(1 navanbr) dhanteras yah parva kartik krishn trayodshi tithi ko hota hai. ise devtaon ke vaidya dhanvantari jayanti ke rup men bhi manaya jata hai. is din nai vast, sona, chandi bartan adi kharid karne ki shubh paranpra hai. pradosh kal men yamraj ke nimitt dip dan karne se parivar men akalmrityu ke bhay se raksha hoti hai. (2 navanbr) narak chaturdashi kartik krishn chaturdashi ko narak chaidas rup chaturdashi ke rup men manane ki shastriya paranpra hai. desh men kai sthanon par ise choti dipavli ke rup men manane ki pratha hai tatha uttar bharat men hanuman jayanti ke rup men manaya jata hai. is din pratahkal men dantadhavan karke sharir men tilak, tel ki malish karke hal se ukhdi hui mitti ka dhela, lauki, apamarg ko apne upar bar-bar ghumakar fir shuddh snan karen. aisi manyata hai ki aisa karne se vyakti ko yamlok ki yatra se mukti milti hai. (4 navanbr) govardhan puja kartik shukla pratipda ke din govardhan puja, annakut ka parva manaya jata hai. is din braj mandal navanbar mah ke mukhya vrat tyohar men govardhan ki puja ki jati hai tatha anya sthanon men gay ke gobar se govardhan ki akriti banakar gayon ke sath uska pujan kiya jata hai. annakut ke utsav men is din anek prakar ke vyanjnon ko banakar bhagvan ko naivedya rup men bhog lagaya jata hai. use bhagvan ke bhakton ko bhojan karakar anya logon ko vitrit karana chahie. isse bhagvan bahut prasann hokar dhan-dhanya, sukh, samriddhi pradan karte hain. (5 navanbr) bhai duj kartik shukla dvitiya ko matri dvitiya, yam dvitiya ka parva manaya jata hai. is din yamuna men snan, dipdan, yam pujan karne ka vishesh mahatva hai. is din bahan ke ghar jakar bhojan karne se bhai ki ayu ki vriddhi hoti hai tatha bahan ka sukh saubhagya badhta hai. iske atirikt is din vyapari log masipatra (davt) ka pujan bhi karte hain, ise kalmdan puja bhi kahte hain. (8 navanbr) surya shashthi (chath) yah parva vishesh rup se bihar prant men bade dhumdham se manaya jata hai. pratahkal nadi, talab, jalashyon ke tat par vrat rakhakar surya ki puja ki jati hai. isse ayu arogya sukh, dhan, yash ki prapti hoti hai. (13 navanbr) dev prabodhini ekadshi kartik shukla ekadshi ko dev prabodhini ekadshi kahte hain. aisi manyata hai ki is din shri hari bhagvan vishnu apni shayan shaiyya se jagte hain. is din vrat, snan, dan, katha shravan, jagaran ka vishesh mahatva hai. (15 navanbr) baikunth chaturdashi jis din brahm muhurt men chaturdashi tithi vyapt hoti hai us din brahm muhurt men bhagvan shiv tatha devi ka pujan karne se manovanchit fal ki prapti hoti hai. prachin kal men bhagvan vishnu ne varansi ke manikarnika ghat par bhagvan shiv ka sahasra kamlon se pujan kiya tha, tabhi se yah baikunth chaturdashi ke nam se prasiddh hui. (17 navanbr) kartik purnima kartik purnima atyant punyadayini tithi mani gai hai. is din ganga, pushkar adi tirthon men snan karne se mahan punya fal ki prapti hoti hai. iske atirikt vrat, dan, puja, adi ka vishesh mahatmya mana gaya hai.
Kya aapko lekh pasand aaya?
Subscribe