faladesh - varsh 2012 varsh 2012 men shani apne uchch ki rashi tula men rahenge v 7 farvri se 25 jun tak vakri rahenge. 16 mai 2012 ko tula se kanya men vapis aenge v 4 agast 2012 ko punah tula men pravesh karenge.
guru praranbh men mesh men rahenge v 17 mai ko vrish men pravesh karenge. rahu, ketu vrishchik v vrish rashi men hi rahenge. mangal varsh ke praranbh se 22 jun tak sinh rashi men hi gochar karenge. uprokt grah chal ke karan nimn fal prapt honge-
bhart: bharat ki kundli men guru barhven bhav men shani uchch ka hokar tula men v rahu saptam bhav se gujar raha hai. yah varsh bharat ke lie ati uÿam varsh rahega. iske bad bharat ki sakh barhegi. rupya majbuti prapt karega, arthik majbuti hogi. janta men akrosh kam hoga. lekin vibhinn partiyon men samanvay ki kami hogi. apas men kataksh apeksh karenge.
varsha: is varsh samanya se adhik varsha ke asar hain. farvri ke bhi ant ya march ke praranbh men chinte bunda-bandi ke bad aprail ke praranbh men bhi kuch chinte parenge. mai sukha rahega. jun ke madhya se varsha praranbh hogi aur julai ke madhya tak achchi varsha hogi. ek mah ke antral ke bad punah agast ke madhya se lekar sitanbar ke madhya tak khub varsha hogi. aktubar mah bhi sukha nahin rahega.
sona: is varsh sone men kafi utar-charhav rahenge. farvri ke ant men kuch narmi pakar march men kafi upar rahega aur aprail men apne nyunatam star par rahega. iske bad iske bhav barhte rahenge jo ki divali se pahle nyunatam star par rahenge. navanbar men punah majbut hokar varshant men svarn ke bhav kamjor hokar band honge.
daelr: sitanbr-aktubar 2011 men dalar ne lanbi chalang lagai aur rupye ke badle 20 pratishat tak majbut ho gaya. lekin ummid hai ki varsh 2012 men rupya dalar ke mukable adhik majbut hoga aur janvri ke madhya men yah kafi achchi pakar banaega. tatpashchat ismen kuch upr-niche hota rahega lekin march ke ant men rupya punah achchi majbuti ko prapt karega. lekin yah majbuti adhik samay nahin rah paegi. mai men aur punah julai men daelar majbut rahega. agast men rupya majbut rahega. varshant men rupya adhik shaktishali rahega aur daeelar ke mukable majbut hokar hi khara rahega.
senseksa: senseks men varsh bhar utar-charhav chalte rahenge lekin n bahut adhik girega aur n hi bahut adhik charhega. varsh bhar senseks 18 hajar se 2-3 hajar paint upar v niche hi rahega. mukhya teji march men rahegi lekin aprail men fir niche a jayega. iske bad utar-charhav ke sath dhire-dhire upar charhta rahega. sitanbar ke akhir se niche ki or unmukh hoga v varshant men thora-sa upar charhakar samapt hoga.
mesh: mesh rashi ke lie varsh 2011 kafi chinta v pareshaniyon se ghira raha tha. varsh 2012 sabhi pareshaniyon ko dur kar vishesh unnatiyan lekar aega. lagn men guru kirtiman hoga jo ki varsh ke uÿararddh men dhan karak hoga. udar sanbandhi rog kuch pareshan kar sakte hain. kul milakar kai varshon bad varsh 2012 bhagyodykarak rahega.
vrish: guru ki barhven bhav men sthiti achche nivesh karaegi. koi ghar ya vyavsay men bare nivesh honge. lanbi duri ki yatraen hongi. shatru daman hoga. naukri men padonnati hone ki purn sanbhavnaen hain. vyavsay failega. varsh 2012 bahut se achche ayam lekar aega.
mithun: mithun rashi ke lie varsh 2012 bahut sukhad v labhdayak rahega. santan ki or se shubh suchnaen milengi. santan ichchuk logon ki ichchapurti hogi. dhan labh hoga. choti v lanbi anek yatraen hongi. varsh ke ant men vishesh nivesh honge jo ki 2-3 varsh bad labh denge.
karka: is varsh apke vyavsay men barhoÿari hogi, naukri valon ki tarakki hogi. ghar badlne ke bhi asar rahenge. achcha bara ghar rahne ko milega. sath hi naya vahan bhi ayega. varsh ka upyog karen v koi nirnay lene hain to unhen kar dalen, shubh rahenge.
sinh: sinh rashi ke lie shani ki sarhesati samapt hui hai atah vishesh chintaon se chutkara milega aur vyavsay men unnati hogi. varshant men karobar aur adhik failega. naukri men is varsh tarakki prapt hogi. ghar ke lie vishesh sajo saman kharidenge. vahan badal sakte hain.
kanya: kanya rashi ke lie 2012 bahut shanti ka varsh hoga. shani ki sarhesati jo madhya men chal rahi thi ab utar par a gai hai. iske karan jo ruke hue kam the dhire-dhire banne lagenge v 2012 ke ant tak chintaon se mukti milegi, svasthya men bhi labh mahsus hoga. shani ke lie shanti path v dan karte rahen, shubh fal prapt honge.
tula: pichla varsh tula rashi ke lie vishesh nesht tha. is varsh kasht v chintaen kuch kam hongi. lekin chinta se mukti men kuch samay lagega. shani-shanti ke lie shani mantra ka jap, sarson ke tel ka chaya dan, hanuman ji ki aradhna uÿam rahegi. dhairya rakhen, hani par lagam lagegi. karm n choren. vrishchik: yah varsh atyadhik kharchon ka hai. yatra, proparti ya svasthya par vishesh kharch honge. shani ki sarhesati shuru hone ke karan kuch chinta barh sakti hai ya kamon men avrodh a sakte hain, lekin ay bani rahegi v ruk-ruk kar kam bante rahenge. hanuman chalisa ka path, mahamrityunjay mantra ka jap labhkari rahega.
dhanu: yah varsh santan se sukh, labh v yatraon ka rahega. dhan prachur matra men prapt hoga. shatru apne ap har jaenge. karya men vriddhi hogi aur jo kam abhi tak nahin ban pa rahe the, ab purn honge. charon or se saflta prapt hogi. samay ka sadupyog karen. nirnay lekar age barhen saflta hi milegi.
makr: yah varsh vishesh saflta aur failav lekar aega. jo padonnati ka intjar kar rahe hain, ve is varsh unnati prapt karenge. naya ghar prapt kar sakte hain arthat ghar badal sakta hai. anek nae sanbandh banenge jinse labh prapt hoga. santan paksh se bhi shubh suchnaen prapt hongi.
kunbh: yadi varishth adhikariyon se anaban chal rahi hai ya karya kshetra men kuch samasya chal rahi hai to is varsh ye samasyaen samapt ho jaengi. naukri valon ke lie sthanantaran hone ki sanbhavna banegi. pichle varsh ke mukable yah varsh adhik bhagyashali v labhdayak rahega.
min: naukri valon ko is varsh apne varishth adhikariyon ki agya ka palan karna chahie tatha apne adhinasth karmachariyon ke sath sahyog karne se labh hoga. anyatha ashanti ka karan ho sakta hai. dhan ki drishti se yah varsh achcha rahega. tirth yatraen hongi, ghar men sukhad vatavaran rahega parantu vyavsay men kuch katu vatavaran rahega.
jivan men jarurat hai jyotishiya margadarshan ki? abhi bat karen fyuchar point jyotishiyon se!