nav grah apni rashmiyon dvara apne-apne ratnon ko urja pravahit karte rahte hain jisse manushya ka jivan sukhi aur anandamay ho jata hai. maharshi varahmihir ki brihat sanhita ke ‘ratnadhyay’ men ratnon ka vistar se mahatva prakat kiya gaya hai.
1. manikya: surya ka ratn tatva: manikya rasaynik taur par kromiyam v alyuminiyam ka aeksaid hai jo rakt ke saman lal dikhai parta hai. inki kathorta 9, apekshik gurutva 4.03, vartanank 1.76-1.77, duhratrtan 0.008 hai tatha dvivarnita tivra hai.
gun: chamkdar, chikna, pani shreshth, rang shuddh, vajndar, kuch samay hath men rakhne par garm, pani men dalne par raktim kirnen, dudh men dalne se dudh ka rang lal-sa, dikhne men shreshth tatha yah shighra prabhavkari hota hai.
pariksha:
1. ankh par rahne par thandk
2. iski parat sidhi hoti hai.
3. manik gudar chikna v rangin hota hai.
4. manikya ko barf ke tukre ke samne rakhne par jor ki avaj hoti hai
5. pratahkal ke surya ke samne rakhne par manikya men se lal kirnen charon taraf bikhrti najar ati hain.
6. andhkar men rakhne par surya ki abha ke saman chamkta hai.
7. kamal ki pankhuriyon par rakhne par chamkne lagta hai.
8. manikya patthar par ghisne par n ghise, n vajan ghate parantu uski shobha aur barh jaye vah uttam jati ka hai.
dharn: sone ki anguthi men 5 ratti se adhik vajan ka manikya dayen hath ki anamika anguli men pushya nakshatra ya ravivar ko suryoday ke samay dharan karen.
2. moti: chandra ka ratn gajmukta, sarpamukta, vanshmukta, shankhmukta, shukar mukta, min mukta, akashmukta, meghmukta- ye sab aprapya hain. keval sip mukta hi prapt ho jata hai, vah bhi sachcha evan kritrim rup men. tatva: moti jaivik rachna hai. iski kathorta 3.5-4, apekshik gurutva 2.65 ya 2.69 se 2.89 tak hai. gun: sip, ghongha se prapt moti chikna, nirmal, komal, vrittakar gulabi v safed mishrit rangon yukt kailshiyam ka ek thos rup hai.
pariksha:
1. pani se bhare kanch ke gilas men pare moti se kirnen si niklti dikhai deti hain.
2. mitti ke bartan men gay ka mutra bharakar usmen moti dalne par, pratah moti sabut mile to shuddh hai.
3. dhan ki bhusi men moti ko khub ragrne par, shuddh moti chamak aur nikhar jayega.
4. shuddh ghi men rakhne par thos ghi pighal jata hai.
dharn: guru ya ravi pushya yog men suryoday se 10 baje ke bich men 4 ratti ya isse adhik taul ka moti chandi ki anguthi men dharan karen. anguthi bayen hath ki kanishthika ya tarjani men pahni ja sakti hai.
3. munga: mangal ka ratn munge ke samudra men chattan ya bel ke rup men jantu ka gude ya laslsa padarth hota hai jo jamakar kathor rup men ho jata hai.
tatva: apekshik gurutva 2.65, kathorta 3.5 se 4 tak, vartanank 1.486 tatha 1.658 hai. is prakar duhravatrtan adhik hota hai, munge par haidroklorik esid dalne par jhag uthte hain. gun- yah aisis nobails namak jantu ke maignishiyam, karbonet, ferik aeksaid, faesfet, kailshiyam adi rasaynik tatvon ka ek thos sangathan hai.
yah gerue, lal rangon men paya jata hai. kale v safed rangon men bhi manuga paya jata hai parantu inki sankhya kam hai.
pariksha:
1. dudh men munga dalne se lal rang ki jhai-si dikhai parti hai.
2. surya ki dhup men kagaj ya rui par rakha munga ag laga deta hai.
3. khun men munga rakhne par uske charon or ka khun garha ho jata hai.
4. garbhini ke pet par iski bhasm ka lep karne se uska garbh nahin girta.
dharn: manglvar ya shukla paksh ke mrigshira nakshatra men 12 baje dopahar se purva sone ya tanbe ki anguthi men bayane hath ki madhyama men 5 ratti se adhik vajan ka munga dharan karen.
4. panna: budh ka ratn tatva: panna ratn rasaynik rup se silika, lithiyam, kailshiyam v kremiyam aeksaid ka thos sangathan hai.
gun: bhautik gun - kathorta 7.75, apekshik gurutva 2.69 se 2.80, vatrtanank 1.57-1.58, niyamit shadbhujiya akriti, duhravatrtan, apkirnn-0.014 (adhik nahin). paradarshak ya parbhashik. dvivarnita- hara aur nila sa hara, komal, ausat vajan se halka.
pariksha:
1. pani bhare gilas (kanch) men dalne par panna se hari kirnen niklti si dikhai deti hanai.
2. safed vastra par panna thori unchai par pakrne par vastra hare rang ka dikhai deta hai.
