karta hai.
upyog se labh
- ise dharan karne se anek viprit ling ke log akarshit hote hain tatha unse sahyog sukh prapt hota hai.
- yah rudraksh dhanagaman evan vyapar unnati men atyant sahayak mana gaya hai.
- satmukhi rudraksh dharan karne s danpatya sukh ki vriddhi hoti hai tatha paurush ko barhata hai.
- satmukhi rudraksh dharan karne se pati-patni ke madhya paraspar sahyog evan samman tatha prem ki vriddhi hoti hai. upyog mantra- ¬ hrun namah. ¬ anantay namah. athmukhi rudraksh ashtamukhi rudraksh ko vinayak ka rup mana gaya hai iske devta vatuk bhairav hain isse dharak ki vighn badhaen dur hoti hain. athon dishaon men vijay prapt hoti hai v kort kachhri ke mamlon men saflta milti hai. ashtavaktro mahasen sakshaddevo vinaykah.. he mahasen ! ashtamukhi rudraksh sakshat ganeshji ka svarup hai tatha yah ashtasiddhi pradata hai. mankutadik aur parastrijanya jo pap hanai ve ashtamukhi rudraksh dharan karne se nasht hote hain. yah rudraksh ganesh rudraksh ke nam se jana jata hai tatha ganesh vishayak anushthanon men shighra saflta pradan karta hai. yah rudraksh min lagn ke jatkon ke lie atyant labhkari mana gaya hai.
upyog se labh
- is rudraksh ki mala par jap karne se ganesh ki siddhi shighra hi prapt hoti hai tatha athane dishaon men vijay pataka lahrata hai.
- yah rudraksh dharan karne se kort kachhri ke mamlon men saflta milti hai sath hi durghatanaon evan prabal shatruon se raksha hoti hai tatha bhut, pret, jinn, pishach adi badhaon se raksha hoti hai - yah rudraksh dharan karne se gurupatni evan dusht stri se kie gae sahvas ka pap nasht hota hai.
- is rudraksh ko dharan karne se samast badhaen nasht hoti hain tatha dharak ko paramapad ki prapti hoti hai.
upyog mantra- ¬ hrun namah. ¬ shri mahagnadhiptye namah. naumukhi rudraksh yah rudraksh navashakti se sanpann hai iske devta bhagvti durga hain isse dharak ko nau tirthon-pashupti, muktinath, kedarnath, badrinath, jagannath, somnath, parsnath, vaidyanath, dvarka adi tirthon ka fal prapt hota hai ise dharmaraj ka svarup mana gaya hai. ise dharan karne se virta, sahas aur karmathata men vriddhi hoti hai. navman bhairvannam kapilavarnan muktidan smritam. dharnadvamahaste tu mam tulyo bhavennarah..
naiamukhi rudraksh ka nam bhairav hai, kapilavarn hai jo manushya apni vam bhuja men ise dharan karte hain ve bhairav tulya ho jate hain vastutah ’bhairvnamk’ navmukhi rudraksh nav prakar ki nidhiyon ka pradata hai. yah sabhi abhisht vastuon ka pradata hai. yah navdurga, navagrah, nav-nathon evan navdha bhakti ka pratik hai. yah sabhi abhilshit vastuon ka pradata hai. navmukhi rudraksh ko laksha-hajar papon ko nasht karne vala kaha gaya hai.
upyog se labh
- naumukhi rudraksh dharan karne se tantrik siddhiyan shighra prapt hoti hain tatha tantra kshetra ka gyan barhta hai.
- naumukhi rudraksh ko bayin bhuja par dharan karne se vyakti ko bhairvsiddhi prapt hoti hai tatha vah vyakti tan, man se sada pavitra rahta hai.
- naumukhi rudraksh ki mala par navratri men navarnamantra ka jap karne se mantra siddh ho jata hai evan man bhagvti ki kripa prapt hoti hai. isi mala par shubh muhurt men bhairvmantra ka jap karne se bhairav kripa prapt hoti hai.
upyog mantra- ¬ mahabhairvay namah. ¬ hrin hrun namah. dashmukhi rudraksh yah bhagvan vishnu ka svarup hai
iske devta bhagvan vishnu hain isse sarva grahshant hote hain grah badha ke karan yadi bhagya sath n de to avashya dharan karen yah dharak ko betal, pishach, brahm, rakshas adi ke bhay se nirbhayata pradan karta hai.
dash vaktro mahasen sakshaddevo janardanah.. he mahasen ! dashmukhi rudraksh sakshat janardan arthat vishnu ka svarup hai dashmukhi rudraksh ke dharan karne se manushya ke sarva grah shant rahte hain aur pishach, betal, brahm, rakshas, sarp ityadi ka bhay nahin hota.
aisi manyata hai ki bhagvan vishnu ke dason avtaron ki shakti ismen sannihit hoti hai. yah rudraksh sabhi prakar ki badhaon ka nash kar, sukh, shanti v samriddhi ka pradata hai. yah rudraksh mithun evan kanya lagn ke jatkon ke lie atyadhik labhkari mana gaya hai.
upyog se labh
- dashmukhi rudraksh dharan karne se laukik evan par laukik kamnaen purn hoti hain tatha samajik kirti evan samman prapt hota hai.
