prastut ank se ham ek nae stanbh ki shuruat kar rahe hain - vividha. is stanbh men pathkon ki jigyasa ke anurup unke labharth ham hamare aspas rahne vale logon ki najar, unke khan-pan, uthne-baithne, likhne-parhne adi ki mudraon aur unka anya logon par parne vale prabhavon ka vishleshan prastut karenge. shrinkhla ki pahli kari men logon ki najar aur uske bure prabhavon tatha unse bachav ke upayon ka vishleshan prastut hai. najar agar pak ho, shubh ho, to kisi ki bigri jindgi sanvar de, par agar napak ho, buri ho, to kisi ki chain se gujar rahi jindgi men jaljla la de, uska jina dubhar kar de. ham jahan rahte hain, vahan hamare irda-gird kai aise log rahte hain, jinki buri najar kab ham par par jati hai, ham samajh bhi nahin pate aur hamara sukun bhara jivan dukhamay ho jata hai.
kaise hota hai yah? kaise ham aisi najar ki pahchan karen? isse bachne ka upay kya ho? aie, janen... najar athva upri havaen amtaur par sharirik v mansik rup se kamjor logon ko satati hain, saksham logon par inka prabhav bahut kam hota hai, ya fir nahin hota. islie najar athva upri havaon se grast kisi vyakti ko unse bachav ke upay batane ke purva uski sharirik sanrchna v kshamataon ke vishay men janna avashyak hai.
isi tathya ke maddenajar, yahan sharir ki sanrchna ka vishad vivaran prastut hai.
- sthul sharir: sthul sharir se tatparya haddi aur majja se nirmit bahri sharir se hai, jismen pran nahin hai.
- sukshm sharir: sukshm sharir se tatparya sharir ki sukshmata se hai, jiske vishleshan se kisi vyakti ki sukshm sharirik kriyaon ki jankari prapt ki ja sakti hai.
- ati sukshm sharir: ati sukshm sharir vah hota hai, jismen apne atirikt bahri chijon ko dekhne ki kshamata hoti hai.
- manas sharir: jab manav sharir men mastishk apna karya karna praranbh kar de, to vah manas sharir kahlata hai.
- atmik sharir: jab manav sharir men atma ka pravesh ho jata hai aur atma tatva ko janne lagti hai, to aisa sharir atmik sharir kahlata hai.
- brahm sharir: brahmand men sthit tatvon se manav sharir ka ekikaran v prakritik tatvon se milan hone par brahm sharir kahlata hai.
- nirvan sharir: jab sharir se atma nikal jae aur vah atma svayan ko sharir manakar karya kare, to vah nirvan sharir kahlata hai.
jab najar manas sharir par parti hai, to parinam kuch aur hota hai aur jab najar atmik arthat brahm sharir ka chedan ya hras karti hai, to parinam usse bhinn hota hai. upri havaen v jivatmaen sabhi prakar ke shariron ko jakar lene men saksham hoti hain. pratyek manushya ki dekhne ki apni kshamata hoti hai aur najar ki duri ki ek nishchit sima hai. ankhon se ek urja niklti hai, jiske prakash se ham dusron ko dekh pate hain. sanbhvtah aisa najar dosh prakashiya kirnon dvara hota hai.
ankhon ke rang bhi bhinna-bhinn hote hain. samanyatya hamen kali, nili, pili, bhuri, hari aur safed ankhen dekhne men ati hain. ankhon ke rangon ki bhinnata ke saman hi inki prakashiya kirnon ki kshamata v akarshan bhi bhinna-bhinn hota hai. kane vyakti ki najar men vishesh marak kshamata hoti hai aur yah teji se asar dalti hai. iske viprit bhainge vyakti ki najar asani se nahin lagti. kab lagti hai najr? koi vyakti jab apne samne ke kisi vyakti athva uski kisi vastu ko ishryavash dekhe aur fir dekhta hi rah jae, to uski najar us vyakti athva uski vastu ko turat lag jati hai. aisi najar utarne hetu vishesh prayatn karna parta hai
anyatha nuksan ki sanbhavna prabal ho jati hai. vishesh upchar jab bhi apko aisa abhas ho ki apko kisi ki najar lag gai hai to turant do bar thuk den.
buri najar aur upri havaon se bachav ke kuch upay yahan prastut hain.
