shukla pratipda se navmi tithi tak navratra vrat hota hai. ek samay janmejay ne vedavyas ji se pucha- ”he dvi javr! navratra ane par kya karna chahie? vishesh rup se sharatkal ke navratra ka kya vidhan hai? ise savistar batane ki kripa karen.
vyas ji bole- ”rajn! sharatkal aur vasant ritu ke navratra men man bhagvti ki prempurvak vidhi-vidhan se puja karni chahie. sanpurn praniyon ke lie ye donon rituen mahan kashtakari hain. inke prabhav se bahut se pran ai apne pran bhi ganva dete hain. ataev in navratron ke ane par bhagvti chandi ki puja aradhna avashya karen.
rajn! navratra ane par shraddh a v bhaktipurvak man ki puja honi chahie. amavasya ke din hi puja ke nimitt uttamottam samagri ka sanchay karna chahie. us din ek hi bar havishyannn ka bhojan karen. kisi samatal bhumi par mandap banvaen. khanbhon aur dhvajaon se mandap ko sajakar safed mitti aur gobar se use lipva den. tadnantar mandap ke madhya bhag men ek svachch, divya evan unchi vedi banaen.
man bhagvti ka yahi uttam asan hota hai. vedi ko chahun or se bandnvar aur chandni adi se sushobhit karen. ho sake to yah sanpurn navratra pujan devi ke rahasya ko achchi prakar janne vale sadachari, sanymshil evan satoguni vritti vale brahmanon se hi sanpann karaen. amavasya ki ratri ko hi puja ke nimitt brahman aon ko amantrit karen.
pratipda ke din pratahkal vyavasthanusar nadi, sarovar, bavli, kuan men ya ghar par hi savidhi snan karen. pratidin ke pratahkal ke jo niyam hon, unhen purva men hi purn kar len. taduprant brahmanon ka varan karen. padya, aghrya aur achmniya se brahmanon ki puja shreyaskar hai. samathryanusar vastrabhushan aur dravyadi varan men arpan karen.
ghar men sanpatti ho to kripnta karna anuchit hai. santusht brahmanon dvara hi samyak prakar se karya sanpann ho sakta hai. ath bhujaon vali bhagvti sanatni ki bhi pratishtha karne ka vidhan hai. bhagvti ki pratima ke abhav men navarn mantra se likhe hue yantra ko puja ke lie pith par sthapit kar lena chahie.
nanda tithi arthat pratipda men hast nakshatra ho to us samay ka pujan uttam mana jata hai. upvas vrat, ekbhukt vrat athva nakt vrat kisi bhi ek vrat ka niyam karne ke pashchat puja ki vyavastha karni chahie. havan karne ke lie trikon kund banana chahie athva uttam vedi bhi banayi ja sakti hai, kintu vah bhi trikon hi ho.
dravyon se pratah, sandhya aur madhyahn tinon samay men bhagvti ki puja karen. madhur bhojnadi se kumari kanyaon ki puja karni chahie. nauven din nau kanyaon ka pujan hona chahie. puja men ek varsh ki avastha vali kanya nahin leni chahie, kyonki vah gandh aur bhog adi padarthon ke svad se bilkul anbhigya rahti hai. kumari vahi kahlati hai, jo kam se kam do varsh ki ho chuki ho. tin varsh ki kanya ko trimurti aur char varsh ki kanya ko kalyani kahte hain.
panch varsh vali ko rohini, chah varsh vali ko kalika sat varshavali ko chandika, ath varsh vali ko ‘shanbhvi’, nau varsh vali ko durga aur das varsh vali ko subhadra kaha gaya hai. isse upar avastha vali kanya ki puja nahin karni chahie. dukh aur daridrya ke shaman ke lie kumari ki puja karni chahie. bhagvti trimurti ki puja se trivarg arthat dharm, arth aur kam ki siddhi milti hai.
jis raja ko vidya, vijay, rajya evan sukh pane ki abhilasha ho, vah sabhi kamnaen purn karne vali bhagvti kalyani ki nirantar puja kare. shatru ka shaman karne ke lie bhagvti kalika ki bhaktipurvak aradhna karni chahie. bhagvti chandika ki puja se aishvarya evan dhan ki purti hoti hai. kisi ko mohit karne, dukh daridrya ko hatane tatha sangram men vijay pane ke lie bhagvti shanbhvi ki sada puja karni chahie.
kisi kathin karya ko siddh karte samay, athva yadi dusht shatru ka sanhar karna ho to bhagvti durga ki puja karni chahie. manorath ki purti ke lie subhadra ki sada upasna honi chahie. rog nash ke lie rohini ki nirantar puja karen.
bhakti bhav se sanpann hokar bij mantra se puja karne ka vidhan hai. jiske sharir men kisi ang ki kami ho, jiske ang men kahin chidra ho tatha jo durgandhyukt evan nich kul men utpann hui ho, aisi kanya ko puja men nahin lena chahie.
janm se andhi, tirchi najar se taknevali, kani, kurupa, bahut romvali, rogini tatha rajasvala kanya ka puja men parityag karen. apni mata evan pita se utpann kanya ka hi samyak prakar se pujan karna chahie.
