kuch upyogi totke chote-chote upay har ghar men log jante hain, par unki vidhivat jankari ke abhav men ve unke labh se vanchit rah jate hain. is lokapriya stanbh men upyogi totkon ki vidhivat jankari di ja rahi hai. ghar se gaye prani ko vapas bulane hetu: pratah kal snan karke ghar se gaye hue prani ka nam ek kagaj par likhen aur ek ate ka dipak banakar usmen sarson ka tel bharakar rui ki bati dalakar use jala den. dipak ke niche namak rakh den. is prakar se yah kriya manglvar se praranbh kar 43 din tak karen. dhup dip se pujan kar us sthan par hanuman chalisa ka 11 bar path karen. uske bad shri hanuman ji se use ghar vapas ane ki prarthana karte rahen. gaya prani vapas ajaega. shanivar ke din sarson ka tel kisi bare bartan men dalakar usmen apni chaya ko dekhen. ghar ke sabhi sadasya fir tel men ate ke gulgule banakar garibon ko bant den. isse shanidev ka prakop thanda ho jaega. yah kriya 7 shanivar karen. bhut pret bhagane ke lie yah dhumni ghar men den. sanp ki kenchuli ko pisakar usmen vach, hing tatha sukhi nim ki paÿiayon ke mishran ko gay ke uple par dalakar lohvan, gugal ka bhi mishran milakar ghar men manglvar se mitti ke sakore par rakhakar ghar men is dhumni ko ghumaen. aisa karne se bhut-pret v anya sabhi badhaen dur ho jaengi kale dhature ki jar ko itvar ke din baju men bandhakar pahnne se badha hat jati hai. mundi-gokhru aur binaula sam bhag lekar tatha gomutra men pisakar jo brahma-rakshas se grast hai, use sungha den, to brahm rakshas ka dosh mit jata hai. madirapan churane hetu kataila uparatn ki mala dharan karen. isse man men shuddh vichar ane lagte hain. jinhen bhut-pret athva kharab svapn dikhai dete hain, vah hath ki ungli men lahsuniyan dharan karen. isse aise svapn tatha vikar dur ho jate hain. jo mansik rup se pareshan hain tatha pagalapan ki avastha men a jate hanai, use hath ki ungli men moti ki anguthi pahna dene se labh hota hai. jinhen santan nahin hoti hai ya jo putra ke ichchuk hain ve pukhraj dharan karen. itvar ya ravi pushya yog men tulsi patra, kali mirch 8-8, inko sahdei ki jar milakar tinon ko pisakar tabij men bharakar dahini bhuja men manglvar ke din bandhne par badha se chutkara mil jata hai.
Kya aapko lekh pasand aaya?
Subscribe