bhartiya chikitsa shastra ke anusar ayurved, jo atharvaved ka upang hai, brahma dvara ashvini kumaron ko sikhaya gaya, unhonne yah gyan indra ko diya aur indra ne dhanvantari ko sikhaya. dhanvantari ne muniyon ko yah gyan diya. bhartiya chikitsa paddhati men ayurved ke anusar kisi bhi vyakti ka svabhav ya sharir ki sanrchna vat, pitt v kaf par nirbhar karti hai.
rasaynik prakriya sharir ki bhautik v mansik kriyaon par niyantran rakhti hai. charak sanhita ke anusar tridoshon ki sharir men sthiti is prakar hai: kamar, janghon, pairon, haddiyon v bari ant par vat ka, rakt, pasina, ras, lasika v choti ant par pitt ka, chati, sir, gardan, joron v anton ke upri hisse v vasa par kaf ka prabhav rahta hai. vyakti ke sharir men vat, pitt aur kaf men kiski adhikta hogi yah us vyakti ke grahon ke ank par nirbhar karta hai. jab tinon men se kisi bhi ek men badhotri hoti hai to svasthya par uska asar avashya parta hai. jyotish men tanu bhav se jatak ka svasthya dekha jata hai. ank vidya men mulank tanu bhav ka pratinidhitva karta hai. ank jyotish men svasthya ka adhyayan tin adharon par kiya jata hai. - janm tithi men ‘mulank’ adhar - janm mah men ‘surya sankranti’ adhar -. ‘nam ank’ adhar janm tithi men ‘mulank’ adhar mulankon ka svami grah tridoshon ko sharir men kis prakar darshata hai ise talika 1 se dekhen:
mulank 1 (pitta) rog: mulank 1 vale vyakti ka svasthya multah pitt ke ghatne-barhne par nirbhar karta hai. use hriday rog, sir dard, dant sanbandhi rog, netra rog, mutra rog adi ho sakte hain.
upay - namak ka prayog kam karen. - shram vala karya karen. - mukta pishti ka prayog karen. - rat ka khana der se n khaen.
mulank 2 (kaf) rog: is mulank ke logon ko udar vikar, gais ke rog, anton men sujan, tyumar, mansik durbalata, fefron sanbandhi rog adi ho sakte hain.
upay - khane men khira, shalajam, tarbuj, sarson ka sag, bandgobhi v kele prayog karen. - chinta nivaran hetu sote samay palang ke sirhane kisi bartan men jal rakhakar soen aur pratah vah jal paudhon men dal den. - rat men dudh nahin pina chahie. - subah kali mirch v shahad mila kar khaen. - kaefi v tanbaku ka prayog n karen. - chach ya lassi pikar pet saf rakhen. - ninbu pani pien.
mulank 3 (kaf) rog: inhen tantrika (snayu) sansthan ke rog, pith tatha pairon men dard, saitika tatha charm rog, gais, haddiyon men dard, gale ka rog aur lakva hone ka bhay rahta hai.
upay - mukhyatah seb, cheri, anar, anannas, angur, anjir, kesar, laung tatha badam ka sevan adhik karen. - farvri, jun, sitanbar v disanbar men svasthya ka vishesh dhyan rakhen. - lahsun v adarak ka prayog kam karen. - gajar ka ras pien, gulkand khaen.
mulank 4 (vat) rog: shvas rog, hriday rog, raktachap, tangon men chot, anidra, rakt ki kami, siradard, pith dard, netra rog adi.
upay - palak ka niyamit sevan karen. - janvri, farvri, julai, agast v sitanbar men svasthya par adhik dhyan den. - falon ka ras pien par din men fal n khaen. falon ka prayog suryast ke bad karen. - hari sabjiyan, ankurit mung adi ka sevan karen.
mulank 5 (vat) rog: apach (badhjmi), mansik tanav, siradard, jukam, kamjor drishti, hathon men dard, kandhon men dard, lakva jaise rog ho sakte hain.
upay - gajar ka adhik sevan karen - jun, sitanbar evan disanbar men svasthya kshin hone ki sanbhavna - ganesh ji ki upasna karen.
mulank 6 (kaf) rog: gale, gurde, chati, mutra-vikar, hriday rog evan guptangon ke rog, madhumeh, pathri, fefron ke rog adi ki sanbhavna rahti hai.
upay: jneu ka prayog karen. - mai, aktubar, navanbar men svasthya kshin. - ankurit khana khaen. - dahi ka kam prayog karen, mithai kam khaen.
mulank 7 (kaf) rog: apach (badhjmi), pet ke rog, ankhon ke niche kale dhabbe, siradard, rakt vikar adi ki sanbhavna rahti hai. fefre sanbandhi rog, charm rog, 45 varsh uprant smriti kshin hone ki sanbhavna bhi rahti hai.
upay - seb aur falon ke ras ka sevan karen. - janvri, farvri, julai, agast men svasthya kshin hone ki sanbhavna rahti hai atah in mahinon men svasthya ka dhyan rakhen. - khana samay par khaen, kam ke karan khana n choren. - vitamin di v i ka prayog karen. - niyamit rup se sair par jaen.
mulank 8 (vat) rog: livar rog, shvas rog, vat rog, rakt vikar, mutra rog adi ki sanbhavna hai. inhen avsad (dipreshn) ki adhik sanbhavna rahti hai. lakva ho sakta hai tatha shravan shakti ka kam hona sanbhav hai.
upay - palak, kele, khire, sag-sabjiyon v falon ka sevan karen. - mans ke sevan se bachen. - janvri, farvri, julai, sitanbar v disanbar men svasthya kshin hone ki sanbhavna rahti hai atah in mahinon men svasthya ka dhyan rakhen. - janeu ka prayog karen. - vitamin e, di, i, kailsiyam aur airan len.
mulank 9 (pitta) rog: inhen udr-vikar, ag se jalne, mutra pranali men vikar, jvar, siradard, dant dard, pails, rakt vikar, charm rog ki sanbhavna rahti hai. dekhne men sharir svasth lagne par bhi kamjori ho sakti hai.
upay
1. janeu ka prayog karen.
