26 janvri 2017 ko shani dhanu rashi men gochar karenge, 6 aprail ko vakri hokar 21 jun ko vrishchik rashi men jaenge tatha 25 agast ko margi hokar 26 aktubar ko punah dhanu rashi men lautenge. guru 12 sitanbar tak kanya rashi men rahenge tatpashchat tula rashi men gochar karenge. 6 farvri ko guru vakri honge aur 9 jun ko margi ho jaenge. rahu 9 sitanbar ko kark rashi men pravesh karenge. navavarsh pravesh lagn men guru ki sthiti v lagnesh tatha chaturthesh ke sthan parivartan yog v 26 janvri ko shani ka mangal ki rashi se guru ki rashi men pravesh karne ke karan is varsh vishva men shanti ka vatavaran sthapit hoga. yuddh v atankvad ki sthiti men ab apekshakrit sudhar hoga. gatavarsh vrishchik rashi men mangal v shani ki yuti ke karan atankvad men bahut teji se vriddhi hui thi parantu varsh 2017 men mangal v shain ki yuti nahin hone ke karan atankvadi gatividhiyan ghat jaengi tatha sath hi in takton ke kamjor ho jane se islamik rashtra, vishesh rup se pakistan, ki to sthiti men vishesh parivartan ane vala hai.
antarrashtriya dabav ke chalte pakistan ki kutnitik gatividhiyon par ankush lag jaega. is varsh tin disambar ko sabhi grah vrishchik rashi ke aspas ekatrit ho rahe hain evan chandrama unke sammukh rahenge. iske karan uttari kshetra men vishesh bhukamp ki sambhavna rahegi v navanbar, disambar men prakritik apdaon ka prakop rahega. donald tranp ke netritva men amerika ke rutbe men vriddhi hogi parantu varsh 2017 tranp ke lie utar-charhav v pareshaniyon v chunautiyon vala bhi rahega kyonki shani ka gochar unke janmakalin chandrama ke as-pas rahega parantu tranp nirbhik hokar karya karte rahenge aur amerika ka prashasan sucharu rup se chalaenge. tranp 2018 men punah janshyog v pratishtha prapt kar sakenge. bharat ka vishva ki rajniti men man-samman barhega. varsh ke uttararddh men arthik nitiyon men sudhar hoga. am janta men utsah bana rahega. aktubar 2017 ke bad guru ke tula rashi men ane ke bad rashtra ki utpadan kshamata men vriddhi hogi.
vimudrikaran ke chalte jamakhoron ke lie mushkilen bani rahengi kyonki bharat ki kundli men dhan bhav men sthit mangal ke samne gochriya shani ka prabhav arthik kshetra men bhi shreshth sthiti utpann nahin hone dega. narendra modi: varsh 2015 v 2016 men modi ji par lagatar dabav bana hua tha aur unhen vibhinn chunautiyon ka samna karna para tatha man hani bhi hui. parantu 2017 modi ji ki kundli v bhartiya janta parti ke lie behatar parinam lekar aega. modi ji ka shatru paksh kamjor parega aur unki khyati men vriddhi hogi. yu. pi. ke chunavon men bhartiya janta parti ko adhikadhik janasamarthan milne ki sanbhavna ban rahi hai. aisi sanbhavna hai ki yu. pi. ka chunav bi. je. pi. ke hit men jae. rajnaitik dal: rajnaitik dalon men bi. je. pi. ke lie varsh 2017 anya dalon ki bajay vishesh shubh rahega tatha agami 3 varsh ka samay svarnim rahega.
