pichle mahine pandit ji karnal men rah rahe ek samriddh vyavsayi parivar ke yahan vastu parikshan karne gae. unse milne par unhonne bataya ki jab se ve apne nae ghar men ae hain unke putra ke jivan men ek ke bad ek samasya khadi ho gai hai. uska svasthya bahut kharab rahta hai. kafi bar aspatal men bharti hua hai. sehat kharab hone ki vajah se unke vyavsay men asthirta utpann ho gai hai. unka ek beta tatha ek beti hai. bete ki shadi kuch varsh pahle ki thi parantu santan hone men bhi rukavten a rahi hain. beti ki bhi shadi ho chuki hai parantu bhai ke svasthya ko lekar vah bhi kafi chintit rahti hai jiski vajah se use maigren ki samasya ho gai hai. vah akele hi pure parivar ka palan poshan kar rahe hain jiski vajah se kafi hatotsahit ho chuke hain. bimari par atyadhik kharchon ki vajah se ghar men arthik samasyaen ho gai hain. vastu parikshan karne par pae gae dosh: - unke ghar ke uttar, uttara-purva men sidhiyan bani thin jo ki vanshvriddhi, arthik v mansik pareshaniyon ka karan hoti hain. - uttar men rasoi bani thi tatha rasoi ke uttar men gais tatha dakshin purva men sink bana tha jo vaicharik matbhed, bhari kharch v mansik tanav ka karan hoti hai. - uttara-pashchim ka kona band tha jo ki jivan men utsah ki kami, nirasha tatha pareshaniyon ka karan hota hai. - uttara-pashchim badha hua tha. - dakshin-pashchim men dvar tha. - ghar ke uttara-purva men saiptik taink tha. sujhav: - uttara-purva men bani sidhiyon ko laebi ki dakshin ki divar ke sath banane ko kaha gaya. - rasoi ko dakshin-purva men baithak ki jagah banane ki salah di gai. - uttara-pashchim men bane vashing eriya ki chat hatane ki salah di jisse vah kona khul sake. - dakshin-pashchim ke darvaje ko andar ki or se tin fut unchi divar banakar band karne ko kaha gaya. - uttara-purva men bane saiptik taink ko purva men sthanantrit karaya gaya. pandit ji ne unhen ashvasan diya ki sabhi sujhavon ko karyanvit karne ke pashchat unke jivan men sukh shanti badhegi tatha bete ke svasthya men bhi badhori hogi.
Kya aapko lekh pasand aaya?
Subscribe