saur mandal ke grahon ka sabhi praniyon par rashi chakra ke anusar achcha bura prabhav nirantar parta rahta hai. janm lagn, daya, mahadsha, antardasha tatha pratyantron ka prabhav avashya fal dikhata hai. nam rashi ke anusar bhi gochar ke grah apna prabhav devandini ke anusar dikhate hain. lagn, janmarashi tatha nam rashi se chaithe, athven, barhven sthan ki sthiti ka prabhav sabhi par parta hai. pradhantah nau grahon ke dushprabhav ko shant karne ke lie kramshah kuch upay nirdeshit kar rahe hain kripya inka labh sabhi sajjanavrind uthaenge. surya: surya ko prasann karne ke lie shikshit logon ko adityahriday ka path avashya karna chahie.
mata-pita ki seva tatha surya ko arddh jal men roli tatha lal pushp dal kar dena chahie. sona-tanba tatha chini, gur ka dan bhi karen. suryoday se purva uthen tatha ravivar ka vrat karen namak ka parhej karen, bujurgon ka samman karen tatha unki paranpra ko sammanpurvak nibhaen. chandra: chandra ko prasann karne ke lie bhagvan shiv ka ‘un namah shivay’ mantra jap karen. pani vala nariyal, safed chandan tatha chandi ka chandrama, bilvapatra, safed mishthan ka bhagvan shankar ko bhog lagaen. somvar ka vrat karen tatha safed vastra ka dan karen. paharon ki yatra tatha mata ke charan chukar ashirvad prapt karen. mangl: mangal ki prasannarth shrihnuman bhagvan ke chameli ka tel sindur shuddh ghi men chola charhaven tatha mangal stotra ka path karen.
imrti, jalevi, bundi tatha churme ka prasad arpan karen. bhaiyon ke samaksh chavi thik rakhen. manglvar ka vrat karen. parosiyon, mitron tatha sath men kam karne valon se achcha vyavhar rakhen. budh: grah ki prasannata ke lie bhagvti durga ki puja, archana karni chahie. kinnaron ki seva karni chahie. hare mung bhigokar pakshiyon ko dana dalen. palak hara chara gayon ko khilaven. pakshiyon visheshakar toton ko pijron se svatantrata dilaven. nau varsh se choti kanyaon ke pad pakshalan arthat pair dhokar unko pranam karke ashirvad prapt karen. budhvar ka vrat rakhen. man bhagvti durga ka pujarchan karen.
mantranushthan havan karke budh ki anukanpa prapt karen. brihaspati: dev guru brihaspati ki prasannata ke lie brahmanon ka samman karke unka ashirvad prapt karen. chane ki dal tatha keshar ka mandir men dan karen. keshar ka tilak mastakapar lagaven evan gyanavarddhak pustakon ka yogya vyaktiyon ko dan karen. bhagvan brahma ka kele men pujan tatha kul purohit ka samman karke ashirvad prapt karen evan yathashakti svarn ka dan karen. shukra: grah ki anukanpa prapt karne ke lie kankdhara mahalakshmi ka dainik path karna chahie. vastra svachch pahnne chahie tatha patni ka samman karna chahie. gomata ki seva tatha goshala men gur, hari chara, chane ki dal gayon ko khilaven. vishesh rup se shri vidya ka pujan karaven.
ekakshi brahman ko kanshi ke katore men khir khilakar dakshina dekar ashirvad prapt karen. vishesh paristhiti men rog ho to mritsanjivni ka mantra jap karaven. sanyam se rahen. vyavnon se bachen. shani: grah ki prasannatarth pipal tatha bhairav ka pujan karen. imrti, urad ki dal, dahi bare bhairav ji ko charhaven v banten. majduron ko tala hua saman banten. shanivar ka vrat karen. tau, chacha se achche sanbandh banae rakhen. shri hanuman chalise tatha sundar kand ke niyamit path karen. shanivar ko til ke tel ka shani par abhishek karen, dakshina den. rahu: rahu ki prasannata ke lie mata sarasvati ka path, pujan karna chahie. rasoi men bane hue bhojan ka pratah jalpan karen.
purnataya shakahari rahna chahie. kisi bhi prakar ka bijli ka saman ikattha n hone den tatha bijli ka saman muft men n len. nanaji se sanbandh achche rakhen. ashlil pustaken bilkul n parhen. ketu: grah ki anukulta ke lie bhagvan shrignesh ji ka pujarchan karna chahie. bachchon ko kele tatha kutton ko tel lagakar roti khilani chahie. kutton ko chot bhi n maren. mamaji ki seva karke unka ashirvad prapt karen. kisi bhi dharm sthan par dhvaja charhaven. ukt upayon ke karne se avashya saflta, shanti tatha utsah milega.