prakritik chikitsa sirf aushdhi rahit paddhati hi nahin apitu svasth jivan jine ki ek kala hai. yah sabse purani chikitsa pranali hai. mahatma gandhi ke anusar prakritik chikitsa hi ek aisi paddh ti hai jo kisi ko bhi svasth rakhne men saksham hai. bharat ki bhaugolik, samajik, sanskritik evan arthik sthiti ke maddenajar prakritik chikitsa hi sarvottam evan adarsh chikitsa pranali hai. durbhagya vash is utkrisht chikitsa ka samuchit prachar-prasar nahin ho saka hai.
prakritik chikitsa paddhati ek tarah se prakritik jivan jine ki kala hai. is paddhati ke madhyam se upchar karakar manushya apne sharir ke vishon ko, sharir ke vijatiya dravyon ko tatha anya gande padarthon ko, jo galat khan pan, angreji aushdhiyon ke sevan, kritrim jivan shaili tatha mansik tanav ke karan utpann ho jate hain, bahar nikal kar sharir ki shuddhi karta hai aur sabhi avyvon ko sucharu rup se karya karne yogya banata hai.
sharir ke andar ke sabhi ang jab apna karya prakritik rup men karne lagte hain to vah nirog ho jata hai. ailopaithi ki aushdhiyan thik usi prakar karya karti hain jaise koi bara paudha sukhne lage, to us par pani chirkne se upar se hara bhara dikhai dene lage parantu bhitar se sukhta jae kyonki jar men to pani dala nahin. lekin prakritik upchar paudhe ki jar men pani dene ke saman hai.
jar men pani milte rahne se paudha turant hara to nahin hoga, par kuch samay pashchat jab hara hoga to apne jivan paryant hara bhara rahega. halanki prakritik chikitsa paddh ti ko ham apne rojamarra ke jivan men asani se utar sakte hain parantu chunki ham sabhi is mashini jindgi ke adi ho chuke hain aur kritrim upakaran aon evan davaiyon ke sevan men adhik vishvas rakhte hain islie yadi ham apni sharirik jarurat ke anurup chikitsa len to nishchit rup se ashatit labh milega.
vibhinn pustakon men varnit vaikalpik chikitsa paddhatiyon ke siddhantane ko apnane ke sath-sath yadi unka vyavharik prashikshan bhi mil jae to unhen apne jivan men utarna adhik saral ho jaega. iske lie vaise to vibhinn shahron men anek prakritik chikitsa kendra khule hue hain jahan prakritik rup se rogon ka nidan kiya jata hai, parantu mainne svayan jis prakritik jivan kendra men svasth labh liya aur vahan kuch din rah kar vahan ke vatavaran ka anand uthaya uska ullekh apne pathkon ke lie avashya karna chahungi.
gandhi smarak nidhi dvara sanchalit patti kalyan, jila panipat hariyana men prakritik jivan kendra ashram sthit hai. iski sthapna vayovriddh tapasvi dampati shri om prakash ji trikha evan mata lakshmi dave i trikha n e san 1955 mane ki thi. prakritik jivan kendra ashram hare bhare kheton, amrud, anar, papite, anvla, aru, am adi ke peron evan mahkti fulvariyon se susajjit hai tatha prakritik chikitsa ke lie jis khule evan svachch vatavaran ki avashyakta hoti hai vah yahan charon taraf vyapt hai yahan charon or shanti evan hariyali ka samrajya hai.
rogiyon ke nivas ki purn vyavastha hai aur unhen daektar ke paramarsh ke anusar bhojan ki vyavastha bhi yahan ke bhojnalay dvara ki jati hai. yahan par kisi bhi prakar ki dava ka payra age nahi n hate a. davaa ne k e sthan par sarva sulabh prakriti pradatt panch mahabhut hava, pani, dhup, mitti aur akash ke atirikt ahar men uchit sanyam, yogasan, vyayam, malish tatha alp matra men senk adi ke lie vidyut lainp adi ke dvara rog ka upchar kiya jata hai. iske atirikt, pani, mitti, vashp dvara bhi rogon ka upchar hota hai.
mitti, pani, dhup, hava sabhi rogon ki yahi dava pani: rog ke anusar vividh prakar ke snan jaise kati snan, rirh snan, pair snan, garm v thanda tab snan, pure sharir ka ushn tab snan adi karae jate hanai. pani ke andar sharir se vikar ko dur karne ki adbhut shakti hoti hai. mitti: rog ke anusar sharir ke vi.i bhann angon par mitti ka lep kiya jata hai. mitti ki patti pet par tatha ankhon par rakhi jati hai. pure sharir par gili mitti ka lep lagakar mitti snan karaya jata h ai kyanie k sharir ke andar se vijatiya dravya ko khinchakar dur karne ka sarvashreshth sadhan mitti hai.
vashp snan: tvacha dvara prakriti pasine ke rup men sharir se sanchit vishakt tatvon ko bahar nikalti hai. vashp snan se tvacha ki karya kshamata ka barhaya jata hai taki vishakt tatva adhik se adhik matra men sharir se bahar nikal saken.
vyayam: sharir ke vibhinn avyvon ko shakti dene ke lie rogi ki dasha ke anusar vibhinn prakar ke yogasan sikhae jate hain jinse sharir ki jivni shakti barhti hai.
malish: vaigyanik paddhati se ki gai malish se sharir ki kshamata ka vikas hota hai aur sharir ke andar har koshanu men aksijan pahunch kar vijatiya dravyon ko bhasm kar deti hai iske atirikt malish se manspeshiyon ko bhi shakti milti hai.
kharcha: yahan ke shulk men nivas shulk ke atirikt prakritik upchar evan bhojan shulk bhi shamil hai. pratidin lagabhag 100/- rupye ka kharch ata hai. jo rogi speshal kamra keval apne lie lena chahen, unke lie 150/- rupye pratidin anyatha samuhik nivas men yah kharch keval 70-80 rupye pratidin hi ata hai. ashram men munbai, kolkata, indaur, panjab, dilli ke atirikt desh ke durasth kshetron se bhi rogi svasthya labh ke lie ate hain. visheshakar mahilaon ke lie ashram atyant hi labhdayak hai jahan ve achchi sehat ka labh le sakti hain aur apne sharir ka santulan banae rakh sakti hain.
dae. sumer chand gupta evan unki dharmapatni dae. snehlta gupta donon puri nishtha se apne rogiyon ki dekhbhal karte hue ashram men hi nivas karte hain. yahan ke anya karmachari bhi atyant parishrami, evan kartavyanishth hain aur din bhar karya men jute rahte hain. yahan par shahar ke kolahal se dur kuch samay shanti se bita kar ham nishchit rup se apne sharir evan mastishk ke tanav ko mita kar nai urja evan shakti ka vikas kar sakte hanai.
if you are facing any type of problems in your life you can consult with astrologer in delhi