lokavyavhar men varsh bhar men ashvin navratra evan chaitra navratra ki hi adhik manyata hai. devi bhakt is punya avasar par man bhagvti trishakti (mahakali, mahalakshmi, mahasarasvati) svarup durga ke yathashakti ke anusar vrat, puja, path, jap, dhyan, sadhna karte hain. devi ki sadhna kisi n kisi rup men pratyek vyakti ko avashya karni chahie. devi bhukti-mukti donon ko hi dene vali hain. aisa kaha jata hai ki adi shankracharya ki praranbh men shakti ki sadhna ke prati vishesh ruchi nahin thi lekin jab unhen ek din bhagvti shakti ka sakshatkar hua to unke hriday men devi ki bhakti evan shakti ke prati paramashraddha evan vishvas bane.
pratyek prani matra ke andar jo shakti hai, jisse vyakti kriyashil hota hai vah man bhagvti ki hi shakti hai. sansar ka koi bhi karya bina kriya shakti ke sanchalit nahin ho sakta hai. atah hamare jivan men shakti ka kitna mahatva hai iska anubhav ham apne jivan men svayan kar sakte hain. devi bhagvti ki sadhna yadi yantra evan mantra ke madhyam se sanyukt rup se ki jae to shighra manovanchit saflta ki prapti hoti hai, parivar men sukh-shanti banti hai. dhan, aishvarya, sanpatti ki abhivriddhi hoti hai.
shuddh tamra patra par bane navdurga yantra ko pratham navratra ke din apne puja sthal men sthapit karke navmi paryant is yantra ki nitya puja karne se ichchit fal men ane vali badhaon ka nirakaran hota hai, parivarik unnati, pad, pratishtha evan karyakshetra naukri, vyavsay men labh ki prapti hoti hai.
saral pujan evan sthapna vidhi: pratham navratra ko pratahkal ke samay kisi shuddh patra par ful evan chaval dal kar, uske upar is yantra ko sthapit karen tatha sabse pahle gangajal ya shuddh taje jal se snan karaen, fir dudh, dahi, ghi, madhu, shakkar se bari-bari abhishek karen. fir shuddh jal se abhishek karke shuddh vastra se ponch kar lakri ki chaiki par lal kapra bichakar uske upar yantra sthapit karen.
un dun navdurgayai namah is mantra se yantra par 108 bar range chaval evan pushp charhaen, fir roli, akshat, pushp arpan karen. dhup, dip, naivedya, dakshina charhaen, kshama prarthana karke yantra ke sammukh baithakar nimn mantra ka lal chandan ki mala par nitya navratraparyant 11 mala jap karen athva durga ashtottar shatnamavli ka path karen. mantra: un dun nav durgayai namah