ayurvedik drishtikon se naksir futne ke kai karan hain jinmen am karan hai logon ki nak ke andar anguli se kuredne ki adt- aise men nakhun se nak ki bhitri komal parat par chot lag kar khun bahna. iske atirikt - uchch rakt chap: uchch rakt chap rogiyon men bhi naksir futne ka bhay hota hai.
- nak ke bhitar sankramn: is dasha men rogi ko jvar, nak se pani bahna aur munh se badbu ane ke sath-sath khun bhi nikal sakta hai. nak ki tvacha men kisi prakar ki elarji ho jae to uska srav sukh jata hai aur vahan papri jam jati hai jo alag hote samay raktasrav kar sakti hai.
- nak men kisi prakar ka tyumar (ganth): isse bhi rakt srav hota hai. aise men sans lene men bhi taklif, pani ana, dard jaise lakshan prayah rahte hain. ryumetik fivr: isse jvar ke sath-sath joron men dard aur sharir par lal dane aur nak se raktasrav hota hai.
-rakt koshikaon ki vikriti ah koshikaon ki vikriti koshikaon ki vikriti ke karan bhi naksir fut sakti hai.
- vitamin ki kami, masik dharm ki aniyamitta, atyadhik sharirik shram, dhup men jyada der rahna jaise karan bhi raktasrav ko janm de sakte hain. upchar: jab bhi naksir fute, chahe alpamatra men hi kyon n ho, avhelna n karen aur turant uchit paramarsh len. raktasrav ka karan janakar uske anusar upchar karen.
yadi achanak naksir fute to ghabraen nahin. rogi ko shant aur thande sthan par le jakar dhiraj bandhaen, taki uska rakt chap niyantran men rahe aur raktasrav ruke. nak ko anguthe aur tarjani se jor se lagatar dabae rakhen. marij ko munh se sans lene den aur gale tak khun ris raha ho to thukne ko kahen. - rogi ki nak aur uske mathe par barf ke pani ki pattiyan dane aur sidha baithaen. is par bhi khun bahna n ruke to rui ka ek gola banakar kisi bhi krim ya glisrin men dubokar nak ke bhitar achchi tarah thuns den aur rogi ko lita den aur use thanda pey pine ko den.
use munh se sans lene ke lie prerit karen aur dhyan rakhen ki vah nak men anguli n dalne pae ya nak se bar-bar sans n le. vah khankhare bhi nahin, varna raktasrav punah shuru ho sakta hai. yadi in sabhi tarikon se bhi raktasrav n ruke to turant visheshagya ke pas le jaen aur uchit upchar karen. gharelu upchar
- maju fal ko pisakar nak men sunghne se naksir band ho jati hai. - suhage ko thore se pani men gholakar donon nathunon par lep karen. - anar ke ras ki nasvir dene se khun girna band ho jata hai.
- mithe angur ka ras nak men dhire-dhire khinchen, naksir thik ho jaegi. - ajvayan aur nim ke patton ka barik pisakar kanpti par lagaven. isse nak se khun ana band ho jata hai.
- ninbu ka ras nikalakar nak men pichkari dene se naksir men labh hota hai. - sukhe anvle ko pani men bhigokar rakh den. pratah chanakar pani pien.
- mehandi ki taji pattiyan pani men pisakar talvon men lagane se naksir band ho jata hai. jyotishiya drishtikon jyotishiya drishti men kalpurush ki kundli ka tritiya bhav nak ki antrik prakriya ka netritva karta hai. nak ke antrik rogon ka karak budh hota hai. mangal rakt ka karak hai. chandra raktachap ka karak hai. isilie ‘naksir’ ka sanbandh tritiya bhav, budh, chandra aur mangal se hai. yadi ye dushprabhavon men rahe to naksir jaisa rog hota hai. vibhinn lagnon men naksir rog
mesh lagna: lagnesh mangal shashth bhav men, shashthesh tritiya bhav men chandra se yukt ya drisht ho aur tritiya bhav par rahu ya ketu ki drishti ho to jatak ko naksir ho sakta hai.
vrish lagna: lagnesh trik bhavon men mangal se yukt ya drisht ho, tritiyesh chandra rahu ya ketu se drisht ho, tritiya bhav men guru apne uchch anshon par budh se yukt ho, to naksir de sakti hai.
mithun lagna: lagnesh aur tritiyesh shashth ya ashtam bhavon men ho, mangal tritiya bhav men ya tritiya bhav par drishti rakhen, chandra tritiya bhav men rahu se drisht ho aur guru, ketu se yukt hokar lagn par drishti rakhe to naksir hota hai.
kark lagna: lagnesh aur tritiyesh tritiya bhav men hokar mangal se drisht ho aur mangal rahu se drisht ho, lagn par shani ki drishti ho to naksir hota hai.
sinh lagna: lagnesh surya shashth bhav men ho aur shashthesh shani tritiya bhav men ho tatha mangal se drisht ya yukt ho, tritiyesh, budh se yukt hokar rahu se drisht ho, chandra lagn ya chaturth bhav men ho, to naksir hota hai.
kanya lagna: lagnesh trik bhavon men ho, chandra tritiya bhav men mangal se yukt ya drisht ho, guru tritiya bhav men ho ya tritiyesh par drishti rakhe aur rahu-ketu tritiya bhav par ya lagn par drishti rakhe to naksir jaisa kasht hota hai.
tula lagna: lagnesh ashtam bhav men, mangal tritiya bhav men guru se yukt ya drisht ho, budh shashth men chandra se yukt ho aur rahu-ketu se drisht ho, to naksir jaisa rog hota hai.
vrishchik lagna: lagnesh aur shashthesh shani se drisht hokar shashth bhav men ho, tritiya bhav men chandra budh, rahu se drisht ho to naksir jaisa rog jivan men kabhi to ata hi hai.
dhanu lagna: shukra aur budh tritiya bhav men, surya dvitiya bhav men rahu se yukt ya drisht ho, chandra tritiyesh shani se yukt ho aur lagnesh trik bhavon men ho, to naksir rog ho sakta hai.
makar lagna: guru tritiya bhav men ho aur lagnesh trik bhavon men ho, tritiya bhav par mangal ki drishti ho, chandra mangal se yukt ho, budh surya se ast ho, to naksir jaisa rog ho sakta hai.
kunbh lagna: lagnesh shashth bhav men ya ashtam bhav men ho, mangal tritiya bhav men budh se yukt ho aur guru se drisht ho, chandra rahu ke dushprabhav men ho, to naksir jaisa rog ho sakta hai.
min lagna: tritiyesh shukra aur budh shashth ya ashtam bhav men surya se ast ho, chandra tritiya bhav men rahu se yukt ya drisht ho, lagnesh kamjor ya akarak grah se yukt ya drisht ho to jatak ko naksir jaise rog se pira hoti hai.
uprokt sabhi yog, rog ki utpatti sanbandhit grah ki dashanrtadasha aur gochar ke pratikul sthitiyon ke karan hota hai. jab tak dashantardasha aur gochar pratikul rahte hain sharir men rog rahta hai uske pashchat rog se mukti prapt hoti hai.