kangres ke lie varsh 2017 shani ke lagn men a jane ke karan shirshasth netritva men parivartan ki sanbhavna ke yog hain parantu abhi vishesh sudhar nahin ho sakega. bahujan samaj parti ki utrti sarhesati ke karan parti men sudhar hoga aur agami chunav men sthiti sudrirh hogi. am admi parti ki bhi sthiti men sudhar hone ke yog hain kyonki ismen bhi shani ki sarhesati antim sthiti men hone ke karan shubh fal darshaegi. samajvadi parti ke lie 2017 kathinaipurn rahega tatha parti men bikhrav ke yog banenge. akhilesh yadv: akhilesh ki grah sthiti punah satta prapti ke yogon men vyavdhan dikha rahi hai. mayavti: mayavti ki grah sthiti v gochar ke anusar ve bhi agami char varshon tak satta se dur hi rahengi. sushma svaraj: janm lagn se dvadash bhav par shani ke gochriya prabhav se inke svasthya men giravat ayi thi parantu 26 janvri 2017 ke bad inke svasthya men dhanu rashi men shani ka gochar janm lagn par shubh prabhav dalega aur inhen shighra svasthya labh hoga. soniya gandhi: soniya gandhi ki kundli men shani janmakalin mangal par gochar karega jiske chalte svasthya sanbandhi pareshaniyan utpann ho sakti hain.
rajnaitik sudrirhikaran ki sanbhavna kam hai. rahul gandhi: varsh 2017 men surya v mangal ke thik samne shani ka gochar hone se inki apni hi parti men upeksha hone ki sanbhavna hai. priyanka gandhi: varsh 2017 inki rajnaitik unnati ke lie behatar hai. parantu kuch vishesh kar pane ki sthiti kam dikhti hai. parivar ki chinta bane rahne ke yog hain. kejrival: kejrival ki ashtam dhaiya praranbh hone ke karan inhen vishesh virodh ka samna karna parega v inke nirnay v karya ulte par sakte hain. varsha: is varsh varsh bhar samy-samay par achchi varsha hoti rahegi. farvri mah ke pratham v dvitiya saptah men varsha ho sakti hai tatha march ke uttararddh men olavrishti ho sakti hai. aprail ke uttararddh evan mai men bhi varsha ke yog hain. mansun samay par aega v julai agast men paryapt varsha ho jaegi. is varsh sitanbar v aktubar ke mahinon men bhi bunda-bandi hone ke asar hain.
daelr: janvri mah men rupya daelar ke mukable kafi majbut hone lagega parantu farvri men punah kamjor hone ki sanbhavna hai. march men thori sthirta aegi aur uske bad varsh bhar thore bahut utar-charhav ke bad lagabhag usi mulya par sthir bana rahega. is varsh bahut adhik utar-charhav hone ki sanbhavna nahin hai parantu jun men mulya thora gir sakta hai. julai men punah barhega, sitanbar men kam hoga aur aktubar men punah barhega. sona: janvri men sona ke bhav giranege. farvri men sthirta aegi, march aprail men punah vriddhi ke sanket hain. mai men punah giravat jabki jun men sthirta ke sath julai men bhav vriddhi ki sanbhavnaen banengi. aktubar men giravat ke bad navanbar men thori si teji v disanbar men thori giravat aegi. kul milakar sona varsh bhar sthir hi rahega.
senseksa: senseks janvri ke antim saptah men girega jo farvri ke madhya tak niche hi rahega. march v aprail men punah upar charhega. jun men senseks niche girega. julai ke madhya se agast madhya tak punah upar hoga v tatpashchat sthir rahega jabki sitanbar ant men thora niche jakar aktubar men punah upar aega. dipavli par senseks uncha hi rahega. disanbar mah men halki si kami ke sanket hain. amerika 7.7.1776, 00 ghante, vashingatan disi bharat 15.8.1947, 00 ghante, dilli bijepi 6.4.1980,11:40, dilli kangres ai 22.11.69, 9:57, banglor biespi 1.1.1984, dilli espi 4.10.192, dilli ap 26.12.2012, gajiyabad tranp 14.6.1946, 10:54 ghante, jamaika modi 17.9.1950, 11:46, mehsana rahul gandhi 19.6.1970, 5:50 ghante,, dilli soniya gandhi 9.12.1946, 21:30 ghante, itli priyanka gandhi 12.1.1972, 16:42, dilli kejrival 16.8.1968, 23:46, hisar akhilesh 1.7.1973, 08:00 baje, saifai mayavti 15.1.1956, 19:50, daultpur sushma svaraj 14.2.1952, 4:15 baje, anbala