niraj grovar ki kahani bharatavarsh ki sabse bhishan, jaghanya aur chainkane vali ghatnaon men ek hai. uski hatya bare hi nirmam tarike se karke uske shav ko tin sau (300) tukron men bantna tatha yah karya ek mahila dvara kiya jana apne ap men rongte khare kar dene vala karya hai tatha us hatyari mahila ka tin varsh bad adalat dvara mamuli saja dekar jel se riha hona bhi apne ap men bhartiya nyay ki ek anokhi misal hai.
niraj grovar ka janm kanpur shahar ke saketanagar kshetra men 24 farvri 1983 ko pratah 10ah10 bajee hua tha. pita amrnath grovar v man nilam grovar ki do santanon men ek putra niraj tatha putri shikha kapur hai. pita ki foto kaepi ki choti si dukan par baithne vale niraj ke sapne bahut bare the. vah jivan men bahut kuch jaldi hi hasil karna chahta tha tatha film jagat men nam kamana chahta tha. parhai samapt karne ke bad vah mubani chala gaya aur thore sangharsh ke bad uski mehanat, sujhbujh aur bhagya ne sath diya.
mubani ke ti.vi. chainlon men krietiv haid ke rup men niraj ne apni ek alag pahchan bana li thi. soni ti.vi. par shahrukh khan dvara prastut gem sho (kya ap 5vin pas se tej hain), ekta kapur ke siriyal ‘mahabhart’, ki kasting tim ka haid bhi niraj hi tha. isi tarah saflta-dar-saflta niraj ko milti ja rahi thi. unhin dinon uski mulakat kannar film abhinetri mariya susairaj se hui.
mariya balivud men apna pair jamana chahti thi. isilie usne niraj se sanpark banakar usse kafi niktta prapt kar li. mai 2008 ki ek rat ko mariya ne niraj ko apne naye flait men saman shift karne ke lie madad hetu bulaya. donon rat ko sath men hi the ki mariya ke dost maithyu ka fon a gaya. fon par maithyu ne niraj ke hansne ki avaj suni. yah sunte hi uska gussa satven asman men pahunch gaya aur vah rat ko hi kochchi se flait pakarakar munbai a gaya.
mariya ke flait par chaku se niraj ka gala ret diya. iske bad bhi amanviya dhang se niraj ki lash ke lagabhag 300 tukre karke ek treval baig men dalakar agle din subah thane ke pas ek jagah le jakar usmen paitrol chirakar ag laga di. uske is pure kam men mariya ne barabar ki madad ki. mariya ne to bad men pulis steshan jakar apne mitra niraj ke lapta hone ki riport bhi darj kara di.
lekin mariya dvara kie gaye ek es.em.es. aur munbai pulis ki satarkata se donon hi log jaldi hi pulis ki giraft men a gaye. is ghatna ke lagabhag tin varsh bad 01 julai 2011 ko niraj grovar ke kes men ek adalat ne mariya ko mamuli si saja tatha mamuli jurmana lagakar jel se riha kar diya. aie, karte hain niraj ki kundli ka jyotishiya vishleshan - akhir kis karan niraj balivud ke mayajal men aisa fansa ki uska dardanak ant hua.
prastut kundli mesh lagn ki hai jismen lagnesh mangal dvadash bhav men markesh shukra ke sath tatha lagnesh mangal (50-451) arthat shani ke nakshatra men sthit hai. shani jo ki karmesh v labhesh hote hue marak bhav men sthit hai tatha lagnesh mangal ki purn ashtam drishti shani ke upar hai. lagnesh ka dvadash bhav men markesh ke sath hona tatha marak bhav men sthit grah ke nakshatra men hona jatak ko purn ayu pradan karne men nyunta ka dyotak hai.