- donon sandhyaon tatha madhyahn ke samay shayan, adhyayan, snan, tel malish, bhojan ya yatra nahin karni chahie. vishesh: donon sandhyaon se tatparya suryast se kuch pahle v kuch der pashchat ke samay se hai.
- dopahar, sandhya ya adhi rat ke samay kisi chairahe par nahin rahna chahie.
- sandhya ke samay bhojan, stri sang, nidra aur svadhyay ka tyag karna chahie. is samay bhojan karne se vyadhi, stri sang se krur santan ka janm, sone se lakshmi ka hras aur adhyayan evan svadhyay se ayu ka nash hota hai.
- ratri men shmashan, devmandir, chairahe, upavan chaityavriksh, sune ghar v jangal ka sadaiv tyag karna chahie, kyonki is samay in sabhi sthanon par upri havaen jagrat aur sakriya rahti hain.
- amavasya ke din vriksh ki dal n katen, nahi uski patti toren.
- juthe munh, nagn hokar, dusre ki shayya par, tuti khat par evan sune ghar men nahin sona chahie. bans v palash ki lakri par sona bhi ashubh hai. bhige pair sone se lakshmi ka hras hota hai. purush jatak sote samay mukh saf rakhen aur lalat se tilak tatha sir se pagri v pushp utar den.
- yathasanbhav din men uttar v ratri men dakshin ki or mukh karke mal-mutra ka tyag karen.
- kisi vriksh ke niche ya shmashan ke nikat mutra tyag n karen anyatha bhari hani ka samna karna par sakta hai.
- kisi jalashay, kuan, bavri ya talab se kam se kam solah hath ki duri par hi mal-mutra ka tyag karen.
- mal-mutra ka tyag karte samay mukh samne ki or hi rakhen - n to upar ki or dekhen, n hi mal mutra ki or. is samay jor-jor se sans bhi n len.
- gaushala, khet, hari-bhari ghas aur devalay ya kisi bil men athva kisi chairahe, gobar, pul ya bhasm aur koyle ki dher, parvat ki choti ya kisi banbi par ya fir logon ke gharon ke aspas, agni men ya uske samip aur geehun men bhulakar bhi mal-mutra tyag n karen.
- agni, surya, chandra, gay, brahman, stri, vayu ke veg aur devalay ki or mukh karke mal-mutra tyag n karen. vishesh: aisa karne par ayu v buddhi ka hras hota hai v garbhapat ki prabal sanbhavna ban jati hai. prathma, shashthi, ashtami, ekadshi, chaturdashi, purnamasi aur amavasya ko sharir par tel v ubatan adi n lagaen.
tel, ubatan adi keval somvar, budhvar v shanivar ko lagana labhkari hota hai.
- bura svapn dekhne ke pashchat nagn hokar snan nahin karna chahie.
- shmashan se lautne par hajamat ke pashchat ya stri sang ke pashchat nagn hokar snan nahin chahie.
- nae vastra sadaiv jal se sikt kar hi pahnne chahie.
- bhige vastra nahin pahnne chahie.
- dusron ke pahne vastra nahin pahnne chahie.
- ek vastra men dan, ahuti, svadhyay, havan, yagya, devarchan v pitri tarpan karna ashubh hai.
- bhojan karte samay jo bhojya padarth gir jae athva bhojan karke jis ann ko chor diya gaya ho, use fir nahin khana chahie.
- gay, kutte, rogi, rajasvala stri, pakshi, kaue, chandal, veshya, vidvan se nindit samuh ke lie ghoshit athva shraddh ka, sutak ka, shudra ka ya fir kisi ke dvara langha hua bhojan grahan nahin karna chahie. vaidya, rangsaj, dhobi, abhimani, napunsak, chor, dhongi, tapasvi, jallad, teli, lohar adi ka bhojan bhi grahan nahin karna chahie.
