nav varsh ki shuruat karen, kuch aise niraj sharma pratyek varsh ki bhanti is bar bhi varsh 2011 ko vida karke navavarsh 2012 ka agaman ho raha hai tatha charon aur navavarsh ke svagat ki lahar daur rahi hai tatha sabhi log vibhinn tarikon se navavarsh ke agaman ki taiyari kar rahe honge. hamare desh men bhi pratyek varsh harshollas ke sath manaya jata hai aur yuva varg iske lie vishesh utsahit rahta hai.
vaise dekhen to yah angreji sabhyata ka navavarsh hai aur barhti pashchatyata ke karan ham apna navavarsh bhulakar angrej navavarsh ko hi purnatah apnate hain tatha vartaman ko dekhen to pure pashchatya dhang se hi navavarsh ka svagat hota hai. vaise yah bhartiya navavarsh to nahin hai parantu anya sanskriti aur sabhyataon ka adar karte hue navavarsh manate hain to bhartiya taur-tarikon se navavarsh ka svagat karna chahie tatha jyotishiya drishtikon se bhi kuch aise karyon ya upayon ke sath navavarsh ki shuruat karen. jo varsh bhar apke lie sahayak hon.
jaise- navavarsh ko pratahkal uthakar snan adi se nivritt hokar ishvar ko pranam karen tatha apne isht ke samaksh unke dhyan men baithen, ghar ke ishan kon men ghi ka dipak jalayen, baron ko pranam karen, tatpashchat mitron adi ko vandan karen.
mesh: mesh rashi ke jatak navavarsh ke din pakshiyon ko bhojan avashya khilaen, durga ji v hanuman ji ke mandir men prasad charhaen, kisi garib vyakti ko ek kala kanbal dan karen to navavarsh manglkari rahega.
vrish: vrish rashi ke jatak is din gay ko panch besan ke laddu khilaen, kisi brahman ko pile vastra dan karen, kele ke vriksh par ghi ka dipak jalaen to varsh bhar shubhkari hoga.
mithun: mithun rashi ke jatak is din ganesh ji ko bundi ke laddu charhaen, machliyon ko kuch bhojan avashya karaen, gay ko gur khilaen tatha kisi garib vyakti ko masur ki dal ka dan karna shubh hoga.
karka: kark rashi ke jatak hanuman ji ke mandir men avashya jayen, kisi garib vyakti ko kanbal dan karen, tel ka parantha banakar kuÿo ko khilaen to shubhkari hoga.
sinh: sinh rashi ke jatak surya ko jal avashya den, ek nariyal aur gyarah sabut badam kale kapre men bandhakar bahte jal men choren, kisi pinjre men band pakshi ko kharidakar svatantra kar den to varsh manglkari rahega.
kanya: kanya rashi ke jatak is din hanuman chalisa v sanktmochan ka path avashya karen. ek kala kanbal kisi garib ko dan karen. gur v chane ki dal gay ko khilaen to navavarsh shubhkari hoga.
tula: tula rashi ke jatak is din urad ki dal, kale kapre ke sath kisi garib vyakti ko den tatha ganesh ji ko laddu avashya charhayen aur gur se bani mithi roti gay ko khilaen to varsh shubh rahega.
vrishchik: hanuman ji ko prasad charhaen, kale uni vastra kisi vriddh vyakti ko dan karen. ghar ki pashchim disha men tel ka dipak jalaen to varsh manglkari hoga.
dhanu: is rashi ke jatak durga ji ko ek nariyal arpit karen, saptadhanya ka dan karen, thora bajra pakshiyon ko avashya khilaen to navavarsh manglkari hoga.
makr: makar rashi ke jatak chane ki dal kisi brahman ko dan karen, gay ko gur khilaen, hanuman ji ke darshan avashya karen v ghar ke ishan kon men ghi ka dipak jalaen to varsh shubhkari hoga.
kunbh: kunbh rashi ke jatak is din revri garibane ko bantane ganesh ji ko pranam karke ghar se niklen aur kisi samaj sevi sanstha men kuch dan avashya karane to varsh shubhkari rahega.
min: min rashi ke jatak is din kisi vriddh vyakti ko uni vastra dan karen, hanuman ji ko prasad charhae,n tel ka parantha kuÿo ko khilaen to varsh bhar shubh hoga.