- dashmukhi rudraksh dharan karne se dashon indriyon se kiya gaya pap nasht hota hai tatha punya ka uday hota hai.
- dashmukhi rudraksh samajsevak, vakil, neta, kalakar, kavi, lekhak, krishak adi ke lie dharan karna labhdayak mana gaya hai.
- dashmukhi rudraksh kshatriya varn ke purushon ke lie virta pradan karta hai evan unke karyon ki saflta hetu sahyog pradan karta hai. upyog mantra- ¬ namo naraynay. ¬ hrin hrun namah. gyarhmukhi rudraksh indra ko iska pradhan devta mante hain yah rudraksh gyarah rudron ki pratima hota hai iske dharan karne se sada sukh men vriddhi hoti hai. ekadshasyo rudra hi rudrashchaikadash smritaah. shikhayan dharyennityan tasya punyaflan shrrinu.. he skand ! barhmukhi rudraksh ekadash rudron ka hi svarup hai.
is rudraksh ko sakshat shiv ka prasad samajhakar jo vyakti mastak men dharan karke ya shikha sthan men bandhakar rakhte hain unhen hajar ashvamedh-yagya karne ka fal, sau vajpey-yagya karne ka fal aur grahan men dan karne se jo fal prapt hota hai vah fal is rudraksh ko vidhivat pujan kar dharan karne se hota hai. yah rudraksh vrishchik lagn vale jatkon ke lie dharan karna shubh falkarak hota hai.
upyog se labh
- gyarhmukhi rudraksh ekadshi men sikha ya sir par dharan karne se vishnu bhagvan prasann hote hain aur ashvamedh yagya ka fal pradan karte hain.
- vandhya stri yadi vishvas purvak dharan kare to use santanvti hone ka saubhagya prapt hota hai.
- gyarhmukhi rudraksh dharan karne se maharudra, virabhadra prasann hote hain tatha ichcha purti karte hain.
- mastishk sambandhi vikaron se pirit vyaktiyon tatha mastishkiya karya karne vale logon ko shakti prapt hoti hai.
upyog mantra-¬ hrin hrun namah. ¬ sarvebhyo rudrebhyo namah. barhmukhi rudraksh yah bhagvan vishnu ka svarup hai iske devta barah surya hanai. iske dharan karne se donon lokon men sukh ki prapti hoti hai. go hatya manushya hatya v ratnon ki chori jaise pap iske upyog se nasht hote hain. nashyanti tani papni vaktradvadshdharnat. adityashchaiv te sarvo dvadshaiv vyavasthitaah..
dvadshmukhi rudraksh dharan karne se sabhi pap nash ho jate hain kyonki surya adi se lekar sanpurn aditya dvadshmukhi rudraksh men vas karte hain. islie un manushyon ko chor, agni ka bhay tatha anek prakar ki vyadhi nahin hoti aur ve arthavan hote hain yadi daridra bhi hon tab bhi bhagyavan ho jate hain
hathi, ghora, harin, bilav, bhainsa, shukar, kutta, shringal (siyar) arthat darh vale sabhi prakar ke pashu vagaira un manushyon ko badha nahin pahuncha sakte. is rudraksh ko danton ki sankhya ke barabar arthat (32) ki mala kanth men dharan karne par go-vadh, manushya-hatya evan chori karya ka pap nasht ho jata hai. yah sab prakar ki badhaon ka kilan karne vala ‘adityarudraksha’ nam se jana jata hai.
upyog se labh
- yah rudraksh daridrata ko nasht karta hai sabhi prakar ke bhayanak pashuon se raksha karta hai.
