gomed  

gomed ratn parichyah gomed ko sanskrit men gomedak, pigasfatik, pitaraktamani, tamomni, rahu ratn, angreji men aiget, chini men pili, bangla men modit mani, arbi men hajar yamni kahte hain. rangah yah lal liye hue pile rang ka paradarshak chamkila ratn hota hai. iska rang shahad jaisa bhura hota hai. gay ke mutra ke rang ka hone ke karan ise gomed kaha jata hai. kyonki gomutra ka apabhransh rup hai gomed. gomed se labhah dharan karne valon ke bhram ka nash karta hai. nirnay lene ki shakti pradan karta hai. atmabal ka sanchar karta hai. daridrata mita kar atmasantushti deta hai. shatru par vijay hoti hai. vah ajat shatru ban jata hain. saflta sugmta se milti hai. nasha, parastri/prpurush dara gaman evan apaharan jaisi buri adat men shighra sudhar karta hai. pachan ke sthan ke mukhya ang amashay ki garbri ko dur karta hai. abhadra khadya vastu ko tyagne ki bhavna ka sanchar karta hai. vivah sanskar men ane vali badha ko dur kar shighra shadi karvata hai. santan badha ko dur kar shighra santan pradan karta hai. jivan ki badha ko dur kar vyakti ko vikas path par svatah agrasar karvata hai. jyotishiya ankln: vyakti par iska asar shighra hota hai. videshi matanusar gomed agast men janme vyakti ka jivan ratn hota hai. 15 farvri se 15 march, yani kunbh ke surya men janme vyakti ko yah ratn avashya dharan karna chahie. ank vigyan (nyumrolaeji) ke anusar 4, 13, 22 evan 31 tarikh ko janme vyakti ko gomed dharan karna chahie. kanya rashi aur kanya lagn valon dvara gomed dharan karne se unka man prasann rahta hai, chinta dur rahti hai. ratn ki pran pratishtha hone par iski daivik shakti men char chanad lag jate hain. gomed ka bhautik gun: yah loha evan jasta tatha anya dravyon ka mishran hai. lohe ka ansh adhik hone par gomed ko chunbak khinch leta hai. pratham varga: yah gomed prasiddh hai. iske do rang hain- pila aur shvet. yah sarlta se tarasha nahin ja sakta hai. ismen apurva chamak hoti hai. yah samanya jan ke lie sulabh nahin hai. dvitiya varga: yah bhura rang lie hota hai. ismen anya gun pratham shreni ke hi paye jate hain. gaya ka gomed, jo sansar men prasiddh hai isi varg ka gomed hai. tritiya varga: ismen hare rang ki jhaniyan hoti hain. yah bhure aur narangi rang men bhi paya jata hai. prapti sthan: lanka, bharat, thaidesh, kanbodiya, maidagaskar. gomedak uparatna: tursab, jirakan, tussa aur safi. iske atirikt trinkant bhi hai. yah kahva per ka gond hai, jo samay pa kar patthar ka rup le leta hai. yah pila, chamkila aur sundar hota hai. gomed dharan karne ki vidhi: gomed kabhi bhi sava char ratti se kam ka nahin dharan karna chahie. rahu, mithun rashi me uchch aur dhanu rashi men nich mana jata hai. yah kanya rashi men rahta hai, atah 6, 11, 7, 10 ratti ka dharan kar sakte hain, parantu 9 ratti ka kabhi bhi dharan n karen. ratn ke abhav men: ratn ke abhav men safed chandan, nile dore men bandh kar, gale men dharan karen.