balak ko pahle-pahal ghar se bahar bhraman karane ke nimitt le jate samay yah sanskar kiya jata hai. sadharntya iska samay chaitha mahina hai. is sanskar men surya aur kisi-kisi ke mat men chandrama ki jyoti dikhane ka vidhan hai. pratit yah hota hai ki bahar arthat jyoti ke sammukh nikalne men savdhani bartne ki or dhyan akarshit karna is sanskar ka uddeshya hai. kahin deshantar men le jane ki shighrata ho to 12ven din hi yah sanskar kar lena chahie. shubh muhurta: granthon ke adhar par is sanskar ke liye sarvottam shubh samay ashvini, mrigshira, pushya, punarvasu, hast, anuradha, dhanishtha, shravan evan revti nakshatra men se kisi nakshatra men evan dvitiya, panchmi, saptami, dashmi, ekadshi, trayodshi tithiyon men se kisi tithi ko tatha ravivar, somvar, budhvar athva shukravar men se koi bhi din is sanskar ke liye uchit rahta hai.
vidhi: sankalpa: sanskar ke din pratahkal suryoday ke pashchat balak sahit mangaladravyon se snan kar shubhasan par baith, achmn-pranayam kar desh-kal ka kitrtan karte hue nimn sankalp parhen:- mamasya shishorayurbhivriddhi vyavharsiddhidvara shriprmeshvaraprityarthan grihannishkramnan karishye. tadantven ganptipujnan svastipurayahvachnan, matripujnan, (yathashakti) nandishraddhan ch karishye. samanya evan saral upay: jis din ap nishkraman sanskar karen, us din pratah suryodykal men tanbe ke patra men roli, gur v lal pushp ki pankhuri mishrit kar suryadev ko is jal se aghrya arpit kar prarthana karen ki nishkraman sanskar men amantrit hokar shishu ko ashirvad pradan karen.
- sanskar ke bhojan men se sarvapratham shrigneshji ke liye, fir gay ke liye, fir suryadev ke liye aur fir apne pitron ke nam se bhojan ki thali avashya nikalen.
- is din ap sanskar ke bad lal bail ko sava kilo gehun tatha itna hi gur avashya khilayen.
- sanskar ke bad suryastakal men dhalte suryadev ko pranam karen tatha shishu ko ashirvad pradan karne ke liye dhanyavad den.
- ratri men kisi bhi mandir mane ek tanbe ke dipak men shuddh ghi bharakar prajjvalit kar arpit karen.
- jis bhavan men ap yah sanskar kar rahe hain, us bhavan ke pashchim kaksh men ratri men koi roshni avashya karen.
- yadi shishu ke dada jivit hon to koi lal vastra shishu ka hath lagvakar uske pita ko dilvayen. fir vah vastra shishu ka pita apne pita ko uphar men de. is upay se shishu ki ayu men vriddhi hoti hai. yadi pita ke pita jivit n hon to usi avastha ke kisi bhi vriddh vyakti ko yah uphar diya ja sakta hai.
- is sanskar ke sath hi shishu ka pita yadi apne pita ka pujan kar koi vastra uphar men de to bhi pita v shishu ko suryadev ka spasht ashirvad prapt hota hai.
- is sanskar ke bad ane vale tin ravivar ko avashya hi suryadev ko jal se aghrya dena chahiye tatha lal bail ko gur v gehun khilana chahiye.
- sanskar ke agle ravivar ko kisi nikat ke rishtedar (pita ke atirikta) se din ke 12 baje sava kilo gur shishu ka hath lagvakar jal men pravahit karne se bhavishya men shishu v pita ke sanbandh avashya hi madhur rahte hain.
-sanskar ke bhojan men yadi shishu ka pita apne kisi yuva kshatriya mitra ko bhojan kara kar koi uphar deta hai to bhi suryadev ka spasht ashirvad prapt hota hai.