nim ka vriksh har gali, muhalle, bag-bagiche, sadak kinare men dekhne ko milta hai. shayad hi koi aisa vyakti ho jisne nim ka vriksh n dekha ho. bharat varsh men nim har jagah pai jati hai. yah ek vishal vriksh hai jiski unchai 40 fit se 60 fit hoti hai. charon or shakhaen-prashakhaen nikli rahti hain. pattiyan shakhaon par samuhabaddh kram men lagi hoti hain. shakhagra komal hote hain jo kopal kahlate hain. fal lanbe gol, kachchi avastha men hare tatha pakne par pile hote hain. chal moti, khurdri tatha resheyukt hoti hai. patte ek inch se tin inch lanbe v adhe se paune inch chaide hote hain. patti svad men kadvi hoti hai. iske naye patte lalima yukt, komal aur sundar hote hain. nim ke pushp safed guchchon men hote hain. iski sugandh charan taraf failti hai. nim ke fal ko nimori ya nimboli kahte hain. praranbh men ye hara rang lie hoti hain lekin pakne ke bad pili ho jati han. nim ko angreji men danthven jtamam kahte hain. gun dharma: nim men ek taral padarth niklta hai jise margosin kahte hain. yah kodh nashak hota hai aur sabhi prakar ke charm rogon men labhdayak hai. iske patton men vitamin adhik paya jata hai. mutra vikar nasht hote hain, majjon ke lie hitkari hain. kaf v pitt rognashak hain. chechak ke rog men yah amrit ka kam karti hai. nim kitnashak bhi hai. prachin kal se hamare maharshi ayurvedik aushdhiyane men nim ke pachang ka prayog karte aye hain. ayurved men nim ko kalpavriksh kaha gaya hai. jis sthan par yah vriksh hota hai uske ek kilomitar ke ghere tak yah vatavaran ko shuddh karta hai aur ghatak kitanuon ko nash karta hai. upyog: nim ke tel, tadi tatha lavnchurn ka sangrah kiya jata hai. kopal ya taji chal sidhe prapt ho jati hai. nim ka tel paki ninbauli se prapt kiya jata hai. - visham jvar ko shant karta hai. kaf v pitt ko shant karta hai. - nim ke purane vrikshon se ek prakar ka ras niklta hai jo uchch koti ka raktashodhak mana jata hai. - nim ek jivanunashak aushdhi hai. - nim ki pattiyon ka kadha vishanurodhi kshamata rakhta hai. - rakt ka samagra shodhan kar yah pratirodhi samathrya badhata hai. - nim ki pattiyon ka ark rakt sharkara ko kam karta hai. nim ke tel ki malish samast prakar ke fanusi-fode khujli adi men labhdayak hoti hai. - vishaile fodon, purani tvacha ki vyadhi, kodh tatha kisi bhi prakar ke roganu ke akraman men fayda karta hai. - nim ki datun danton ko majbut aur masudhon men hone vale payriya ki roktham karti hai. vibhinn rogon men nim ka upyog bavasir nim ke tel ki kuch bunde guda men lagane se bavasir ke masse baith jate hain. charm rog nim tel ki malish karne se sharir par pade chakte adi dur ho jate hain. charm rog men nim ke patton ka kadha banakar pine se ya pis ka lep karne se bhi charm rog men labh hota hai. nim ke patton ko pani men ubalakar isse snan karne se bhi sharir ki tvacha sundar aur rog rahit hoti hai. kushth rog is rog men anvle haritki aur nim ke patton ka churn lene se bahut labh hota hai. piliya piliya men nim ke patton ke ras men sonth v shahad milakar dene se labh hota hai. shit pit nim ke das patte, panch gram anvla churn v panch gram ghi milakar 15 din pilane se shitpitt rog thik ho jata hai. gathiya nim ke patte aur paraval ke patton ko barabar matra men lekar pani men ubalakar shahad milakar subah sham sevan karne se gathiya men labh hota hai. haija nim ki das gram pattiyon men 5 gram hing aur panch gram gud milakar do bar ek-ek goli khilane se bhayankar haije men labh hota hai. atisar nim, babul ke patton ko barabar matra men lekar pis len aur shahad milakar rogi ko den, fauran labh hoga. maleriya nim ke chal ka churn satvagiloy aur chirayta ke sath lene se maleriya men bahut labh hota hai. shvet pradar nim v babul ki chal ka kadha pine se shvet pradar men labh hota hai. ti. binim ke patton ko pisakar das gram shahad milakar pratah chalis din tak pine se atyant labh hota hai. balon ki badhat v ganj men das-das gram ber v nim ke patton ko pisakar palp banakar sir par balon ki jadon par lep karen fir char ghante bad dho dalen. yah kriya tis din tak lagatar karen. bal khub badhenge, ganj thik hokar naye bal niklne lagenge. kuch vishesh - chaitra mas men nim ki koplon ka sevan shreshth mana gaya hai. - kushth rog ke lie nim ke niche rahne se rog men labh hota hai. - nim ki datun karna, pratidin pratah nim ke patton ka ras, nim tel, sare sharir men nim tel ras ka ubatan karne se tvacha se sanbandhit sabhi rog dur hote hain. kodh jaisa rog bhi thik ho jata hai. - shvet kushth men rogi ko nim patra-pushpa-fal sambhag men rakhakar mahin pisakar 2 gram ki matra men jal se ghont- chanakar sevan karte hue 3-6 masha tak badhate hue 40 dinon tak sevan karna chahie. - nim patton ka churn desi ghi ke sath nitya 2 gram ki matra men subh-sham sevan karne se kabhi visham jvar nahin ata tatha kisi bhi prakar ki chot men ghav pakta nahin hai.
Kya aapko lekh pasand aaya?
Subscribe