pra.- kisi bhi karyalay ke nirman hetu kis tarah ka bhukhand labhaprad hota hai?
u.- kisi bhi karyalay ko viksit karne ke purva bhukhand ka chayan avashyak hai. karyalay ke lie aytakar ya vargakar bhukhand ka chayan sarvashreth hota hai. ishanya vriddhi bhukhand par bhi karyalay ka nirman labhaprad hota hai. bhukhand ke dakshin aur pashchim men bari-bari imarten, per-paudha tatha uttar aur purva men khula maidan, dariya, talab ya kritrim pani ka sthan, karyalay ke samriddhi men char chand lagata hai.
arthat dhan-dhanya, daulat sanpatti men badhottari kar sukh aur aishvarya ki vriddhi karta hai. karyalay ke uttar, uttara-purva evan purva disha men adhik se adhik tatha dakshin aur pashchim disha men kam se kam khuli jaghane rakhna labhaprad hota hai.
pra.-karyalay ka pravesh dvar kis sthan se rakhna shubh falaprad hota hai?
u.-karyalay ka pravesh dvar uttar, purva ya uttara-purva disha ki or se rakhna chahie. pravesh dvar par kisi prakar ki rukavat evan vedh n rahe.
pra.-karyalay men mukhya adhikari ya prabandh nideshak ko kis sthan par baithakar karya karna chahie?
u.-mukhya adhikari, prabandh nideshak ya svami ko bhavan ke dakshin-pashchim men baithakar karya karne ke lie jagah nirdharit karni chahie. karyalay ke svami ka kaksh sabse bara arthat anya kamron se bara hona chahie. karyalay svami ya mukhya vyakti ko baithne ke lie sabse upyukt sthan kaksh evan kamre ke dakshin-pashchim ki disha men hota hai. is sthan par baithakar karya karne se uchit nirnay lene ki kshamataon evan shaktiyon men vriddhi hoti hai.
dimagi karya dvara logon ki seva karne vale vyakti jaise- daektar, vakil, jyotishi, profesar evan adhikarigan ko vastu shastra ke nirdeshon ke anusar hamesha kaksh ke dakshin-pashchim disha men purvabhimukh hokar baithna chahie tatha vastu ka kray-vikray karne vale vyaparigan ko adhik sanpannata ke lie uttarabhimukh hokar baithna chahie.
pra.-karyalay men mukhya adhikari ko bim ya shahtir ke niche baithakar karya karna chahie?
u.-mukhya vyakti ya padadhikari ko bim, shahtir ya silli ke niche baithakar karya nahin karna chahie. iske niche baithakar karya karne par karyon men gatirodh ata hai tatha vyakti tanavagrast rahta hai. shahtir athva bim chaton ka bhar apne upar uthaye rahta hai, atah inke upar asadharan bhar rakha hota hai. vajan niche ki disha men gurutvakarshan ke niyam ke anusar karya karta hai.
falasvarup asadharan gurutvakarshan bal shahtir ya bim ke niche baithakar karya karne vale vyaktiyon par bhi parta hai. iske karan kafi asahaj sa mahsus hota hai. falasvarup karya thik se nahin ho pata evan asafal hone ki sanbhavna bani rahti hai.
jivan men jarurat hai jyotishiya margadarshan ki? abhi bat karen fyuchar point jyotishiyon se!