sabhi karyon ki siddhi ke lie brahman ki kanya, yuddh men vijay pane ke lie kshatriya ki kanya tatha vyapar men labh ke lie vaishya athva shudra ki kanya ka pujan karna chahie. brahman aur kshatriya brahman ki kanya ki puja karen. vaishya ke lie brahman, kshatriya aur vaishya in tinon varnon ki kanya ki puja ka vidhan hai.
shudra ke lie charon varnon ki kanyaen pujniya hain. shilp karm karne vale log yathayogya apne-apne vansh ki kanyaon ka pujan karen. navratra men pratidin puja karne men asamarth hon to ashtami ke din vishesh rup se pujan karna param avashyak hai. daksh ke yagya ko vidhvans karnevali bhagvti bhadrakali ka avtar ashtami ko hua tha.
unki akriti bari bhayankar thi. unke sath karoron yoginiyan thin. ataev bhanti-bhanti ke upharon, gandh evan malaon dvara ashtami ko vishesh vidhan ke sath bhagvti ki nirantar puja karni chahie. us din havishya-havan, brahman bhojan tatha fal-pushp ka uphar dan adi karyon se bhagvti jagdanba ko prasann karen. yadi koi pure navratra upvas vrat n kar sakta ho to saptami, ashtami aur navmi in tin raton men upvas karke devi ki puja karne se sabhi fal prapt ho jate hain.
devi pujan, havan, kumari pujan aur brahman bhojan in char karyon ke sanpann hone se sangopang navratra vrat pura hota hai. yah vrat dhan evan dhanya pradan karne vala, sukh aur santan barhanevala, ayu aur arogyavardhak tatha svarg aur moksh tak dene men samarth hai.
ataev jise vidya, dhan ya putra pane ki ichcha ho, vah manushya is saubhagyadayi mangalamay vrat ka vidhivat anushthan kare. vidya ki abhilasha rakhne vale purush ko is vrat ke prabhav se sabhi vidyaen sulabh ho jati hain.
jiska rajya chin gaya ho, aise naresh ko punah gaddi par baithane ki kshamata is vrat men hai. bhagvti kalyanasvarupini hain. inka kabhi janma-maran nahin hota. dukh dur karne men ye sada tatpar rahti hain. siddhi pradan karnevali ye devi jagat men sabse shreshth hain.
bhagvti chandika ko manav kyon nahin bhajte ? manu ne kaha hai ki inke ‘svaha’ aur ‘svadha’ in namon ka uchcharan karne se devta aur pitar tript ho jate hain. mahan se mahan papi bhi yadi navratra vrat kar le to uska uddhar ho jata hai. ek samay ki bat hai ek nirdhan vaishya atyant dukhi tha.
kosal desh ke kisi sajjan ne uska vivah bhi kar diya tha. uske bahut se bal bachche ho gaye the, par unki kshudha kabhi shant nahin hoti thi. bari kathinta se kutunb ka bharn-poshan chalta tha. parantu vah sada dharm men tatpar rahta tha. uski indriyan shant thin. vah bara sadachari tha. devtaon, pitron aur atithiyon ki puja karne ke pashchat apne ashrit janon ko khilakar svayan kuch bhojan karta tha.
uttam gunon ke karan uska nam bhi ‘sushil’ rakh diya gaya tha. daridrata se atyant ghabrakar us bhukhe vaishya ne ek shant svabhav muni se pucha- ”brahmanadevta! tumhari buddhi bari vilakshan hai. meri daridrata nishchayapurvak kaise dur ho sakti hai. mujhe dhan ki ichcha nahin hai. kutunb ka bharn-poshan karne ki shakti mujh men a jae.
meri larki vivah ke yogya ho gai hai.“ us brahman ko bari prasannata hui. usne vaishya se kaha - ”vaishyavr! tum ab shreshth navratra vrat karo. ismen bhagvti jagdanba ki puja, havan aur brahman bhojan karana hoga. bhagvan ram rajya se chyut ho gae the. unhen sita ka viyog ho gaya tha. tab unhonne bhagvti jagdanba ki vidhivat upasna ki. tab unhen janak nandini sita prapt huin.
bhagvan shriram ko dharatal par is prakar ki sukh suvidha is navratra ke prabhav se hi sulabh hui thi. vaishya ne unhe apna guru bana liya. navratra men bhagvti ke mayabij mantra ka vah jap karta raha.
nauven varsh ke navratra men antim ashtami ke din adhi rat ke samay bhagvti prakat huin aur unhonne us vaishya ko apne darshan die. sath hi vividh prakar ke var dekar use kritkritya kritya kar diya.
man bhagvti ke vishesh mantra: ain - vagbij mantra klin - kambij mantra hrin -
maya bij mantra shapoddhar mantra: ¬ hrin klin shrin kran krin chandikadevyai shapnashanugrahan kuru kuru svaha.
utkilan mantra: ¬ shrin klin hrin saptashati chandike utkilnan kuru kuru
if you are facing any type of problems in your life you can consult with astrologer in delhi