- is rudraksh ki danton ki sankhya ke barabar ki mala kanth men dharan karne se go-vadh, manushya evan chori jaise pap nasht hote hain. - barhmukhi rudraksh dharan karne se sabhi prakar ki badhaen nasht hoti hain mansik evan sharirik pira se chutkara milta hai. upyog mantra- ¬ kraun kshaun ren namah. ¬ dvadshadityebhyo namah. terhmukhi rudraksh yah rudraksh svami kartikey ke saman hai
yah sanpurn kamnaon evan siddhiyon ko dene vala hai. niahsantan ko santan pradan karta hai tatha sabhi karyon men saflta pradan karta hai. trayodshasyo rudraksho sakshaddev purandar.. he vats ! trayodshmukhi rudraksh sakshat indra ka svarup hai. jo manushya terhmukhi rudraksh ko dharan karte hain
unki sanpurn manokamna siddh hoti hai tatha ve atul sanpatti ke malik hote hue bhagyavan hote hain. isko dharan karne vala vyakti sanpurn dhatuon ki rasaynik siddhi ka gyata ho jata hai. yah rudraksh samast prakar ki shakti siddhiya ko dene vala hai. yah rudraksh tula lagn vale jatkon ke lie dharan karna shubhkarak hota hai.
upyog se labh
- terhmukhi rudraksh dharan karne vala vyakti sabhi prakar ki dhatuon evan rasayan adi ki siddhi ka gyata hota hai.
- yah rudraksh dharan karne se vishvadev prasann hote hain tatha karoron mahapatak nasht ho jate hain.
- yah rudraksh dharan karne se vyakti pratapi evan tejasvi hota hai tatha sampurn manokamnaen safal hoti hain.
- terhmukhi rudraksh aushdhi-vigyan, rasayan kshetra, dhatu karya adi se jure hue vyapariyon ko dhan evan vaibhav pradan karta hai.
- is rudraksh ki mala par tantrik mantron ka jap karne se tantra kriya siddh hoti hai.
upyog mantra- ¬ hrin namo namah. ¬ indray namah. chaidhmukhi rudraksh yah svayan bhagvan shankar ka sarvapriya rudraksh hai yah hanuman ji ka svarup hai. yah chaidah vidya, chaidah lok, chaidah manu, ka sakshat rup hai. ise dharan karne se sabhi papon se chutkara milta hai v samast vyadhiyan shant ho jati hain tatha arogya ki prapti hoti hai. ke lie labhkari hota hai. jo manushya rudraksh ko mantra sahit dharan karte hain ve rudralok men jakar vas karte hain tatha jo mantra rahit rudraksh dharan karte hain ve ghor-narak ke bhagi hote hanai.
upyog se labh
- chaidhmukhi rudraksh dharan karke hanuman ji ki upasna karne par paramapad ki prapti hoti hai
- yah rudraksh dharan karne se shani aur mangal ki arisht shanti hoti hai tatha dusht shatruon ka nash hota hai.
- is rudraksh ki mala par bhagvan purushottam ke mantron ka jap karne se vaikunth ki prapti hoti hai tatha sadachar bhavna utpann hoti hai. - is rudraksh ko vidhi purvak dharan karne se karagar jane ka bhay nahin rahta hai. upyog mantra- ¬ hanumte namah. ¬ namah. pandrahmukhi rudraksh yah bhagvan pashupti ji ka svarup hai. yah dharan karne vale ke jane-anjane kie gae papon ko svatah hi nash kar deta hai. yah dharak ko adhyatmik star par uthakar use sukh, sanpda, dhan, man pratishtha evan parivarik sukh shanti pradan karta hai.
purva janm men kie hue papon ka nash karta hai jisse is janm men bhagya ka sath prapt hota hai. upyog se labh: yah nakaratmak urja ko samapt tatha sakaratmak urja ki vriddhi karta hai, jisse vyakti din pratidin unnati karta hai. is rudraksh ko gale men dharan karne se achche sanskaron ka uday hota hai, galat adten chutti hain aur jivan men sachchi shanti prapt hoti hai.
is rudraksh ko purnima ke din dharan karne se mansik tanav se mukti milti hai, manokamnaen purn hoti hain aur manobal men vriddhi hoti hai. upyog mantra: ¬ pashuptinathay namah ganesh rudraksh yah ganesh ji ka param svarup hai. ise dharan karne se jivan men unnati ke marg men ane vali sanpurn badhaon ka shaman hota hai aur buddhi ka vikas hota hai. dharan karne vale ke karya kshetra men unnati hoti hai, samaj men man pratishtha barhti hai.
