grahon ki anukulta hetu navagrah ratn yantra evan mala acharya. ramesh shastrai nav grahon ka hamare jivan se ghanishth sanbandh hai. grahon ki anukulta evan pratikulta pratyek vyakti ke jivan men ghatit hoti rahti hai. parantu jab grah pratikul hote hain. tab vyakti vivash ho jata hai. us samay sharirik evan mansik parishram karne ke bavjud uska fal prapt nahin hota. aisi paristhitiyon men in grahon ke ashubh prabhavon ke shaman ka upay karne se labh prapt hota hai. navaratn anguthi evan laeket: yah anguthi tatha laeket navagrahon ke navaratn se jarit hote hain. yadi kundli men adhik grah kamjor hon, athva jivan men parishram karne par bhi us anupat men fal n milta ho, to navagrah ratn anguthi ko dayen hath ki anamika men ravivar ki subah dharan karen. yadi anguthi dharan n karna chahen to navaratn laeket dharan kar sakte hain. ise dharan karne se jivan men grahon ke ashubh prabhav dur hote hain aur labh evan unnati ke marg khulte hain. nav ratn mala: yah mala nav grahon ke nav ratnon se nirmit ki jati hai. yah mala grahon ke ashubh prabhav ko dur karne tatha unki anukulta prapt karne ke lie dharan ki jati hai. yadi vyapar men ghate ki sthiti adhik rahti ho, karya men man n lagta ho, utsah men kami ho, to yah mala dharan karen, labh milega. ise man samman, yash adi ki prapti ke lie bhi dharan kiya jata hai. mala ko ganga jal athva panchamrit se shuddh karke ravivar ko pratah kal suryoday ke bad gale men dharan karen aur sath hi nitya navagrah mantra ka 108 bar jap karen evan nimn mantron men se kisi bhi ek mantra ka nitya jap karen, shubh fal ki prapti hogi. nav grah yantra: yah yantra surya, chandra, mangal, budh, brihaspati, shukra, shani, rahu aur ketu yantron ko milakar banaya gaya hai. parivar men grahon ki anukulta hetu ise ghar ki purva disha men ravivar ko pratah kal sthapit karna chahie. yantra ka panchopchar pujan aur pran pratishtha ke pashchat uski nitya dhup dip dikhakar prarthana karen. is yantra ke prabhav se nav grahon ke ashubh prabhav dur hote hain tatha shubh falon men vriddhi hoti hai. is tarah is yantra ki puja upasna se jivan men sukh samriddhi barhti hai. 1. jap mantra: brahma muraristriapurantakari bhanuahshshi bhumisuto budhashch. gurushch shukrah shanirahuketvah sarvegrahaah shantikra bhavantu. sarve grahaah shantikra bhavantu. sarvebhyo grahebhyo namah
Kya aapko lekh pasand aaya?
Subscribe