- jhadu, bakri, billi, kutte, bher, gadhe aur unt ki dhuli se sadaiv bachakar rahna chahie.
upchar: yadi aisi sthiti se kabhi gujrna para ho, to gangajal dalakar nahaen athva use sharir par chirken. aksar dekhne men ata hai ki kisi ke ghar se bahar jate samay koi dusra use tok deta hai jaise kahan ja rahe ho, suno, kabhi mat jao, ruko, jane ka kya fayda adi. is tarah se tokna kam par nikle us vyakti ke lie ashubh aur anishtasuchak hota hai. atah aisi sthiti se bachna chahie. agni aur shivling, bhagvan shankar aur nandi ki pratimaon, ghore aur sanr, pati aur patni, gay aur brahman, brahman aur agni, do agnipunjon, do brahmanon tatha surya v chandra ki pratimaon ke bich se nahin niklna chahie.
vishesh: shastranusar sansar ke sabhi karyon ka samay nishchit hai. sabhi karya apne samay vishesh par hi hote hain. aise men kisi ke tokne ya rokne se us samay men parivartan ho jata hai, jiske falasvarup vah karya nirdharit samay par nahin hota aur usmen rukavat a jati hai. dainik karmon men kuch aise hote hain, jinhen karne ya jinke ho jane par upri havaen prabhavi ho jati hain, jiske falasvarupjatak ke marg men anjani pathkon ke hitarth yahan kuch vaise hi karyon ka vivaran prastut hai, jinka tyag karna chahie.
- kisi ka diya seb kabhi nahin khana chahie, kyonki seb par upri kriyaen karna asan hota hai aur ve atyant prabhavi hoti hain.
- jal ke bhitar mal-mutra ka tyag karan ya thukna nahin chahie.
- surya ki or dekhte hue peshab nahin karna chahie.
- agni par peshab nahin karna chahie shvet ak, chameli, rat ki rani, pipal, maulsiri, shisham, dhak, gular, kikar adi ke peron ke niche mal-mutra ka tyag nahin karna chahie.
- safed rang ki vastuen jaise chaval, bura, mithai adi khane ke pashchat un sthanon se nahin gujrna chahie, jahan havaon ka vas hota hai.
- menhdi, itra adi lagakar bhi un sthanon par nahin jana chahie, jahan havaon ka vas hota hai. uparyukt avasthaon se prabhavit vyakti ki pahchan
- aisa vyakti bar-bar bure svapn dekhta hai.
- aise vyakti ki ankhen v chehra lal ho jata hai.
- uske pairon, sir v pet men dard hota hai.
- use bar-bar pasina ata hai.
- uski adten achchi hon, to uske tan se sugandh aur buri hon to durgandh ati hai.
utara: utara shabd ka tatparya vyakti vishesh par havi buri hava athva buri atma, najar adi ke prabhav ko utarne se hai. utara vah vastu hoti hai jo sidha atma par var karti hai. amtaur par is prakar ke utare mithaiyon dvara kie jate hain, kyonki mithaiyon ki or ye shiaghra akarshit hote hain. utara karne ki vidhi utare ki vastu sidhe hath men lekar aveshit vyakti ke sir se pair ki or sat athva gyarah bar ghumai jati hai. isse vah buri atma us vastu men a jati hai.
utara ki kriya karne ke bad vah vastu kisi chairahe, nirjan sthan ya pipal ke niche rakh di jati hai aur vyakti thik ho jata hai. kis din kis mithai se utara karna chahie, iska vivaran yahan prastut hai.
- ravivar: ravivar ko tabak athva drai frut yukt barfi se utara karna chahie.
- somvar: somvar ko barfi se utara karke gay ko khilaen.
- manglvar: manglvar ko moti chur ke laddu se utara karen v use kutte ko khilaen.
- budhvar: budhvar ka utara imrti se karen v use kutte ko dalen.
- guruvar: guruvar ko sayan kal ek done men athva kagaj par panch mithaiyan rakhakar utara karen. utara karke usmen choti ilaychi rakhen v dhupabatti jalakar kisi pipal ke vriksh ke niche pashchim disha men rakhakar ghar vapas jaen. dhyan rahe, vapas jate samay piche murakar n dekhen. ghar akar hath aur pair dhokar v kulla karke hi anya karya karne chahie.