dusra karan yah bhi hai ki ashtamesh mangal ka dvadash men tatha dvadshesh guru ka ashtam men hona ek prakar se viprit rajyog banata hai. lekin ashtam ayu ka bhav hai aur dvadash vyay ka bhav hai. isi guru aur mangal ke sthan parivartan hoene se jatak ko viprit rajyog ke karan chipa hua (ashtam bhav) shayyasukh (dvadsh) aksar prapt hota rahta tha lekin isi sthan parivartan ne use alpayu bhi banaya. vaise bhi sarvavidit hai ki mesh lagn men agar mangl-shukra dvadash hane to jatak ko svastri chorakar parastri ka sukh prapt hota hai. shayad isi vajah se usko apne jivan men vaivahik sukh kabhi prapt nahin hua. yadi ek dusre najriye se bhi dekhen to aise vyakti ko jivan men man-bap ka purn sukh prapt nahin ho pata hai.
iska karan chahe jo bhi ho, ayu ki kami ya svasthya ki kami. yahan par yah spasht rup se dikhai de raha hai ki pita arthat navam bhav ka svami guru tatha mata arthat chaturth bhav ka svami chandrama ye donon hi grah apne se 12ven baithakar shadashtak sanbandh banaye hue hain.
rahi bat niraj ke gyan ki to panchmesh surya ekadash bhav men sthit hokar apne hi bhav par drishti rakhe hue hain. atah use jivan men shiksha achchi prapt hui. ab ham yadi uske karyakshetra par drishti dalen to payenge ki dashmesh shani apne se dasham men sthit hai tatha dasham bhav men budh sthit hai. budh jo ki tritiyesh bhi hai tatha dasham bhav men sthit budh chandrama ke nakshatra men aur dashmesh shani rahu ke nakshatra men sthit hai aur ye donon hi grah rahu aur chandrama dasham se nakshatron ka sanbandh banate hue janmakundli ke tritiya bhav men yuti kiye hue hain.
tritiya bhav sanchar, midiya, patrakarita, filmi sansar adi ka hota hai. janmakundli ke isi yog ke karan jatak ko balivud men apna kairiyar banane ka avasar mila. 23 farvri 2007 se 5 sitanbar 2007 tak niraj ki janm kundli men shani ki mahadsha men shani ki antardasha ka samay chal raha tha. 7 mai 2008 ko niraj ki mrityu hui thi.
mahadshanath shani gochar men sinh rashi men sthit hokar apni tisri drishti se janm kalin shani evan marak bhav ko dekh rahe the. us samay ashtam bhav men sthit tatha dvaddesh guru ki antardasha chal rahi thi tatha guru dhanu rashi men sthit hokar lagn par tatha gochar ke shani par drishti die hue the. markesh shukra ka bhi lagn arthat mesh rashi par gochar karna, ye sabhi karan aur karak mrityu ka karan bane.
uparyukt jyotishiya vishleshan jo uske jivan ka kiya gaya usse tatha uski mahila mitra dvara jaghanya hatya men shamil hote hue bhi nichli adalat dvara samuchit dand n dekar aparyapt saja dena uske sath nyay nahin hai. ab uski janmakundli ke dvara yah avlokan karte hain ki doshiyon ko unchi adalat (hai korta) men uchit dand milega athva nahin.
yadi ham isi janm kundli ko adhar manakar chalen to vartaman men budh ki mahadsha men budh ki antardasha 11 farvri 2012 tak rahegi. budh jo is kundli men shashthesh hai arthat samasya ka karak hai. farvri 2012 ke bad ketu ki antardasha praranbh ho jayegi.
ketu jo ki janmang men dharm arthat navam bhav men sthit hai tatha gaur se ap dekhen to payenge ki nyay ka karak grah shani vartaman men to kundli ke 6ven bhav arthat kanya men vicharan karega. vahi samay grahon ke hisab se niraj grovar ko uski mrityu ke bad sahi nyay dilayega.
aj uske hi filmi kshetra se jure hue kuch log jo mariya ko barhava de rahe hain tatha bhartiya nyay vyavastha ko prabhavit karne vale logon ke karan jo galat nirnay aya hai bad men, sthitiyon ke viprit hone ke karan sahi nirnay ane par, sva. grovar ke paksh men honge.