bauddhik karya karne chaturdashasyo rudraksho sakshaddevo hanumtah. dharyenmudhni yo nityan s yati parman padam.. chaturdashamukhi rudraksh hanuman ka svarup hai. jo manushya nitya prati apne mastak par dharan karte hain ve param pad ko prapt hote hain. is rudraksh ko pahnne se shani mangal dosh ki shanti hoti hai tatha dushtajanon ka nash hota hai. yah ’hanuman rudraksha’ nam se prasiddh hai tatha sakal abhisht siddhiyon ka data hai. yah rudraksh mesh aur makar lagn vale jatkon vale logon ke lie yah rudraksh bahut upyogi hota hai.
upyog se labh:
ganesh rudraksh ko dharan karne se man sthir hota hai, sakaratmak urja ka vikas tatha nakaratmak urja ka hras hota hai. ise dharan karne se parikshaon men achchi saflta prapt hoti hai. parhai men man lagta hai aur buddhi kushagra hoti hai.
jin logon ke karya men bar-bar badhaen ati hon, kam n banta ho unhen yah rudraksh dharan karne se labh hota hai. upyog mantra: ¬ gan ganptye namah gaurishankar rudraksh yah shiv parvati ka svarup hai.
ise ghar, puja grih athva tijori men rakhne se mangal kamna siddhi hoti hai. ise upyog men lane se parivar men sukh-shanti ki vriddhi hoti hai vatavaran shuddh bana rahta hai. gale men dharan karne se santan sukh ki prapti hoti hai.
upyog se labh
- gaurishankar rudraksh dharan karne se abhakshya-bhakshan aur par tri gaman jaise- jaghanya apradh bhi bhagvan shiv dvara nasht hote hanai.
- ise dharan karne se grihasth jivan men pati-patni ke madhya prem tatha vishesh sukh shanti prapt hoti hai.
- yah rudraksh dhanagaman evan vyapar unnati men atyant sahayak mana gaya hai.
- gaurishankar rudraksh dharan karne se purushon ko stri sukh prapt hota hai tatha paraspar sahyog, samman tatha prem men vriddhi hoti hai.
- yah rudraksh shivabhakti ke lie adhik upyogi mana gaya hai, bhagvan shiv aur man shakti is rudraksh men nivas karte hain.
gaurishankar ka mantra- ¬ gaurishankrabhyan namah. nirdesh: pratyek rudraksh men antagarbhit vidyut tarangen hoti hain. tatha in antagarbhit vidyut tarang shakti ka pata uski dhariyon ki sankhya ke anusar chalta hai. alg-alag mukh alg-alag parinam ko dene vale hote hain tatha unko ek vishisht nam se bhi sanbodhit kiya jata hai.
rudraksh samanyatah ikkis mukh tak pae jate hain parantu gaurishankar rudraksh ko sarvasiddhi pradata rudraksh kaha gaya hai. yah satvik shakti men vriddhi karne vala evan moksh pradata hai. jiske ghar men yah rudraksh hota hai vahan lakshmi ka sthayi vas ho jata hai tatha uska ghar dhan-dhanya, vaibhav, pratishtha aur daiviya kripa se bhar jata hai. sankshep men yah dharm, arth, kam, moksh ko dene vala chatuvarg pradata rudraksh hai. gaurishankar rudraksh men do rudraksh ke dane paraspar jure hote hain.
gaurishankar rudraksh sabhi lagn ke jatkon ke lie shubh mana gaya hai ise dharan karne se anek labh hote hanai. pandrah se ikkis mukh ke dane prayah durlabh hote hain. kuch chalak vyakti do rudrakshon ko katakar safai se vapas jorakar unke kai mukh bana dete hain isi prakar se kai log gaurishankar rudraksh bhi bana dalte hain. shastrakaron ne chaidah mukh tak ke rudraksh ka hi varnan kiya hai. shivpuran evan rudrakshajabalopnishad rudraksh ke fal mahatva evan upasna hetu pramanik granth mane jate hain.
ekmukhi se chaidhmukhi paryant evan anya sabhi rudrakshon ki pujan evan dharan vidhi: yathashakti kisi ki rudraksh ko sone ya chandi men marvakar ya bina marvae, somvar athva brihaspativar evan mahashivratri adi parva ke dinon men sone athva chandi ki janjir ya keval lal ya kale dhage men dharan kar sakte hain.
pratah kal ke samay rudraksh ko pavitra avastha men gangajal tatha kachche dudh se dhokar chandan ka lep karke dhup evan dip se pujan karke, panchakshar mantra ¬ namah shivay ki ek mala jap karke purva ya uttar ki or mukh karke shraddha-vishvas purvak dharan ren. vishesh: yadi koi sadhak in rudrakshon ke vishisht mantron ka jap karna chahe to rudraksh dharan karne se purva apni suvidha anusar kisi bhi mantra ka jap kar sakte hain.