nae sanvatsar ka mediniya jyotishiya falajay indar malik is varsh sanvat 2069 chaitra shukla paksh ki pratipda din shukravar se aranbh ho raha hai. is ka nam vishvavsu hai. is sanvatsar ka svami rahu hai.
is sanvatsar men shasan pranaliyon men asthirta rahegi. varsha evan faslen kam hanegi. janta rogon aur karon ke bojh se pirit rahegi, anaj mahange honge. is sanvat ka raja shukra hai. samaj men striyon ka man barhega. audyogik vikas men gati ayegi. kalyankari karyon ka labh janta tak pahunchega. rogon par niyantran ke liye prabhavshali kadam uthaye jayenge. vilasita adhik barhegi. saundarya prasadhnon ke vyapariyon ko vishesh labh milega. sona, chandi ke bhav asman par honge.
14-10-2012 se 12-2-2012 tak nirsesh (dhatu evan vyapar ka svami) surya hai. rajnaitik dal ek dusre par havi hone ka prayas karte rahenge. bharat ki takat barhegi. shasak varg achche aur suvicharit nirnay lenge. tanba, sona, chandi mahange honge tatha jau, mung, matar, arahar, ghi, kapas sarvadhanya, sarson, jut-bardana par viprit prabhav parega. falesh: guru dev hai.
14 march 2012 se 12-4-2012 tak haldi, chana, pile rang ki vastuon ke bhav samanya rahenge tatha bhugarbh se naye bhandar mil sakte hain. is varsh ka mantri shukra hai. faslane to achchi hongi. parantu barh tatha chuhon se khari fasal ko hani hogi. nadiyon men barh ane ke karan samip ke pradeshon men hani hogi. sasyesh: chandra dev hai.
16-7-2012 se 15-8-2012 tak varsha adhik hogi. dudh ki matra adhik hogi. praja men sukh sadhnon ki vriddhi hogi. janta shubh kamon men lagegi. shaskon men sangharshon ki kami hogi. rog kuch shant honge. sone tatha tel v telvale padarthon ke bhavon men kami hogi. durgesh pad gurudev ke pas hone se shasan adhikari, lok kalyankari kamon men tatparata dikhlayegen. nyay samanta ki bhavna rajya prashasan men hone par bhi asuraksha ki bhavna barhegi. sainya bal barhega.
16-8-2012 se 15/09/2012 tak guru mesh rashi men hoene ke karan sone, chandi, tanba, gur men mandi hogi. dhanesh: yah pad surya dev ke pas hai. vyapariyon ko uttam labh hoga.
16-9-2012 se 15/10/2012 gay-bhains chaipayon ke vyapariyon ko uttam labh milega. mandi ka daur samapt hoga. shramikon ka sahyog barhega. vyapari sangrah karege jisse janta ko nuksan tatha vyapari ko labh milega.
rasesh (mangal dev) 16-10-2012- 15-11-2012 tak tatha surya tula rashi men hai. varsha kam hogi. falon ke bhav barhenge. sansad ke satra men ek dusre par arop lagaye jayenge. falon ke vyapariyon ko kathor mehanat karni paregi. gehun, anaj, gur, khand, sona, chandi, lal chijen v lal vastuon men teji hogi. varsh ke dhanyesh shani dev hain.
15/12/2012 se 13/1/2013 tak anaj mung, moth, bajre ki fasal men rog hoga. shaskiya kosh men kami hogi. janta men matbhed barhega. vishva men shanti ke prayason men badhayen ayengi. rogon ka prakop barhega. alpavrishti ke yog hain, rasile padarthon men teji ayegi. meghesh pad guru dev ke pas hone se varsha achchi hogi prashasan janta ki suvidhaon ka vishesh dhyan rakhega. mudrasfiti men kami ayegi. desh men videshi mudra ka agaman hoga.
janta men sukh samriddhi hogi 21-6-2012 se 20-7-2012 tak sone-chandi men mandi ayegi. megh fal: is varsh avart nam ke megh ka prabhav rahega. kahin varsha kam aur kahin olon ki vriddhi hogi. krishi utpadan men kami hogi. sarvatra ashanti bani rahegi. falon aur hari sabjiyon ke damon men vriddhi hogi. nag fal: is varsh prithushrav nam ka nagraj hai. is ke prabhav se varsha kam v faslon ko hani hogi.
samay nivas: is varsh kumhar ke ghar samay nivas hai. varsha men kami, udyogon v yatayat ke sadhnon men vriddhi hogi. sangrah karne vale sukhi honge. is varsh men samay ka vahan mendhak hai. shasnadhyaksh galt-fahmi ke shikar honge. bari chatukarita se baten karenge. janta ke kalyankari upayon ko amal men nahin layenge. samaj men vilasita ki pravritti barhegi. uttara-purva evan pashchim pradeshon men prakritik upadrav adhik honge.
mudra bajar men giravat rahegi. rohini nivas: is varsh rohini ka nivas parvat par hai. alp varsha, vayu veg se durbhiksh bhay hoga. krishi utpadan men kami hogi. sinchai ke sadhnon ki avashyakta padegi. bahut se muslim rashtradhyakshon ke satta parivartan ka yog hai.
islamik ugravad men vriddhi hogi. falon ke utpadan men labh milega adrra pravesh ke samay kunbh lagn ka chaitha ansh udit hoga. tritiyesh aur dashmesh mangal saptam bhav men baitha hai. logon men krodh aur vilasita ki pravritti barhegi. adrra pravesh kundli men saptam mangal ki drishti pratham, dvitiya aur dasham bhav par parti hai jiske karan purvottar bharat, purvi bihar, pashchim bangal, keral adi men varsha adhik hogi.
sitanbar mas men gujrat, kachch, uttara2 pradesh, madhya pradesh, bundelkhand v rajasthan ke maidani ilakon men varsha ki kami se krishkon ko hani ka samna karna parega. dilli, hariyana tatha panjab men varsha achchi hone ka yog hai.