- shukravar: shukravar ko moti chur ke laddu se utara karna chahie v laddu kutte ko khilaen ya chairahe par rakhen.
- shanivar: shanivar ko utara karna ho to imrti ya bundi ka laddu prayog men laen v use utare ke bad kutte ko khilaen. najar utarne athva utara adi karne ke lie nimnalikhit vastuen prayog men lai jati hanai.
- kapur - banudi ka laddu - imrti - barfi - karve tel ki rui ki bati. - jayafal - uble chaval - bura, - rai - namak - kali sarson - pili sarson - mehandi - kale til - sindur - roli - hanuman ji vala sindur - ninbu - uble ande - guggal - sharab - dahi - fal - ful - mithaiyan - lal mirch - jhadu - mor chal - laung
- nim ke patton ki dhuni. upri havaon se bachav hetu kuch anubhut prayog
- lahsun ke tel men hing milakar do bund nak men dalne se upri badha dur hoti hai.
- ravivar ko sahdei ki jar, tulsi ke ath patte aur ath kali mirch kisi kapre men bandhakar kale dhage se gale men bandhne se upri havaen satana band kar deti hain.
- nim ke patte, hing, sarson bach v sanp ki kechuli ki dhuni se bhi upri badha dur hoti hai.
- ravivar ko kale dhature ki jar hath men bandhne se upri badha dur hoti hai.
- gangajal men tulsi ke patte v kali mirch pisakar ghar men chirkne se upri havaon se mukti milti hai.
- hanuman ji ki upasna atyant labhkari hoti hai.
- ram raksha kavach ya ramavachan kavach parhne se turant labh milta hai.
- peridaet, sang sulemani, kraiso lait, karneliyan jet, saitrin, kraiso prej jaise ratn dharan karne se bhi labh milta hai.
- gayatri mantra ka jap karen. (subah ki apeksha sandhya samay kiya gaya gayatri mantra ka jap adhik labhkari hota hai.) sthayi v dirghakalin labh ke lie nimnalikhit karya avashya karen.
- gayatri mantra ka jap (sandhya ke samy) aur jap ke dashansh ka havan.
- hanuman ji ki ninratar upasna.
- bhagvan shiv ki upasna v unke mul mantra ka jap.
- mahamrityunjay mantra ka jap.
- man durga aur man kali ki upasna.
- snan ke pashchat tanbe ke lote se surya ko jal ka aghrya den.
- purnamasi ko satyanarayan ki katha kisi karmakandi brahman se sunen.
- sandhya ke samay ghar men dipak jalaen.
- pratidin guggul ki dhuni den.
- ghar men pratidin gangajal chirken.
- pratidin sundar kand ka path karen.
- asan ki shuddhi ka dhyan avashya rakhen.
- kisi ke dvara diya gaya sev v kela n khaen.
- ratri barah se char baje ke bich kabhi snan n karen.
- bimari se mukti ke lie nibu se utara karke usmen ek sui ar-par chubho kar puja sthal par rakh den aur sukhne par fenk den. yadi rog fir bhi dur n ho, to rogi ki charpai se ek ban nikalakar rogi ke sir se pair tak chuate hue use sarson ke tel men achchi tarah bhigokar barabar kar len v latkakar jala den aur fir rakh pani men baha den.
- ghar v dukan men pratah kal gangajal chirken aur sanbhav ho, to nahate samay bhi gangajal prayog men laen.
- purnamasi ko satyanarayan ki katha karvaen.
- ramayan ka path karen.
- ghar ke nikat mandir men pratah kal jakar dev darshan karen.
- sandhya samay ghar men puja sthal par dipak jalaen.
- sandhya samay ghar men nim ke sukhe patte ka dhuan den.
- ghar v uske as-pas pipal n ugne den. kele ka per ghar men n lagaen.
- ghar se bimari n ja rahi ho, to jayafal utarakar agni men dalen
- ratri men duahsvapn ate hon v upri havaen pareshan karti hon, to lahsun ke tel men hing milakar ek bund nak men lagaen vishesh: utara adi karne ke pashchat bhalibhanti kulla avashya karen.