3. panna chikna, halka, chamkdar hota hai.
dharn: svarn ya kanse ki anguthi men panch ratti se adhik vajan ka panna jarvayen. dayen hath ki kanishthika anguli men revti nakshatra ke kisi budhvar ko pratah dharan karen.
5. pukhraj: brihaspati ka ratn tatva: pukhraj rasaynik rup men silika, elyumina, florin v kailsiyam yaugikon ka ek thos sangathan hai. gun - bhautik gun -kathorta 8, a. gu.-3.53 se 3.50, vatrtanank- 1.618 tatha 1.627, duhravatrtan - 0.008 tatha apkirn-0.014. pukhraj chamkdar, paradarshi, haldi, sarson ke ful ke saman pila, safed v svarn rangon se yukt hota hai.
pariksha:
1. safed kapre par, surya ki dhup men dekhen to pili jhai si dikhai deti hai.
2. dudh men chaibis ghante rakhne par bhi pukhraj ki chamak kshin nahin parti.
3. jahrile janavar ke kate sthan par, pukhraj ghisakar lagane par turant jahar mit jata hai.
dharn: svarn nirmit anguthi men panch ratti se adhik ka pukhraj jarvakar, dayen hath ki tarjani anguli men shukla paksh ke pushya nakshatra men kisi guruvar ko pratahkal dharan karen.
4. hira: shukra ka ratn tatva: banavat men yah shuddh khedar koyla hai- isse kathor koi aur padarth nahin hota hai, parantu purn jvalan ke pashchat karban dai aeksaid gais ban jati hai. gun: bhautik gun-kathorta 10, agu. -3.15 se 3.53 tak, vartanank- 2.417 se 2.465 tak (lal prakash men 2.402, pile men 2.4175, hare men 2.427 tatha baingni men 2.465).
pariksha:
1. hira garm ko turant thanda kar deta hai.
2. garm pighle ghi ko turant jamane lagta hai.
3. surya ki dhup men indradhnushi rang niklte hain.
4. totle bachche ke munh men rakh dene par uski avaj thik ho jati hai.
5. viprit lingi, pahna hua hira dekh kar vash men hota-sa pratit hota hai.
dharn: chandi ki anguthi men panch ratti (sona bhi) se adhik vajan ka hira jarvakar dahine hath ki madhyama ya kanishthika anguli men purvafalguni nakshatra ke shukravar ko suryoday se dopahar 11.30 tak dharan karen.
6. nilm: shani ka ratn tatva: asmani, mayur pankhavat nile rang se yukt rasaynik rup se kobalt, taiteniyam, korandam athva elyuminiyam aeksaid ka kathor sangathan hai. gun: bhautik gun- kathorta 9, a. gu.-4.03, vartanank 1.76-1.77, duhravartan 0.008, dvivarnita adi spasht tatha jajvalyata hire se kam hoti hai.
pariksha:
1. nilam ke samip tinka lane par vah chipak jata hai.
2. dhup men tej kiran niklti hai.
3. dudh men rakhne par dudh nila dikhai deta hai.
4. nilam dharan karne ke kuch ghanton men hi apna achcha-bura prabhav dikha deta hai.
dharn: sone, panchdhatu ya lohe ki anguthi men char ratti ya bara vajan ka nilam dayen hath ki madhyama men anuradha nakshatra ke kisi shanivar ko dharan karna chahie.
7. gomed: rahu ka ratn tatva: gomed nirkoniyam namak tatva ka ek siliket hai jo chikna, chamkdar, sunhre, gahre pile, katthai, gaumutra ke rang ke saman hota hai. gun: bhautik gun-kathorta 7.5 tak, a. gu.-4.65 se 4.71 tak, padarshaka-parbhashak tatha aparadarshak bhi, vartanank -1.93 se 1.98 tak, duhravartana- 0.06, apkiranan 0.048 (kafi adhik).
pariksha -
1. gaumutra men 24 ghante rakhne par gomed-mutra ka rang badal deta hai.
2. lakri ke burade men ghisne par chamak barh jati hai.
dharn: 1. chandi ki anguthi men panch ratti se bara gomed jarvakar dayen hath ki madhyama men svati nakshatra ke kisi budh ya shanivar ko pratah dharan karen.
9. lahsuniya: ketu ka ratn tatva: lahsuniya rasaynik rup se elyuminiyam v beriyam ke yaugikon ka thos rup hai jo paigmetait nais tatha abhrakamay partdar shilaon se nirmit hota hai.
samanya rup se yah sukhe patte ya dhunen ke saman, safed, kale, hare, pile adi rangon men paya jata hai parantu sabhi rang ke lahsuniya men safed sut si dhari avashya dikhai parti hai.
gun - bhautik gun-kathorta - 8.50, a. gu. 3.68 se 3.78 tak, vartanank- 1.750 se 1.757 tak, duhravartana-0..10, apkiranan 0.015, rachna ghanatmak hai.
pariksha:
1. safed kapre par ragrne par chamak barh jati hai.
2. haddi par 24 ghante rakhne par yah usmen ched kar deta hai.
3. andhere men lahsuniya men se kirnen niklti si dikharth pare to vah shreshth koti ka ratn mana jata hai.
dharn: chandi men nirmit anguthi men panch ratti se adhik vajan ka ratn, dayen hath ki madhyama anguli men ashvini nakshatra men kisi bhi shanivar ko pratahkal dharan karen....