2. chuhare aur dudh ka sevan karen.
3. subah sair par jaen.
4. din men pyas lagne par falon ka ras pien.
5. visfotak samagri tatha patakhon se dur rahen.
mishrit prabhav:
mulank 1 men dinank 28 ko dekhen to usmen tin ankon ka prabhav rahega. ank 2 kaf (chandra), ank 8 vat (shani) aur 2$8 =10=mulank 1 pitt. arthat dinank 1 vale vyakti par pitt ka prabhav rahega par dinank 28 vale par ank 2, 8 evan 1 ka prabhav dekhne ko milega. janm mah men surya sankranti adhar bhartiya mat ke anusar nirayan paddhati men surya har mah nishchit dinank par rashi badlta hai. jis mah men jis rashi men surya pravesh karta hai us sankranti ka nam bhi vahi hota hai.
surya 14 janvri ko makar rashi men pravesh karta hai to 14 janvri se 13 farvri tak makar sankranti ka fal dekhenge. makar ka mah ank 8 hai v uska svami shani hain atah jatak ko shani grah se sanbandhit rog ho sakte hain talika 2 men ham surya sankranti svasthya ank dekh sakte hain. surya sankranti svasthya rashi fal
ank 9 mesh (13 aprail se 12 mai) mastak men chot lagne, sir dard, jvar, gurde, udar (pet) vikar evan adhik ayu men raktachap hone ki ashanka rahegi.
ank 6 vrish (13 mai se 14 jun) (kaf) udar vikar, kabhi-kabhi fefre ke rog, raktachap, ankh v gale ki bimari ho sakti hai. nami vale sthan par n rahen.
ank 5 mithun (15 jun se 15 julai) (vat) inhen nari vikar, snayu vikar, rakt vikar, shvas pranali ke rog, badhjmi, khansi, jukam, nimoniya, avsad aur charm rog ki sanbhavna rahti hai.
ank 2 kark (16 julai se 16 agasta) (kaf) pet tatha fefre ke vikar ki sanbhavna rahti hai. shastraghat bhi ho sakta hai.
ank 1 (sinh) 17 agast se 16 sitanbar (pitta) madhyamavastha men kanth, kaleje tatha fefre sanbandhi bimariyan ho sakti hain. raktachap, nimoniya, vataj rog, tilli tatha hriday ki bimariyan ho sakti hain.
ank 5 (kanya) 17 sitanbar se 16 aktubar (vat) badhjmi, khansi, snayu sansthan men vikar, adi ho sakte hain. kandhon tatha hath-bahon men dard ki ashanka rahti hai. vyakti ko sharab ki lat lag sakti hai. ank 6 (shukra) tula 17 aktubar se 13 navanbar (kaf) mutra vikar, gurde ke rog, pith dard, rakt vikar, durghatana aur ankhon ki jyoti kshin hone ki sanbhavna rahti hai. ank 9 (mangl) vrishchik 14 navanbar se 14 disanbar (pitta) inhen pet vikar, fefre ke rog, gathiya, rakt vikar, guptang vikar ki sanbhavna rahti hai. ank 3 (guru) dhanu 15 disanbar se 13 janvri (kaf) inhen shvas, fefre, rakt evan jigar vikar, charm rog, mutra vikar hone ki sanbhavna rahti hai. ank 8 (shani) makar 14 janvri se 13 farvri (vat) badhjmi, kamjori, nirasha, chirchirapan, vat rog, drishti kamjor, pachan shakti men garbri, snayu vikar aur andruni choton ka bhay bana rahega.
ank 8 (shani) kunbh 14 farvri se 13 march (vat) kanth rog, pet men dard, vayu, rakt, hriday evan shvas vikar ki sanbhavna rahti hai. sath hi gurde ke rog, pathri, khun ki kami aur gale ke rog hone ki sanbhavna bhi rahti hai. ank 3 (min) 14 march se 12 aprail (kaf) inhen tantrika pranali ke rog, hriday rog, guptang rog, netra vikar, avsad, anidra, anton ke vikar, shvas vikar, rakt vikar aur hajme ki kharabi ka samna karna parta hai.
striyon ko garbhashay sanbandhi v purushon ko gupt angon men rog ka bhay rahta hai. ‘nam ank’ adhar ank jyotish ka vishisht mapdand hai namank. nam ke akshar bhi ap ke bhavishya aur svasthya par asar dalte hain. prasiddh ank jyotirvid seferiyal dvara die gae angreji aksharon ke nishchit ank talika 3 ke anusar hanai. namank se svasthya ki jankari prapt karne ke lie sanpurn nam ka sanyuktank gyat kar uska fal dekhna chahie. yadi sanyuktank 22 se adhik ho to usmen se 22 ghatakar jo ank prapt ho us ank ka fal dekhna chahie.